IRPHUTNA 12:2 - PATHIAN LEKHABU IRTHIANG C.L. Bible (BSI)

² khanchu irchi tamtakin nang siam ki ta, sat tinrêng nang vur ki ti, ni’rhming inthangtir ki ti; khan, nang satvurna ni ro.

IRPHUTNA 12:2 ပူးပေါင်းရင်းမြစ်များ

IRPHUTNA 13:16

Khan ni’rchihai khom irnêng chunga la tam an ta, tûte itep zoi loiin om an ti.

IRPHUTNA 15:5

Khan pên tiang a hruaia, “Irvân khi en ro, ârsihai khi ni tep theiin chu tep ro, a tia. Khanchu Rengpa’n ni’rchihai chu khihai ang khin an la itam hrang a ni,” a tia.

IRPHUTNA 17:20

Ismaela chungthu khom irngaitua ki ti: irngai ro, ama chu sat ki vur ta, irchi tamtak inpung a ta; ama’n chu rêng sômkhat inhni nei a ta, ama khom chi inpungtu lian takin siam ki ti.

IRPHUTNA 18:18

Abrahama lak hi irchi tamtak le sinthothei a la ini hrang a nia; ama rengata hi rammual mi tin sat la vur ki ti.

IRPHUTNA 18:19

Rengpa hnung an zui theina hrangin a hnunga a nâihai le a in mihai, thil fel le roirêl indik hrangin kin kung tâk sikin, khanchu ama chungchânga hrila Rengpa’n Abrahama chunga a tung theina hrangin,” a tia.

IRPHUTNA 19:29

Khan hiang hi a nia, Pathianin phâizôl a hâl irhmang laia, Lota omna hmun kha Pathianin Abrahama kha an hriat maia, Lota chu irhmangna hmun ata a sansuak a ni.

IRPHUTNA 24:1

Khan, Abrahama chu a hong tar ok tâk sikin, Rengpa’n Abrahama kha bor tinrêng pêkin sat a vur tâka.

IRPHUTNA 24:35

khan Rengpa’n ka pu chu a sate zelin sat a vura, mi irchongtak a nia: Rengpa’n a kuang belra rual, sehrât rual, sum tamtak, rângachak hai, siahlonu le siahlopahai, saringseihai tamtak a pêka.

IRPHUTNA 25:11

Khan hiang hi a nia, Abrahama a thi zoiin chu Pathianin a nâipa Isaka chu sat a vura; khan Isaka chu Beer-lahai-roi kôla a oma.

IRPHUTNA 26:3

hi rama hin omin lân, ni kuang om ki ta, sat nang vur ki ti; hi ram murdi hi nangma le nir chihai pêkin, ni pa Abrahama kuanga ki chonginkung kha ki indet hrang a ni.

IRPHUTNA 26:4

Khan, irvâna ârsi tam nêkin nir chi la’npung ki ti, hi ram murdi khom hi nir chihai la pe ki ti; khan nangma irchi ata rammual mi chi tin vânsatna dong an ti.

IRPHUTNA 27:29

nam tinin ni sin thohai sianlân; chi dang danghaiin chubai nang mûk ri sehai. Ni urênghai laia rêng angin omin lân; ni nu nâihaiin chubai nang mûk ri sehai: Khua nang sâltu chu khosâlin om sianlân, sat nang vurtu chu satvurin om ri se,” a tia.

IRPHUTNA 28:14

khan nir chi khom irnêng chung sip an ti, nitâk tiang, nisua tiang, sim tiang, hmâr tiang la bit zoi nin ti: nangma ata nam tin la hong harsuak an ti.

IRPHUTNA 35:11

Pathian ngêtin a kuanga khan, “Kei Pathian Itinrêngthotheitu ki ni: irchi tam takin hong pung ro; irchi tep zoi loi rak, nam dang dang changin hon pungtir ni ta, nir chi ata rênghai khom la hong om an ti.

IRPHUTNA 46:3

Khanchu Pathianin, “Keima hi ni pa Pathian chu ki ni. Aigupta rama fe chu chi viat no’n lân fe ro; khu hmuna khun irchi tam takin nang siam ki ti:

2 SAMUELA 7:9

Ni fena hmun tina ni kuang ki om maia, ni maton tianga râl omhai ki’rzûlpaihai ngaia. Irnênga mi inthangtak takhai irhming angin irhming inthangin nang ki siama.

1 RÊNGHAI 1:47

Mi lianhai khom an honga, ei pu Davida kuang khan, ‘Ni Pathian khan Solomona chu nangma nêkin roiinpuitir sianlân, nin rêngtoihmun khom nangma nêkin inlal ual ri se,’ tiin an lômpuia.

JOBA 35:8

Ni sualna hin nangma anga mihriam vai kêng a itôn thei, Ni felna khom hi mihriamhai hrang vai kêng a ni.

INPÂKNA HLAHAI 107:38

Anni chu sat a vur ngaia, khanchu a sate’n inpungtirin an oma; An sahai kha a iram phal ngai mah.

FESUAKNA 1:7

Khan, Israel irchi chu an la hong pung nôk maia; an hong tam tîr tîra, an hong hrât sit sita, kha ram kha an hong bit zoi tâka.

FESUAKNA 32:10

Khasikin, lei dâihrekin lân, an chunga ki ning an mur oka, annihai khu thathai ving ki ti, khanchu nang le ni irchihai nam roiinpui takin siam ki ti.

ISAIA 51:2

Nin irchi bul Abrahama kha irngaitua roi, Sari, nangni neitu kha inhre mai roi. Ki koi lai khan chu nâi nei mahaia, Sat ki vura, an ipung ok a ni ta.

EZEKIELA 34:26

“Satvurhai ki ta, ki tâng irthiang kôla inomtirhai ki ta, khataka khan an innang rikipa satvur rua pehai ki ti.

MIKA 7:20

Tianlaia ei puhai kuang chong nin kung tâka, Jakoba kuang thutak le Abrahama kuang lungkhamna kha hlensua ni ti.

ZAKARIA 8:13

O Juda le Israel mihai, tiana khan chu ram dang mihaiin, ‘Israel le Juda chunga siatna a itung ang hi ni chunga khom tung ri se’ tiin khomâk an irsâm ngaia. Khannisian nang saninzôk ki ta, ram dang mihaiin, ‘Israel le Juda chunga satvurna a itung ang hi ni chunga khom tung ri se,’ tiin la hril an ti. Khasikin ngam takin omin lân, chi no ro,” a tia.

NAMBAR 14:12

Hripui zuang tîr ki ta, inboipaihai ki ti. Khannisian nangma chu nam tinhai pa nang inchangtir ki ta, anni nêka tam ual le hrât ual la ni an ti,” a tia.

NAMBAR 22:12

Khanchu Pathianin Balaama kuang, “An kuang ni ife hrang ni maka, kha mihai kha khua khom ni isâlhai hrang ni ma; ki satvurna an chunga a iom kêng,” a tia.

NAMBAR 23:20

Satvur hrangin hrilin ki oma; Pathianin sat a ivur tâk chu koi kîr thei ni ta no ning.

ROM KHUAA MIHAI KUANGA TÎRTÔN PAULA LEKHATHON 4:11

A sertan mâna a iamna ngeiin Pathianin thiam an changtir tih entîr hrangin ser a itan kêng a ini. Khanchu sertan no khomsian iamna sika Pathianin thiam a inchangtirhai hrangin chu Abrahama chu an irtha tianga pa a ni.

GALATIA 3:14

Khanchu, Pathianin Abrahama sat a vurna kha Jentailhai kuang Kristaa khan a zuang tung tâka, eini hin Irtha pêk inkung kha iamna sikin ei lei dong tâk a ni.

GALATIA 3:7

Abrahama nâi dik takhai kha chu iamtuhai hi an nih ti inhre roi ba.

DÂN INHNINA 26:5

Rengpa nin Pathian kuang hiang hin nin iti sa hrang a ni. ‘Ka pa chu mi chaninvâi, a ram mi a nia. Aigupta rama a zu fea, kha khan a om tâka; a sân an la tôma; khannisian, kha khan nam roiinpui tak, hrât tak le irrual tak an ni tâka.