IRPHUTNA 26:3 - PATHIAN LEKHABU IRTHIANG C.L. Bible (BSI)

³ hi rama hin omin lân, ni kuang om ki ta, sat nang vur ki ti; hi ram murdi hi nangma le nir chihai pêkin, ni pa Abrahama kuanga ki chonginkung kha ki indet hrang a ni.

IRPHUTNA 26:3 ပူးပေါင်းရင်းမြစ်များ

IRPHUTNA 12:7

Khan Rengpa kha Abrama kuang an lâra, “Hi ram hi ni’rchihai la pehai ki ti,” a tia. khanchu a kuanga inlârtu Rengpa ta hrangin maichâm a siama.

IRPHUTNA 13:15

ni ram hmu murdi hi nang le ni’rchihai a vuan ata kumkhuain nang pe ki ti.

IRPHUTNA 13:17

Thoiin lân ram hi a dung a khang irfang suak ro: nang ki ipêk hrang a ni,” a tia.

IRPHUTNA 15:18

kha nî tena chu Rengpa’n, “Hi ram hi, Aigupta Tui ata Tuipuilian (Eufrates) tui dênin ni’rchihai ki pêk ta,

IRPHUTNA 17:19

Khan Pathianin, “Ni thei no ni, ni dôngma Sari’n nâipasal nang neipui a ti; a’rhming khom Isaka phua ni ti: iti’n ki thuthung chu hi zoia irchihai hrang khomin kumkhua thuthung ni hrangin ki indet a ni.

IRPHUTNA 17:8

Khan ni kôl le ni hnunga ni’rchi la hong om hranghaiin chu ni mikhualna ram, Kanaan ram murdi hi kumkhua irchon hrangin nangni ki pêk; khan keima hi an Pathian ni ki ti,” a tia.

IRPHUTNA 20:1

Khan, Abrahama chu kha ram ata kha sim tiang a’rsona, Kades le Sur khua kâra omhmun a khuara, Gerar khuaa om pumin.

IRPHUTNA 25:11

Khan hiang hi a nia, Abrahama a thi zoiin chu Pathianin a nâipa Isaka chu sat a vura; khan Isaka chu Beer-lahai-roi kôla a oma.

IRPHUTNA 26:12

Khanchu Isaka’n kha rama khan omin loi a thoa, hi kuma hin bu khom tamtak a nei: Rengpa’n sat a vur pea.

IRPHUTNA 26:14

Belra le sehrât a hong neia; insûng mi khom tamtak an hong punga; khanchu Filistian-haiin an hong hnarsa tâka.

IRPHUTNA 26:24

kha ni zân khan Rengpa’n a kuang an lâr pea, “Kei hi ni pa Abrahama Pathian kha ki ni; chi no ro, ni kuang ki om, sat nang vur ki ta, ki sinthotu Abrahama sikin, nir chi la pung an ti,” a tia.

IRPHUTNA 28:13

Irngai ro, a sîp taka Rengpa an dinga, “Kei hi Rengpa, ni pu Abrahama Pathian le Isaka Pathian ki ni: ni zâlna hmun kha nang le nir chihai nangni pe ki ti;

IRPHUTNA 28:15

Irngai ro, kei ni kuang om ki ta, ni fena hmun tina nang hrung ki ti; hi rama hin nang hruai nôk ki ti; ni kuanga ki ihril hi a tak a tung mâka nang irnghil no ning,” a tia.

IRPHUTNA 31:3

khan Rengpa’n Jakoba kuanga khan, “Ni’rchibulhai omna rama ni sûngsuakhai kuang fe nôk ta ro, ni kuang om mai ki ti,” a tia.

IRPHUTNA 35:12

Khan Abrahama le Isaka, ram ki ipêkhai hi, nang pe ki ta, ni thi tena khom nir chihai pe nôkhai ki ti,” a tia.

IRPHUTNA 39:2

Khan Rengpa chu Josefa kuanga omin, Josefa chu vânnei tak a nia. Aigupta mi ina omin,

IRPHUTNA 39:21

Khannisianlân Rengpa chu Josefa kuang khan a om maia, intângna in nghâktuhai khom an rentirhaia;

IRPHUTNA 48:21

Jakoba’n Josefa kuang khan, “Irngai roh thi hrang ki ni ta, khannisianlân Pathian chu nin kuang om a ta, nin irchibulhai omna rama nangni la hruai a ti.

IRPHUTNA 50:24

Khanchu Josefa’n a urênghai kha, “Ki ithi hrang tâk kêng, khannisianlân Pathianin nangni ompui mai a ta, hi ram ata hi Abrahama, Isaka, Jakoba chonginkungna ram a ipêk tâkna hmuna nangni la hruai a ti,” a tia.

1 THURCHI SUINA 16:16

Abrahama kuanga a thuthung le Isaka kuanga a chonginkung chu a inhriat mai a ni.

INPÂKNA HLAHAI 105:8

A thuthung chu kumkhua’n an hriat ngaia, Irlo sângkhat dêna a thu lei pêk chu;

INPÂKNA HLAHAI 105:9

Abrahama kuanga a thuthung le, Isaka kuanga a khomâksâm kha:

INPÂKNA HLAHAI 32:8

“Ni fena hrang lampui chu nang irhmutirin, nang irchutir ki ti, Ki mitin nang en maiin nang changpui ki ti.

INPÂKNA HLAHAI 39:12

O Rengpa, ki chongchaina hi irngaiin lân, nang kin samna hin mikuar do’n lân; Ki mitrithi tâk hi dâisanhrek no roh. Ni mikhual ki nia, ki’rchibulhai ang khan khual inzin chian ki ni.

FESUAKNA 2:24

Pathianin Abrahama, Isaka le Jakoba-hai kuanga a thuthung kha an hriat maia.

FESUAKNA 3:12

Khanchu, Pathianiin “Keima ni kuang om mai ki ti, nang ki ompui ti inhriatna’n hi hih irsinsia ro: Aigupta ram ata ni hruai suakhai zoiin chu, hi tânga ngêt hin Pathian sin nin la itho hrang a ni,” a tia.

FESUAKNA 6:4

Khan anni kuang khan chu, Kanaan ram, zoro sôtnotea an lei mikhualna ram pe hrang thu ki lei irthungpuihai tâka.

FESUAKNA 6:7

Khanchu ki mi ni ta nin ta, kei nin Pathian ni ki ti; khanchu keima hi nin Pathian Rengpa Aigupta hai suak nin changna ata hruai suakpu ki nih ti inhria ta nin ti.

FESUAKNA 6:8

Abrahama, Isaka le Jakoba ki lei ipêkhaina ram hi nangni’n hong lua nin ta, nin irchon ni ta a ti: Kei Rengpa ki nih tiin hril ta nin tih a tia.

ISAIA 43:2

Tui inthûk ni pal lai khomin nang ompui ki ta, Tuilian khomin nang ngîm thei no ni, meipui laia fe khomin lân nang kâng no ni, Meidôn khomin nang hliai innatir thei no ni.

ISAIA 43:5

Chi no ro, nang ompui ki ti, Nisua tianga nir chi omhai hong hruaihai ki ta, Nitâk tianga omhai bukkhômhai ki ti.

MIKA 7:20

Tianlaia ei puhai kuang chong nin kung tâka, Jakoba kuang thutak le Abrahama kuang lungkhamna kha hlensua ni ti.

NAMBAR 23:19

Pathian chu mihriam minlak ang hi ni maka, Ama chu mihriam milung irletkochok ngai ang hi ni ma; chong a inkung tâk chu a tho ngêt ngai. Thu a hrila, a’rzoi zel ngai.

DÂN INHNINA 1:8

Hi ram hi a ni, nin irchibul Abrahama, Isaka, Jakoba hai le an irchihai kuang pêk ki inkung ram, irfang unglân, van hnê roi duah” a tia.

DÂN INHNINA 34:4

Khan, Rengpa’n a kuang, “Hi ram hi a ni, Abrahama, Isaka, Jakoba hai kuang, Nin irchihai la pe ki ti, tia irkhâmin, ki lei inkung kha, a hmu kha nang ki’rhmutir phot a ni; khannisianlân, so taka son chu nang infetir no ning,” a tia.

FILIPI 4:9

Ki kuang nin thil irchu le donghai, nin thil inhriat le hmuhai kha tho ngai roi. Khanchu irtharngamna Pathian khan nangni ompui a ti.

HEBRAI toc2 HEBRAI 11:9

Iamna’n Pathianin ram a inkung pea khan khual mi angin a oma, Pathian chonginkung dong sa, Isaka le Jakoba angin puan inhaia a oma.

HEBRAI toc2 HEBRAI 6:17

Pathianin a inkung hmu hranghai kuang khan a thil tum indanglam viat no ni, ti infel pe ual nuamin a chonginkung kha khomâk irsâmin a indet a ni.