IRPHUTNA 22:12 - PATHIAN LEKHABU IRTHIANG C.L. Bible (BSI)

¹² Khan Pathianin, “Nâipang chunga khan ni kut insum no’n lân, ite tôn viat no ro: ni nâi neisun khom pêk hrangin nin hroi ta no sikin, Pathian ni chi ti kin hriat ta,” a tia.

IRPHUTNA 22:12 ပူးပေါင်းရင်းမြစ်များ

IRPHUTNA 20:11

Khan, Abrahama’n, “Hi kho sûnga hin Pathian chitna nei mi nin om viat no sikin, ki dôngma ki ti’n teh kei nin ni ithat ngam hrang a nih ti kin hriat sika a ni.

IRPHUTNA 22:13

Khan Abrahama khan a hnung a’rheia, a en vêla, a hnung tiang belrachal a’rki thinga inôk hi a ngîr pea; khanchu Abrahama’n belra kha a chela, a nâipa irthûlin hâlirvôm thilinhlanna hrangin a hmang tâka.

IRPHUTNA 22:16

“Hi thil hi ni tho tâk sikin, ni nâi neisun nin hroi ta no sikin, sat nang vur ngêt ki ti.

IRPHUTNA 22:2

Khan ama’n, “Ni nâi, ni nâikhât neisun, ni inrentak Isaka kha hruaiin lân, Moria rama khan fe ro, kha hmuna nang ki ihril hrang tâng inkhata khan hâlirvôm thilinhlan ro,” a tia.

IRPHUTNA 26:5

Abrahama’n chu ki hê a lâka, ki thuhril, ki thupêk le ki dânhai khom a zôm ngai ang khan,” a tia.

IRPHUTNA 42:18

Sûn thum ni sûn chu Josefa’n “Kei lak Pathian ki chia, hiang hin tho unglân, khan kêng nin izôk thei hrang a ni.

NEHEMIA 5:15

Khannisian matona ram optu chu a le’rchong oka, tangka sekel sômminli tep loiin, an bu le uainhai an lâk pehaia; a hnung le a mân tianga siahlohai chu an inlal oka; khannisian keima’n chu Pathian chitna’n khaang khan tho ma unga.

JOBA 1:1

Uz rama mi inkhat a oma, a’rhming chu Joba a ni; hi mi hi sêlnaboi, Pathian chi mi, mi iamom, thil saloihai ata irdîn thei mi a ni.

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

JOBA 5:19

Voiruk voisari khom buaina tokin lân, nang sansuak a ti, thil saloiin nang tôn thei no ni.

INPÂKNA HLAHAI 1:6

Mi felhai fena chu Rengpa khan an hriat mai ngaia; Mi siahai fena rêk chu irhmangna a ni.

INPÂKNA HLAHAI 111:10

Rengpa chi chu vârna bul a nia; A thupêk zômhai ka kuang inhriat thiamna sa a pêk ngai. Ama’n pâkna chu kumkhua’n om mai a ti.

INPÂKNA HLAHAI 147:11

Khannisian Rengpa khan ama chituhai chunga khan lômna a nei ngaia, Ama lungkham lianna chunga irnghattuhai chunga khan a lôm ngai.

INPÂKNA HLAHAI 2:11

Chi pumin Rengpa sintho unglân;

INPÂKNA HLAHAI 25:12

Rengpa chi mi chu tu mo a ini? Kha mi kha chu a lampui inthang hrang kha lan entir a ti.

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

FESUAKNA 20:20

Mosia khan, “Chi viat no roi, ama chitna lungrîl nin nei maia, sual sin ta loia nin omna hrangin nangni en irsin hrang vaia Pathian chu a izuang a ni,” tiin a sâma.

THUVÂRHAI 1:7

Rengpa chi chu inhriatna bul a ni. Khannisianlân, invêthaiin chu vârna le irchûtirna an hmusit ngai.

THUHRILTU 12:13

Hihai murdi zoia hin chu, thil inkhat vai hi hril hrang a om tâka; Pathian chin lân a thupêkhai zôm ro, kha hrang piala mihriam hi siam ei ni sikin.

JEREMIA 19:5

An nâihai mei leh irbôlna hranga an inhlan theina hrangin, Baal ta hrangin maichâmhai an isiam a ni. Khahai tho hrangin thu ite pehai ma unga; ki lungrîla lua ki insâp phâk loi a ni.

JEREMIA 32:40

Kumtuanga thuthung siampuihai ki ti. Itiklai khoma anni ta hranga thil sa tho irngam pehai no ninga, lungrîl taka ni ngîk hrangin siamhai ki ta, khanchu hnung ni songsan ngai no nihai.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

MATHAIA 16:24

Khanchu Jisua’n a irchutirhai kuang, “Tukhomin ni zui a nuamin chu mâni intak ngaitua loiin a kros irputin ni zui ri se.

MATHAIA 19:29

Tukhom ki’rhming sika in mani, urêng mani; farnuhai mani, pa mani, nu mani, nâihai mani, ramhai mani mâksan chu a bâk irzain hmu an ti; kumtuang hringna la dong sa an ti.

MATHAIA 5:16

Khaang dênin nin vâr kha mi mit hmu’n vâr ri se; khanchu, nin thil tho sahai kha hmu an ta, nin Pa irvâna mi chôiindôm thei an ti.

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

TÎRTÔNHAI SINTHO 9:31

Judai rama, Galili rama, Samari ram haia, a ram pumpuia koiindang mihai kha lungngam takin an oma, an det tîr tîra, Rengpa chi pumin an om saa, Irtha Irthianga irtharngamin an hong pung tîr tîra.

ROM KHUAA MIHAI KUANGA TÎRTÔN PAULA LEKHATHON 5:8

Aniachu Pathianin lung a ni ithungna an langna chu, mi sual ei ni lai ata Krista kha ei ta hrangin a zuang thi tâka!

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

1 KORINTH 10:13

Fiana nin itong hen hi mi tong ban om ual mah. Pathian chu iam a oma, ni tuang thei bana irkhêl fiana nin chunga intungtir no ni, nin doi zoi theina hrangin fiana hong tung laiin lôitheina lampui nangni siam pe a ti.

2 KORINTH 8:12

Pe hrangin nin irzukin chu, nin inei loi chunga ni loiin, nin inei chunga nin thilpêk kha Pathianin inham a ti.

HEBRAI toc2 HEBRAI 11:19

Pathianin Isaka kha thina irthok khomin a kaithoi thei tih Abrahama’n an hriata, Isaka kha thina irthokin a hmu nôk ti hrangin a om.

HEBRAI toc2 HEBRAI 12:28

Khasikin lôm ei ti, raifânin, a lôm hrang lamin mahrip le ichi pumin Pathian chubai mûk ei ti,

JAKOBA toc2 JAKOBA 2:18

Mi tu khôkin mani, “Mi inkhatin iamna a neia, mi dangin sintho a nei,” ti a ti. Khannisian, keima sâmna chu, “Itin mo, mi’n sintho boiin iamna a inei thei lam nir hmu roi; keima’n chu sintho’n ki iamna nang irhmu ki ti,” ti hi a ni.

THUPHUANG 19:5

Khan, rêngtoihmuna irthokin hnukirhai a hong suaka, “Nangni suakhai murdi le ama mahrip thohai ngai, mi lian le mi chînhai, ei Pathian inpâk roi!” a tia.

1 SAMUELA 15:22

Samuela’n, “Rengpa khan thuzôm a inuam ang khan hâlirvôm thilinhlanhai le irbôlnahai hi a ilôm ngai ma ni? Irngai ro, irbôlna nêkin thuzôm hi a sa uala, kêlbelrachal satak nêkin, a thuzôm hi a sa ual a ni.