IRPHUTNA 15:18 - PATHIAN LEKHABU IRTHIANG C.L. Bible (BSI)

¹⁸ kha nî tena chu Rengpa’n, “Hi ram hi, Aigupta Tui ata Tuipuilian (Eufrates) tui dênin ni’rchihai ki pêk ta,

IRPHUTNA 15:18 ပူးပေါင်းရင်းမြစ်များ

IRPHUTNA 12:7

Khan Rengpa kha Abrama kuang an lâra, “Hi ram hi ni’rchihai la pehai ki ti,” a tia. khanchu a kuanga inlârtu Rengpa ta hrangin maichâm a siama.

IRPHUTNA 13:15

ni ram hmu murdi hi nang le ni’rchihai a vuan ata kumkhuain nang pe ki ti.

IRPHUTNA 2:14

Vadung inthumna irhming chu Hiddekal a nia; Assuria ram nisua tianga luang a ni. Khan vadung minlina chu Eufrates a ni.

IRPHUTNA 24:7

Rengpa vân Pathian, ka pa kuang ata le ki suakna ram ni hruai suaktu le a ni donsuitu le, hi ram hi nir chihai la pehai ki ti,” a tia. Ki kuanga chong le’nkungtu hin, “Ama ngêtin a vântirtôn chu ni kôla inlôitir a ta, kha ni rengata chu ki nâipa Isaka dôngma ni inneitir hrang a ni.

IRPHUTNA 26:4

Khan, irvâna ârsi tam nêkin nir chi la’npung ki ti, hi ram murdi khom hi nir chihai la pe ki ti; khan nangma irchi ata rammual mi chi tin vânsatna dong an ti.

IRPHUTNA 28:4

ni mikhualna ram, Pathianin Abrahama a ipêk hi, ni lua theina hrangin Abrahama satvurna khom nang indong sa ri se; nang le nir chihai khom,” a tia.

IRPHUTNA 35:12

Khan Abrahama le Isaka, ram ki ipêkhai hi, nang pe ki ta, ni thi tena khom nir chihai pe nôkhai ki ti,” a tia.

IRPHUTNA 50:24

Khanchu Josefa’n a urênghai kha, “Ki ithi hrang tâk kêng, khannisianlân Pathianin nangni ompui mai a ta, hi ram ata hi Abrahama, Isaka, Jakoba chonginkungna ram a ipêk tâkna hmuna nangni la hruai a ti,” a tia.

2 SAMUELA 23:5

“Khaang khan Rengpa’n ki’rchihai hi sat a ivur hrang a ni, kumtuanga thuthung kha keima kuang a tung tâk sikin, thuthung inkhiak thei loi. A ni, chonginkung danglam thei loi ngêt kha, ama kha ki saninhringna irkip le ki lungdo irkip a nia. Rengpa’n intungtir ngêt a ti.

2 SAMUELA 8:3

Kha hnung chu Davida khan Eufrates vadunga a ram la nôk hrangin a fe malamin Zoba rêng Rehoba nâipa Hadadezera khom a doi inhnêa.

1 RÊNGHAI 4:21

Solomona chu Eufrates tuidung ata Aigupta ram dep Filistia ram dênin roi a rêla. Kha ram pumpuia khan Solomona kuang omna man chôiin an oma, Solomona dam sûng chu a khua le tuia tep sa an ni.

1 RÊNGHAI 5:1

Tura rêng Hirama’n Solomona chu a pa Davida thûl hranga sahriak pol a ni tah ti thu an hriatin chu palai a tîra, a pa Davida leh rual an le’rchang sikin.

1 THURCHI SUINA 16:16

Abrahama kuanga a thuthung le Isaka kuanga a chonginkung chu a inhriat mai a ni.

1 THURCHI SUINA 5:9

Gilead rama hin belra le kêl an nei intama; khasikin nisua ramchârna ram, Eufrates vadung dênin an ilua a ni.

2 THURCHI SUINA 7:8

Reng Solomona le Israel mi tinhai khan, kairêng kût sûn sari sûng an hmanga, Israel ram hmâr tiang a hekna Hamath khêl le sim tianga Aigupta tuidung kâra mi murdi chu an hor buka, mi tamtak an ni.

2 THURCHI SUINA 8:7

Israel mi ni loi, Hit mihai, Amor mihai, Periz mihai, Hiv mihai, Jebus mihai, Kanaan rama lei om, Israelhaiin Kanaan ram an luaa,

2 THURCHI SUINA 9:26

Eufrates vadung le Filistia ramria, Aigupta tui dênin kha ram sûnga khan an lal tâk a nia,

EZRA 4:20

Jerusalema khan rêng sin tho theihai, varâl tianga roirêltuhai tenin an lei om tâka; khanchu omna manhai, thil manhai an le’rfuang ngai a ni.

NEHEMIA 9:8

khan, a milung khom iam om zoi a nih ti nin hriata, Kanaan hai, Hit hai, Amor hai, Periz hai, Jebus hai le Girgas hai ram chu pe hrangin, ar chihai laia thu ni thunga, hlo nin chuktira, mi feltak ni nia.

INPÂKNA HLAHAI 105:11

“Kanaan ram hi nang pe ki ti, Ni’rchon dongtum hrang chu,” tiin.

FESUAKNA 13:11

Hiang hin ni a ti, Rengpa’n nin kuanga le nin irchibulhai laia chonginkung dettak neia nangni pêk a inkung tâk ang khan, Kanaan mihai rama nangni a hruai intunga, nangni a pêk tena chu.

FESUAKNA 2:24

Pathianin Abrahama, Isaka le Jakoba-hai kuanga a thuthung kha an hriat maia.

FESUAKNA 23:23

Ki vântirtôn khan nangni hruai a ta, Amor hai, Periz hai, Kanaan mihai, Hiv hai le Jebus hai rama nangni hruai inlût a ta, anni chu that irhmangpai hrang a ni.

FESUAKNA 3:8

Khasikin Aigupta mihai kuang ata hruaisuaka inzôkhai hrang le, kha ram mâksana, Kanaan hai, Hit hai, Amor hai, Periz hai, Hiv hai le Jebus hai omna ram sa le lian tak, khuaitui le dût tui luangna rama hruai suak hrangin ki zuang isuak a ni ta.

FESUAKNA 32:13

Ni mi Abrahama, Isaka le Jakoba hai kha inhre maiin lân; ‘Irvâna ârsi tam dôr nêkin annihai kha irchi suanpâr pe hrang le ram ni inkung murdi an ta ni mai hranga kha,’ an irchi suanpârhai kuanga ni inkung kha inhre mai ro,” a tia.

FESUAKNA 34:11

A vuana dân nangni ki ipêkhai hi zôm ngit unglân, malam nin pan thiai lai hin, Amor-hai, Kanaan mihai, Hit mihai, Periz mihai, Hiv mihai le Jebus mihai inhnotsuakhai ki ti.

FESUAKNA 34:24

Nin mâna nam danghai ki len hnothaia, nin ramrihai kin liantir tena chu, hi kût inthumhai laia hin, Rengpa nin Pathian kuang inhlan hranga nin fe zorohai hin tûte’n nin ram lei long no nihai.

FESUAKNA 6:4

Khan anni kuang khan chu, Kanaan ram, zoro sôtnotea an lei mikhualna ram pe hrang thu ki lei irthungpuihai tâka.

FESUAKNA 6:8

Abrahama, Isaka le Jakoba ki lei ipêkhaina ram hi nangni’n hong lua nin ta, nin irchon ni ta a ti: Kei Rengpa ki nih tiin hril ta nin tih a tia.

ISAIA 27:12

Kha ni tena chu Rengpa’n Eufrates vadung ata Aigupta tui dênin, bu ât angin, a mi Israelhai chu inkha khatin irfuanghai a tih.

ISAIA 55:3

Nin mikuar doin ki kuanga hong roi, Irngai unglân, hring nin ti. Kumtuanga hrangin thu thung ei ta, rêng Davida kuang lungthungna thu kin kung tâk ang khan.

JEREMIA 32:22

An irchibulhai kuang chong ni lei inkung ang lam takin hi ram irchong le sa hi anni ni pêka.

JEREMIA 32:40

Kumtuanga thuthung siampuihai ki ti. Itiklai khoma anni ta hranga thil sa tho irngam pehai no ninga, lungrîl taka ni ngîk hrangin siamhai ki ta, khanchu hnung ni songsan ngai no nihai.

LEVI DÂN 26:42

Jakoba, Isaka le Abrahama hai kuang ki chonginkung kha inhriat mai ki ta, ki mihai chu, hi ram hi ki pêk hrang nôk thu hril thar nôk ki ti.

LEVI DÂN 26:45

An irchibulhai leh ki thuthung kha inthar nôk ki ti. Aigupta ram ata khan nam tin hmua ki mihai kha, kei Rengpa hi an Pathian ni hrangin ki ihruai suak an ni kha te. Kei hi Rengpa ki ni,” a tia.

NAMBAR 34:5

Khan Hazaradhara fe pat a ta, Azmon-a dên thaiin; khan ramri chu Azmon ata kha Aigupta tuidung dênin kôi a ta, a suakna chu Tuikhangliana ni a ti.

TÎRTÔNHAI SINTHO 7:5

Pathianin ram lua hrang ite ke sirna hmun khom pe maka; khannisian, Abrahama kha nâi nei loi a ni khomin, ama le ar chihai kuang hi ram hi pêk an kung tâka.

DÂN INHNINA 11:24

Nin isirna kipa nin ram ni thiai a ti. ramchâr le Lebanon kâr, Eufrates dung le Mediteranean tuipui kâr ram kha nin ram ni zit a ti.

DÂN INHNINA 12:20

Rengpa nin Pathianin a inkung anga nin ramri a’rzattir tika chu nin nuamna kipa nin sâ irzuk ang kha fa thei nin ti.

DÂN INHNINA 19:8

Rengpa nin Pathian khan a inkung ang ngeiin ram nangni a pêk belsana, nin pahai kuanga pêk a inkung murdi nangni a pêk tika chu,

DÂN INHNINA 34:4

Khan, Rengpa’n a kuang, “Hi ram hi a ni, Abrahama, Isaka, Jakoba hai kuang, Nin irchihai la pe ki ti, tia irkhâmin, ki lei inkung kha, a hmu kha nang ki’rhmutir phot a ni; khannisianlân, so taka son chu nang infetir no ning,” a tia.

DÂN INHNINA 7:1

Rengpa nin Pathianin nin lua hrang rama khan nangni hruai inlût a ta, khataka om nam sari, nangni nêka tam ual le hrât ual, Hit mi, Girgas mi, Amor mi, Kanaan mi, Periz mi Hiv mi le Jebus mihai kha nin matona inhnotsuak a ti.

HEBRAI toc2 HEBRAI 13:20

Khan, ei Rengpa Jisua, a thina sika kumtuang thuthung deta om, Belrapu Roiinpuitak, thina irthoka a kaithoitu irngeina Pathian khan a lungdo nin sin theina hrangin thil sa nin innang murdi nangni pe sianlân, Jisua Krista zâra einia hin, ama a lungdo sin ri se. Krista kuang roiinpuina kumtuangin om mai ri se! Amen.

JOSUA 13:3

Sim tiang Avim-hai omnahai la lâkloi a ni. Aigupta ramri Sihor vadung ata hmâr tiang Ekron dênin Kanaan mihai rama irngai a ni. Filistia-hai chu Gaza haia, Asdod haia, Askelon haia, Gada haia an rêng an iom a ni.

JOSUA 15:4

Azmon-a a fe zêla, Aigupta ramri dunga a suna, ivadung chu zoiin Mediteranean tuipuia a zu irchuna. Hi hi Judai ram sim tianga ramri chu a ni.

THUPHUANG 9:14

Hnukirhai khan vântîrtôn kirukna kuang, “Eufrates tuidunga vântîrtôn minli ikhithai kha insua ro!” a tia.