IRPHUTNA 19:25 - PATHIAN LEKHABU IRTHIANG C.L. Bible (BSI)

²⁵ khanchu kha khua le phâizôl lian dôr le a mi omhai le thil ite mông thei loiin a hâl irhmang zit tâka.

IRPHUTNA 19:25 ပူးပေါင်းရင်းမြစ်များ

INPÂKNA HLAHAI 107:34

Ram satakhai chu a mi omhai sual sikin, ram inponin an changtira.

IRPHUTNA 14:3

Khahai murdi kha Sidim hual sûnga khan an irsan irhlôma (hi hual sûng hi Tuipui Al a ni.)

IRPHUTNA 13:10

Khanchu Lota chu ram a en vêla, Zoar khua tiang pan balamin, Jordan phâizôl murdi chu Rengpa irhuan ang le Aigupta ram anga tui tamna hmun a nih ti an hriata; Sodom le Gomora khom kha Rengpa’n a la insiat mân kha a nia.

2 PETERA toc2 2 PETERA 2:6

Sodom le Gomora khua khom a’rvuttir chita, Pathian uksak loihai a ihrem lam hrang entîrna hrangin a insiat chittir a ni khate.

IRPHUTNA 13:12

Abrama chu Kanaan rama khan a oma, Lota chu phâizôl khuaa a oma, a puan in chu Sodom khua dênin a son zêla.

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.

ISAIA 13:19

Reng ram khua roiinpui tak, Babulon kho hoitak, Kaldaihai irsorpui ngai chu Rengpa’n irhniamtir a ta, Sodom le Gomora khua ang khan!

JEREMIA 20:16

Rengpa’n khonzâna nei viat loia khopui a insiat ang khan anni chu om ri sehai. Zînga in sûnga chapa khêk inhre sianlân, sûn laitaka irdoina khêk irhâi inhre ri se.

JEREMIA 49:18

Sodom le Gomora le a kôlvêla khuahai le insiat an ini ang khan, Edom chunga khom tung a ti. A sûnga tûte zel om thei no nihai. Keima Rengpa’n ki iti a ni.

JEREMIA 50:40

Sodom le Gomora le a kôlvêla khuahai kin siat lai ang khan thil a itung nôk hrang a ni. Khatak khan mi om nôk thei no nihai. Keima Rengpa’n ki iti a ni.

CHAP HLA 4:6

Tûte tôn irman loiin Sodom khua a isiat ang khan, a mihai tuang nêkin ki mihai tuangna hi a natinsat ual.

EZEKIELA 16:50

Khan, mi omlian tak an nia, ki makunga thil porinche thohai an ni; khanchu sa ki iti ang takin anni chu kin boipaihai zita.

AMOSA 4:11

Sodom le Gomora khua kha Pathianin an chimtir lai angin, nin laia mi senkhat kin chimtira, thing kâng sabak loi lâksuak ang nin ni: kha tena khom khan ki kuang hong kîr mak chêi, Rengpa thu suak khan a ti.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

ZEFANIA 2:9

Khanchu, a nuna kin nun sûng chu, Moab kha Sodom ang ni a ta, Amon nâihai kha Gomora ang ni ngêt ngêt an ta, an ram kha hloisûla sip, michi khur le kumkhua lualoi ang ni a ti: Ki mi la’rkholhai khan anni kha râllâk an ta, ki nam la omsunhai khan lua an ta, tih hi Sipaihai Rengpa, Israelhai Pathian thu suak a ni.