IRPHUTNA 26:14 - PATHIAN LEKHABU IRTHIANG C.L. Bible (BSI)

¹⁴ Belra le sehrât a hong neia; insûng mi khom tamtak an hong punga; khanchu Filistian-haiin an hong hnarsa tâka.

IRPHUTNA 26:14 ပူးပေါင်းရင်းမြစ်များ

IRPHUTNA 12:16

Khan, ama’n chu Saraii sikin Abrama chu satakin a dona, belra, sehrât, sakuartunghai, suaknu suakpa le saringseihai a neipui tâka.

IRPHUTNA 13:2

Khan Abrama chu sahai, sum le puan, rângachakhai a nei intamin a sân a’rchonga.

IRPHUTNA 24:35

khan Rengpa’n ka pu chu a sate zelin sat a vura, mi irchongtak a nia: Rengpa’n a kuang belra rual, sehrât rual, sum tamtak, rângachak hai, siahlonu le siahlopahai, saringseihai tamtak a pêka.

IRPHUTNA 25:5

Khan Abrahama’n chu a inei murdi Isaka a pêk vinga,

IRPHUTNA 30:43

Khanchu Jakoba kêl chu a sate zelin an pung pea, kêl rual, satak tak hai, suaknu, suakpa, saringsei le sakuartunghai a nei tâk a ni.

IRPHUTNA 37:11

Khanchu a uhaiin an hnarsaa; a pa rêkin chu a thuhril kha a lungrîla a vong chiana.

JOBA 1:3

A’rchong lam dân chu hiang hin a ni: kêlbelra sângsari, saringsei sângthum, sehrâtchal a bopin irzaringa, sakuartung a pui irzaringa le siahlo tamtak a neia. Nisua tiang rama khan chu irchongtak a ni.

JOBA 42:12

Rengpa’n Joba zoro hnungkhôn chu matona nêkin sat a vura. Belra sîng minli, saringsei sângruk, sehrât bop sângkhat, sakuartung a pui sângkhat a neia.

JOBA 5:2

Mi’nto chu chiar chiarin thi a ta, irhnarsâna hin mi’nmôl a that thei.

INPÂKNA HLAHAI 112:10

Mi sia khan ama kha hmu a ta, a ninginmur a ta; A ha rial a ta, irhmang a ti; Mi sualhai nuamlam chu irhmang a ti,

INPÂKNA HLAHAI 112:3

A ina khan irchon le sum puan om a ta, A felna chu kumkhua’n om a ti.

THUVÂRHAI 10:22

Rengpa satvurna khan ar chongtir ngai. Sin hrâtna ringotin irchongtir thei ual no ni.

THUVÂRHAI 27:4

Ningmur chu a nunrôngin a siata, khannisian hnarsâna le irkhi’n chu ite ni ma.

THUHRILTU 4:4

Khanchu, itho sika mihai hin hlochukna hrangin a sâna sin an itho; hi khom hi tualbômhai hnarsâna sika a nih ti kin hriat tâka; khannisian hi khom hi chanlamboi le a korong a ni.

1 SAMUELA 18:9

Khanchu Saula khan kha nia irthokin Davida kha mitsunin a nei tâka.