IRPHUTNA 19:3 - PATHIAN LEKHABU IRTHIANG C.L. Bible (BSI)

³ Khannisianlân a ngênhai hrai sikin, an zuia, a ina an lûta, bu anh a suanga, bu anh tuitak fâkin an oma.

IRPHUTNA 19:3 ပူးပေါင်းရင်းမြစ်များ

IRPHUTNA 19:2

“khan lungkham takin puhaio, nin sinthotu ina hin irngam unglân, nin ke nin kut irsûkin zân riak unglân, zîng nôka nin thoi le nin fena hranga la fe ta roi,” a tia. Khannisianlân anni’n chu, “Ni no ni, keini chu kholaidunga riak kin ti,” an tia.

IRPHUTNA 21:8

Khan nâite chu a hong liana, irhnu pe ta maka: khan Isaka irhnu nêk ta loi hrang nî taka chu Abrahama’n hruai an thêa.

IRPHUTNA 24:31

Labana’n, “Nang Rengpa satvur dongtu hongin lân, ki ina hong lût ro, itho mo pên tianga ni iom? in le saringseihai hrangin hmun ki sinsiam zoi ta kêng,” a tia.

IRPHUTNA 26:30

Khan ama’n chu an ta hrangin hruai an thê pehaia, an fâkin an ina:

2 RÊNGHAI 4:8

Sûn khat chu Sunam khuaa Elisa a fea; kha khuaa khan nupang irchongnu a oma. Elisa chu bunêk a koia, kha ni rengata chu Sunam khua a fe paiin chu, kha nu kuanga khan bu anh a fâk ngaia.

FESUAKNA 12:15

Rengpa’n, “Sûn sari sûng chu chol pol loi kût bai nin ifâk hrang a ni; matona nin in sûnga chol kha chu nin ipai ving hrang a ni. Mi tukhom maton tak ni sûn ata sûn sari ni tena bai fâkhai chu, Israel mi iti thei ni no nihai.

FESUAKNA 12:39

Aigupta ram ata bai inhmet sai chol koploi an hong ichôi kha an inzêia, Aigupta ram ata inhnotsuak an ni sika khan an fâk hrang irfûktir zoro nei mahaia, hi sika hin bai inhmet sai chol an ipol loi a ni.

LUKA 11:8

Nangni ki hril, a rual a ni sikin thoiin va pe no khom sian, a zong ngot ngot sikin thoiin a nuam dôr pe a ti.

LUKA 14:23

Khan a siahlo kuang, ‘Fe’n lân, lamlian haia, lam kêmhaia, mihai ki in sipna hrangin mi hong hruai inlûthai roh.

LUKA 5:29

Khan, Levia khan Jisua hrangin a ina hruai an thea, khâzana irfuangtu tamtak le mipuihai a fiala.

JOHANA 12:2

Khatak khan a ta hrangin zânbu an sinsiama, Marthi’n khalâi othai kha a donhaia, Lazara khom khalâi othai laia chang sa a ni.

1 KORINTH 5:8

Khasikin, Ferkân kût ei ti, chol miluia kût tho loiin, nunsiat le sualna chola kût tho loiin, takna le dikna bai, chol kop loiin kût nei ei ti.

2 KORINTH 5:14

Krista lungthungna’n a ni irêl a ni, mi tin ta hrangin mi inkhat a thia, kha omzia chu an rêngin a thina kha an irkoppui a nih ti atûn chu kin infel ta.

HEBRAI toc2 HEBRAI 13:2

Nin ina mikhual intung inhre mai roi. Mi senkhatin khaanga tho an inhriat no kârin vântîrtôn an intung tâk kêng.

ROIRÊLTUHAI 6:19

Gideona chu ina a lûta, kêltuai a thata, chol polloi bai her sôm a chôi saa. Kêl hme chu baltia a siaa, a tui chu a bêla a siaa. Saiso thing hnuaia Rengpa Vântîrtôn kuang a chôia.

1 SAMUELA 28:24

Nupangnu khan sehrâtte a mar tak kha a lâka, a thata, kha hnung chu baidi kha a lâka, an hmeta, chol pol loi bai hriamin a sina.