IRPHUTNA 13:10 - PATHIAN LEKHABU IRTHIANG C.L. Bible (BSI)

¹⁰ Khanchu Lota chu ram a en vêla, Zoar khua tiang pan balamin, Jordan phâizôl murdi chu Rengpa irhuan ang le Aigupta ram anga tui tamna hmun a nih ti an hriata; Sodom le Gomora khom kha Rengpa’n a la insiat mân kha a nia.

IRPHUTNA 13:10 ပူးပေါင်းရင်းမြစ်များ

IRPHUTNA 11:27

Khan, hihai hi Tera irchihai chu an ni, Tera khan nâipasal Abrama, Nahora le Harana hai a neihaia: khan Harana khan nâipasal Lota a neia.

IRPHUTNA 13:11

Khanchu Lota khan Jordan phâizôl kha an thang tâka; khan nisua tiang depin a oma; an irsen tâka.

IRPHUTNA 13:9

Ram irzât tak lak hin a iom mo ni ma? Lungkham takin keima kuang ata a bingin om ta ro: nangma vei tiang ni omin chu, keima chang tiang, nang chang tiang ni fe le keima vei tiang,” a tia.

IRPHUTNA 14:2

anni’n chu Sodom khuaa rêng Bera kha an doia, Gomora khuaa rêng Birsa hai, Adma khuaa rêng Sinaba hai, Zeboim khuaa rêng Semebera hai, Bela khuaa rênghai kha an doia. (Bela khua chu Zoar khua a ni ta.)

IRPHUTNA 14:8

Khanchu Sodom khuaa rênghai Gomora khuaa rênghai, Adma khuaa rênghai, Zeboim khuaa rênghai, Bela khuaa rênghai an suaka, (Bela chu Zoar khua a ni ta.) Khan Sidim hualsûnga khan annihai doi hrangin irnak an lâk irruala,

IRPHUTNA 3:6

Khanchu nupangnu khan thing ra kha fâk thei zât a nih ti le mit lâktak a nih ti le, mihai invârtir theitu thing ra irzukom tak a nih ti an hriatin chu, a ra senkhat irhmalin a fâk tâka; khan, a pasal khom a pêka a fâk sa tâka.

IRPHUTNA 47:6

Aigupta ram chu a la lian hi te, khasikin ni pa le ni urênghai omna hrang chu hmun hoi le ram a sa ni itihna taka inomtirhai ro; Gosen rama omhai sian. Khan anni laia mi itinrênga ni iiamzoi ni nei le’nvângin chu, ei sahai chunga hruaitu ni hrang khomin siamhai ro,” a tia.

IRPHUTNA 6:2

Pathian nâihai khan, mihriam nâihai kha an hmêl a sa ti’n an hmuhaia, khanchu an indit murdihai chu dôngma’n an luahaia.

1 RÊNGHAI 7:46

Rengin Jordan phâizôl Sukoth le Zereda kâra an chuangtira.

JOBA 40:23

Irngai ro, tuilian irsokhai khom chi ual maka, A bâi phâk rakin Jordan tuilian khom sian chi maka.

INPÂKNA HLAHAI 107:34

Ram satakhai chu a mi omhai sual sikin, ram inponin an changtira.

ISAIA 15:5

Moab hai sikin ki milung a na tâka, Zoar le Eglath-Selesia hai tenin, râl chiin an intâna, senkhathai chu Luhit tunga khan chap pumin an fea, senkhat chu Horonaim tiang an fea, chardong takin an chapa.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

JEREMIA 48:34

“Hesbon le Elealeh mihai an khêk suaka, kha an khêk irhâi kha Jahaz dêna inhriat thei a ni. Zoar mihai khomin an len hriat theia, Horonaim le Eglat-Selisia dênin an lei inhriat sa a ni. Nimrim ivadungte khom a kang tâka.

EZEKIELA 16:46

Khan, ni zuarpui ulian ual chu Samaria, ni vei tianga om ngai kha ama le a nâinuhai leh an ni; ni zuarpui nâipang ual lak chu, ni chang tianga om ngai kha Sodom le a nâinuhai an ni.

EZEKIELA 16:49

Khan, ni zuarpui Sodom sualna chu hi hi a ni: omlianna hai, fâk nêk khop hrai hai, ama le a nâinuhai inhoihôkna mai mai thohai an nia, mi inriang hai le fâk nêk irsamhai chu changpuihai mah.

EZEKIELA 28:13

Pathian irhuan Eden-a khan ni lei oma, lunghlu chi tinrênghai leh ni’rvoa; rubi, topaz, barli, karnelian, jasper, safir, emeral, garnet le lunghlu danghai leh khan. Rângachak tukrivohai khom ni neia, khaanga siama ni om nî khan, nangma ta hranga siamin an iom a ni.

EZEKIELA 31:8

Pathian irhuana Sidar kung danghai leh hrilirkhî thei ni maka, meisâr kung rêng rêngin khaanga ônhai kha la nei ngai mahai, Tângêm kunghai khomin a ônhai lua pha mahai. pathian irhuan thingkunghai lua’n a satna kha pha mahai.

EZEKIELA 31:9

Keiin enhoitak le ôn irzat takhai neiin ki siama. Pathian irhuan Edena thingkung murdihaiin ama chu an hnarsa ngaia.

EZEKIELA 47:18

“Khan nisua tianga ramri chu Damaska le Hauran ramkâr ata kha sim tiang panin a fea, Jordan dung kha Israel le Gilead ramria omin Israel chu nitâk tiang a oma, Gilead chu nisua tiang a oma; khanchu tuipui thia Tamar hmun a va suna.

JOELA 2:3

An maton tiang le hnung tiang kha a kâng fâi thiaia; an hmabâk ram kha Eden irhuan ang ni khomsian, an khêl hnung chu ramchâr ram chârkhohroi a ni thiaia, ite hôi nei mahai.

DÂN INHNINA 34:3

Sim ram le Tûm khopui, Jeriko phâi irhôr, Zoar dênin.