7 Khan Abrahama dam sûng kum chu 175 a nia.
Khan Abrama khomin Rengpa iti pe lam angin a fe tâka; Lota khom a fe saa, khan Abrama chu Haran khua ata a suaksan laiin kum 75 mi a ni.
Jakoba’n Faroa kuanga khan, “Ki khual inzinna kum chu irzakhat sômthum a nia; ki dam lai kum hi a tômin a intak a ni. A ni neituhai kum leh irkhiin chu, an dam lai kum chimrip khom ni ma,” a tia.
Khan Isaka dam sûng kum chu irzakhat sômriat a nia;
Isaka chu a’rtha’n mâksanin, upatak tar dêna damin a ithi a ni ta; a’rchipuihai laia hruaiin a om tâka; a nâihai Esaua le Jakoba’n an phûm ta.
Khan Jakoba chu Aigupta rama khan kum sômhleisari a oma: khanchu Jakoba dam sûng kum chu irzakhat sômminli sari a nia.
Khaangin Josefa chu kum irzakhat sômkhat mi a ni’n a thia: a ruak chu thu thei loiin an sinsiama, irkuanga inzâlin a om tâk a ni.