IRPHUTNA 18:25 - PATHIAN LEKHABU IRTHIANG C.L. Bible (BSI)

²⁵ nangma’n chu khaanga mi felhai mi suala an lût thei loina hrangin, mi felhai hi a sualhai le thathai hrangin chu tak nang sôn ma unga; irnêng chunga roirêltu’n fel takin a irêl ngai mo ni ma?” a tia.

IRPHUTNA 18:25 ပူးပေါင်းရင်းမြစ်များ

JOBA 8:3

Pathian irêl sai tâk hi an danglam nôk ngai mo ni isôn? Itinrêngthothei hin a dik a iti hi a thûl ngai mo ni isôn?

JOBA 8:20

Irngai ro, Pathianin misa chu pai tha no nia, thilsual thohai ngai chu chel inngîrtir ngai mah.

INPÂKNA HLAHAI 58:11

Khanchu mihaiin, “Mi fel hrangin chu lômman a lei om tak taka: Irnênga hin roirêltu Pathian a lei om tak tak a ni hi,” ti an ti.

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.

INPÂKNA HLAHAI 94:2

Nang irnênga roirêltu, sinin lân: Lârirpâkhai chu an sual man thuan roh.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

MALAKIA 3:18

Khanchu hong irhei kîr nin ta, mi fel le mi sia, Pathian sinthotu le tholoitu kha theithâk thei ta nin ti,” a tia.

INPÂKNA HLAHAI 98:9

Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.

JEREMIA 12:1

Rengpa ni chunga hin chiar mai khom inlân, nang chu ni dik mai ngai a ni. Khan ni roirêlna dân hi nang ki irdon a ni. I lo hrangin mo, mi pualoihai chung an tuar bâka; mi dik loihai hlo an ichuk ngai.

THUHRILTU 7:15

Hi ki hring sûng chanlamboi nikhuahai hin; mi fel thi lat le, mi pualoi a pualoinaa sôttak hring hi ki hmua.

HEBRAI toc2 HEBRAI 12:23

Nangni chu Pathian nâi lutîr irvâna an irhming chuang tâkhai râifâna an irbûmnaa nin ingîr a ni. Pathian, mi murdihai roirêltu kuang le mi felhai irtha famirkipa siam tâkhai kuang nin ingîr a ni.

IRPHUTNA 18:24

kho sûnga hin chu mi fel sômringa vêl chu an om khom a ni thei: a sûnga mi fel sômringa omhai khom hôihai loiin an khua hi ni insiat hrang ma ni?

DÂN INHNINA 1:16

“Anni kha hiang hin ki hrilhaia: Nin mihai laia thubuai om murdi chu ngûk takin irngai unglân, nangni mi vai kâra thu a ni mani, nin laia nam dang om sahai le nin kâr thu mani dik takin, thiarthâk nei loiin rêl ngai roi.

DÂN INHNINA 1:17

Indit bîk nei no unglân, tukhom ni sian, hmunkhat zita enin an thu rêl pe ngai roi. Tukhom enbîk nei no roi, nin thurêl inchuk chu Pathian ata zuang suak a ni. Nin ta hranga rêl intak ta hrai chu ki kuang hong intung ngai nin ta, lei rêl ki ti.

ROIRÊLTUHAI 11:27

Khasikin, keini’n thilsual kin nei moa, nangni’n nin ni hong idoi mai hi nin itho indik loi a ni. Rengpa Roirêlpu’n, Israel mihai le Amon mihai kâra thu hi rêl fel ta ri se,” a tia.

2 THURCHI SUINA 19:7

Rengpa kha chi unglân, irdîn takin itinrêng tho roi, Rengpa ei Pathian chu mi huanghai, theibîk neihai, thamna neihai hi a inuam loi a ni,” a ti ngaia.

NEHEMIA 9:33

I khomnisian, kin chunga thil hong omhai hi nang chu ni fela; dik takin thil ni thoa, keini’n chu dikloi takin kin oma:

JOBA 34:10

Khasikin nangni mihriam lungrîl neihaio, irngai roi, Pathianin thil tho’nchâiin, Itinrêngthotheitu’n, Thil dikloi a itho thei loi hrang mo?

THUHRILTU 3:17

Khan, ki milungin, “Pathianin mi felhai le mi pualoihai chunga roi la rêl a ti, sin tinrêng ta hrang le sintho tinrêng ta hrang khomin zoro bi seng a om sikin,” ki tia.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

EZEKIELA 18:25

Khannisian, Rengpa sintho dân hi dik ma, nin ti ngaia. Israel insûngkuahaio, irngai roi, ki tho dân a idik loi mo? nin sintho dân hi a idik loi mo ni ma?

NAMBAR 16:22

Khannisian Mosia le Arona chu an lu irnêng sikin an inboka, “O Pathian, nang chu hringna chi tinrênghai bul ni nia; mi inkhat sualna sikin mipui murdi chunga ni ning a inmur hrang ma ni?,” an tia.

1 THURCHI SUINA 16:33

Rampuia thing murdihai khom châng sup sup ri sehai, Irnênga roirêl hrangin a zuang tika chu.

JOBA 34:12

Pathianin thilsual tho viat no nia, Itinrêngthotheiin dik loiin roirêl viat no ni.

INPÂKNA HLAHAI 7:12

Mi ar heikîr no’n chu ama chu a khandai intât inngaih a ta, A thal ngul chu kam chian a ti.

INPÂKNA HLAHAI 50:6

Khanchu, irvânhai khin a felna chu tâng insampui a ta, Ama Pathian ngei chu roirêltu a nia.

INPÂKNA HLAHAI 75:3

Irnêng le a chunga om murdihai chu an zôi zoi ta: Keima’n a chopuihai kha ki iphun a ni.