IRPHUTNA 2:1 - PATHIAN LEKHABU IRTHIANG C.L. Bible (BSI)

¹ Kha zoiin chu irnêng irvân le a sûnga om hrang murdi siam zoi a ni tâka.

IRPHUTNA 2:1 ပူးပေါင်းရင်းမြစ်များ

IRPHUTNA 1:1

Pathianin a phut taka irnêng le irvân a siama,

IRPHUTNA 1:10

Pathianin mual le tâng chu “Irnêng” a tia, tui om khômhai chu “Tuipuihai” a ti tâka, khan Pathianin kha kha a ena, a sa a ti zapa.

IRPHUTNA 2:4

Irnêng le irvân siam dân chu hiang hin a ni, Rengpa Pathianin irnêng le irvân a siam lai khan.

2 RÊNGHAI 19:15

Hezekia chu Rengpa makunga a chongchaia, “O Rengpa, Israelhai Pathian, cherub chunga toi, nang hi Pathian tak chu ni ni, ram murdi luatu le roirêltu ni nia, irnêng le irvân khom hi nangma isiam a ni.

2 THURCHI SUINA 2:12

Hurama’n, “Rengpa Israelhai Pathian irnêng le irvân siamtu, Rengpa in le rêng in sin hranga vârna inhriatna nei nâipasal vâr tak rêng Davida pêktu chu inpâkin om ri se.

NEHEMIA 9:6

Israel mipuihai chu hiang hin an chongchaia, “Rengpa, nangma vai hi Rengpa ni nia, irvân le a sûnga om murdihai leh, irnêng le a sûnga om murdihai le, tuikhanglian le a sûnga om murdihai ni kut suak a nia; khan irvân tianga omhai khomin chubai nang an mûk ngaia.

JOBA 12:9

Hihai murdi laia hin, Rengpa kutin a itho a nih ti inhre loi tu mo om?

INPÂKNA HLAHAI 104:2

Nangma’n chu vâr kha puan angin nir bela; Irvânhai khi puan in chung angin ni kaiphara:

INPÂKNA HLAHAI 146:6

Ama chu irnêng le irvân, Tuikhanglian le a sûnga om murdi siamtu a nia; Ama chu kumkhua’n a chonginkunga a om ngai;

INPÂKNA HLAHAI 33:6

Rengpa irchamin irvânhai chu siam a nia; Khaanga omhai murdi khom kha a bâia phûk khan siam an ni sa.

INPÂKNA HLAHAI 33:9

Ama khan chongin a tia, a hong om indet tâka; Thu a pêka a hong om indet tâka.

FESUAKNA 20:11

Rengpa khomin sûn ruk sûnga khan Tuikhanglian, irnêng le irvân le a sûnga om murdi a siama, sûn sari nî chu a irngam chian a ni, satakin sat a vura a iser a ni.

FESUAKNA 31:17

Keima le Israel mihai kin kâra thuthung irsinsiana det ni a ti; keima Rengpa hin sûn ruk sûngin irnêng le irvân ki siam zoia, a sûn sarina chu ki sin ki monga, ki irngam a ni ta,” a tia.

ISAIA 34:4

Irvâna omhai khom khi râl angin, lekha angin irvân khi inzuatin om a ta, irvâna om murdi khi tâ an ti. Grep le theipui hnâ a ichil ang hin.

ISAIA 42:5

Pathian, irvân siamtu le kaiinphartu hin, Irnêng le a sûnga om indingtirtu, hringna phûk le irtha pe theitu, Rengpa’n hiang hin a ti:

ISAIA 45:12

Keima hih ki ni, irnêng siamtu chu, A sûnga om mihriamhai hi ki isiam an ni. Keima kutin irvân khom khi ki kaiphara, Thil om murdihai khi, keima ircham taka om an ni.

ISAIA 45:18

Irvân siamtu chu Pathian a ni, Irnêng khom a siama, dettakin an ngîrtira. Siat remrum khomin siam maka, om hmun satakin a isiam a ni. Ama thotu Rengpa’n hiang hin a ti: “Kei hi Rengpa chu ki ni, tûte a dang om mahai,”

ISAIA 48:13

Irnêng irnghatna, ki kuta ki isiam a ni, Ki kut chang tiang irvân khi ki kaiphara, ki hong koia, an lei iom ngai a ni.

ISAIA 55:9

Irvân khi irnêng nêka irsâng a ini ang hin, ki om dân hi nangni om dân nêkin a irsâng a ni, ki lungrîl khom nangni nêka inthûk a ni.

ISAIA 65:17

Irngai ro, irvân thar le irnêng thar ki siam ta, matona thilhai a hek zoi ta, inhriat mai ni ta no ni.

JEREMIA 10:12

Rengpa’n a sinthotheina’n irnêng a siama; a vârna’n rammual an dinga, irvân khom a ikai inphar a ni.

JEREMIA 10:16

Jakoba Pathian chu anni ang kha ni ma; Ama chu itinrêng siamtu a nia, a mihai ni hrangin Israel chu a inthang a ni. A’rhming chu Rengpa Pathian a ni.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

ZAKARIA 12:1

Hi hi Israel chungthua Rengpa rengata thu suak chu a ni, Rengpa irvânhai kaiinzara, irnêng inding suaka, mihriamhai kuanga hringna petu’n hiang hin a tia:

LUKA 2:13

Voikhat rengin vântîrtôn kôla khan irvân mipuihai an zuang om mur tâka, Pathian an inpâka.

TÎRTÔNHAI SINTHO 4:24

An thu irngaituhai khan irrualin inring takin Pathian an insama, “O inlaltak, Nangma, irvân, irnêng, tuikhanglianhai le a sûnga thil om murdi siamtu ni ni;

TÎRTÔNHAI SINTHO 7:42

“Khanchu, Pathianin anni kha ar heisanhaia, irvâna ârsihai an biak theina hrangin a rotsanhaia, deipu lekhabua: ‘Israel in sûng mihaio, kum sômminli sûngin ramchâra khan irbôlna sa thatin nin inhlan ma ni?

DÂN INHNINA 17:3

pathian danghai zuiin an sinthoa, biak loi hrang ki itihai, thahai le thil dang tamtakhai khi biak om sianlân,

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.

HEBRAI toc2 HEBRAI 4:3

Eini a iamhai chu, Pathianin a inkung irngamnaa khan ei ilût mai a ni. “Ki ninginmurna sikin chonginkung ngar tak ki neia, Ki’rngamna hrang rama khan lût viat no ni,” a iti ang khan. A sinthohai kha irnêng le irvân irsiang phuta a izoi tâk ni khomsian, kha chong kha a la iti a ni.