IRPHUTNA 2:25 - PATHIAN LEKHABU IRTHIANG C.L. Bible (BSI)

²⁵ Khan Adama le a dôngma kha korongboiin an oma, inzak ual mahai.

IRPHUTNA 2:25 ပူးပေါင်းရင်းမြစ်များ

IRPHUTNA 3:7

Khanchu an ruaiin an mit a hong vâra, korongboi an nih ti an irhriat suak tâka; khanchu theipui hnâ insui irkopin puanbom hrangin an siam tâka.

INPÂKNA HLAHAI 25:3

A ni, nangma nghâktu rêng rêng chu tûte mualinphoiin om no nihai: Asan om loia vârirlet taka thotuhai chu mualinphoiin om an ti.

INPÂKNA HLAHAI 31:17

O Rengpa, mualinphoiin nin omtir no’n lân; nang ki koia. Mi siahai kha mualinphoiin omhai sianlân, Seol-ah dâihrekin om ri sehai.

FESUAKNA 32:25

Mipuihai chu an nuam an ningin an oma, an râlhai en nuam loi rak hrangin Arona khan a len lêngtirhai tih Mosia khan a hmuin chu,

ISAIA 44:9

Millim siamtuhai hi ite ual ni mahaia, an thil siam an inhluhai laka ite hmangna boi. Ama biaktuhai hin ite inhre infel thei loiin lan zak an ti.

ISAIA 47:3

Korongin omin lân, ni ser khom inlang ri se. Phubâ la ki ta, tûte irkhol no ning.

ISAIA 54:4

Chi no ro, inzak ta no chi ni, mualinphoi ta no chi nia, intem ual ta no chi ni, Ni vânglaia mualinphoinahai chu ni’rnghila, meithâi intirom anga ni omnahai ni’rnghilpaia.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

EZEKIELA 16:61

Khanchu ni zuarpuihai, ni u le ni sanghai ni pom hnunga ni omdânhai hong inhriatsuak ni ta, lan zak ni ti: anni chu ni nâinu ta hrangin pêk ki ti, ni thuthung sika khan chu ni loiin.

JOELA 2:26

Tam tak fa nin ta, khop nin ti, irkhêl taka nangni ngaitua ngaitu Rengpa nin Pathian irhming kha inpâk nin ta: ki mihai chu mualinphoi viat viat no nihai.

MARKA 8:38

Tukhom atûnlaia mihai, uire hmang le sual takhai laia keima le ki thu inzakpui chu, Mihriam Nâipa hi vântîrtôn irthianghai le a Pa roiinpuina leh a zuang tika chu lan zakpui a ti,” a tia.

LUKA 9:26

Ki thu le keima nin zakpui ka chu Mihriam Nâipa khomin a roiinpuina le, Pa le vântîrtôn irthianghai roiinpuina le, a zuang tika anni kha lan zakpui a ti.

ROM KHUAA MIHAI KUANGA TÎRTÔN PAULA LEKHATHON 10:11

Pathian Lekha thu’n, “Tukhomin a iam chu mualinphoi no nihai,” a iti a ni.