IRPHUTNA 19:31 - PATHIAN LEKHABU IRTHIANG C.L. Bible (BSI)

³¹ Khan a unu’n a sangnu kuang khan, “Ei pa laka hi a tar tâka, irnêng chunga hin dân ang taka ni’rpôlpui hrang lak pasal inkhat lua om ta mahaia;

IRPHUTNA 19:31 ပူးပေါင်းရင်းမြစ်များ

DÂN INHNINA 25:5

Urêng sûngkua khata om suamhai sianlân, inkhat chu nâipasal nei loiin thi sianlân, a dôngma kha an sûngkua laia mi ni loi, mi dang an inneitir hrang ni ma. A pasal sangpa tu mani khôkin dôngma’n nei a ta, a urêng thi tâk irthûl khan.

ISAIA 4:1

Kha zoro tena chu nupang sariin pasal inkhat chel an ta, “Fâk nêk le silkaihai tum ving kin ta, kin irhming siat loina hrangin, dôngma’n ni lua ro,” la ti an ti.

IRPHUTNA 16:4

Khan, Hagari kha a’rpôlpuia; an râia, khan an râi ti a’rhriatin chu a pi kha a theimâk tâka.

IRPHUTNA 16:2

Khan, Saraii khan Abrama kuang, “Irngai ro duah, Rengpa’n nâi a ni pêk no sikin, irngaihoi takin ki suaknu irpôlpui ro; ama ata nâi ki nei khomin a sa,” a tia. Khanchu Abrama’n Saraii thu chu a zôma.

IRPHUTNA 6:4

Kha zoro khom khan rammuala hin mi lian an oma, kha zoi khomin Pathian nâihai khan mihriam nâihai irpôlpuiin nâi an neipuihai lai khom khan an oma, hihai hi chu tianlaia mi hrât, mi irhming inthanghai kha an ni.

IRPHUTNA 4:1

Khanchu Adama’n a dôngma Evi kha a’rpôlpuia an râi tâka, “Rengpa changpuina zârin nâipasal ki nei ta,” a tia. A’rhming khom Kaina a phuaa.

IRPHUTNA 19:28

khan Sodom le Gomora phâizôl murdihai chu a thîra, a ena; kha rama meikhû kha hâlirhmang chit angin a khû irzâm hlut hlutin a oma.

MARKA 9:6

An chi hrai tâk sikin, ti hrang khom a inhriat ta loi a ni.