IRPHUTNA 14:7 - PATHIAN LEKHABU IRTHIANG C.L. Bible (BSI)

⁷ Khanchu an kîr nôka En-mispat an tunga, (hi hi chu Kades a ni ta) Amalek rama mi murdi le Amor-hai Zazon-tamar khuaa omhai khom kha an thathai nôka.

IRPHUTNA 14:7 ပူးပေါင်းရင်းမြစ်များ

IRPHUTNA 16:14

Khasikin kêng tuisunsuak chu Beer-lahai-roi, iti a ni. “Tuisunsuak hring hmutu a ni,” Kades le Bered khua kâra om a ni.

IRPHUTNA 20:1

Khan, Abrahama chu kha ram ata kha sim tiang a’rsona, Kades le Sur khua kâra omhmun a khuara, Gerar khuaa om pumin.

IRPHUTNA 36:12

Khan Timnai chu Esaua nâipa Elifaza ithisan meithâi a ni: ama hin Elifaza chu Ameleka a neipuia: hihai hi Esaua dôngma Adaii irchihai chu an ni.

IRPHUTNA 36:16

Kora hai, Gatama hai, Amalek hai hi an ni: hihai hi Edom rama Elifaza ata irzirsuak irchihai an ni; Adaii irchihai chu an ni.

2 THURCHI SUINA 20:2

mi senkhat an honga, Jehosafata kuang, “Tuipui thi râl Edom ram ata sipai tam takin nang hong doi an ta, Hazazon Tamar khua chu an lâkpai ta,” a tia.

EZEKIELA 47:10

Khanchu Engedi tuihnâr ata Eneglaim tuihnârhai tena khan nga cheltuhai chu tuipui kôla khan om an ta, khataka khan an lênhai chu kaizarin phoi an ti. Khataka khan Mediteranean tuipuia nga chi tinrêng an iom angin nga chi tinrênghai chu om an ti.

EZEKIELA 48:28

Khan sim tianga Gad-hai ramri chu Tamar ata Meribath-kadesh tui omna hmun ten kha ni a ta, khatak ata kha Aigupta tuidung zuiin Mediteranean tuipui ten kha ni a ti.

NAMBAR 13:26

Khanchu Paran ramchâr Kades-ah khan Mosia le Arona le Israel irchihai kuang an hong tunga, an ni le mipui murdihai kuang khan thu kha an intunga, kha rama thei an hong ichôihai kha an irhmuhaia.

NAMBAR 14:43

Nin mâna khin Amalek mihai le Kanaan mihai an oma, khandaiin nangni lei that an ti. Rengpa kha nin irnghatna tak a ni sikin, nin laia Rengpa chu om ta ma,” a tia.

NAMBAR 14:45

Khanchu kha tânga om Amalek mihai le Kanaan mihai chu an zuang chuma, an doihaia, Horma dênin irzûlin an thatpaihai tâka.

NAMBAR 20:1

Khanchu Israel irchi murdihai chu tha khatna khan Zin ramchâra an lûta, Kades hmuna omhmun an khuar tâka. Khataka khan Miriami chu a thia, kha khan an phûm tâka.

NAMBAR 24:20

Khanchu Balaama inlârna khan Amalek mihai a hmua; hi leihrilna thu hi a hrila: “Amalek chu nam tin laia a hrât tak a nia, khannisian a hnungkhôn taka chu kumtuanga hrangin irhmangin om a ti,” a tia.

DÂN INHNINA 1:19

“Kin Pathian Rengpa thu ang khan kin thoa. Horeb tâng kin suaksana, ramchâr irzat tak le irchel taka Amor-hai omna tâng ram lampui kha kin fe thenga, Kades-barnea kin va tunga.

DÂN INHNINA 1:46

Khanchu, Kades-barnea khan sôttak nin om tâka.

JOSUA 15:62

Nibsan, michi khopui, Engedi, an khua vêla khuahai leh khopui kiruk.