IRPHUTNA 3:14 - PATHIAN LEKHABU IRTHIANG C.L. Bible (BSI)

¹⁴ Khan, Rengpa Pathianin mirûl kuang khan, “Hi thil hi ni tho tâk sikin ramsa le sa murdi laia le ramsa tinrêng laia chu khosâl tongin om bîk ni ta, ni boka irvâkin fe hen ni ta, ni hring sûngin vâiphin ni ifâk hrang a ni.

IRPHUTNA 3:14 ပူးပေါင်းရင်းမြစ်များ

IRPHUTNA 3:1

Khan Rengpa Pathianin ramsa a isiam murdi laia mirûl hi a vâr irlet tak a nia. Khanchu mirûlin nupangnu kuang khan, “Pathianin irhuana thing rahai hi nin ifâk hrang ni mah a iti ma ni?” a tia.

IRPHUTNA 4:11

Khasikin, irnêng, ni kut ata ni sangpa thisen dong hrang a bâi lei ângtu ata hi khosâl tong ni ta;

IRPHUTNA 9:6

Mi tukhom mihriam thisen insuaktu chu, mihriam ngêtin ama thisen an insuaktir hrang a ni. Pathian irangpuia siam an ni sikin.

INPÂKNA HLAHAI 72:9

Ramchâra omhai chu a makunga kûn an ta; Ama doituhai khomin vâiphin inliak an ti.

ISAIA 29:4

Irtetin zâl ngul ni ta, nêngpilin nang irkhu a ta, tasân theihai irsîr an ti, nêngpil ata hor chok ni ta,

ISAIA 65:25

Inê le kêlbelra hmunkhatin om an ta, kâmkeibaknei khomin sehrât angin fapôl fa a ti. Mirûlhai khomin nêngpil hi bu’n ngam an ti. Ki tâng irthianga khan, thil saloi le natnahai om ta no ni, Rengpa’n a ti.

LEVI DÂN 20:25

Khasikin, sâ le vahai chu a’rthiang le irthiang loi theithâk intam unglân, sâ irthiang loi mani, vâ irthiang loi mani fa no roi; irthiangloi ki iti nin fâkin chu irthiang loi ni nin ti.

MIKA 7:17

Mirûl angin pil inliak an ta; irnênga inboka irvâka fehai angin an omna khur ata khan inthing pumin hong an ta: Rengpa ei Pathian kuanga khan chi pumin hong an ta, nangma sikin chi an ti.