IRPHUTNA 12:16 - PATHIAN LEKHABU IRTHIANG C.L. Bible (BSI)

¹⁶ Khan, ama’n chu Saraii sikin Abrama chu satakin a dona, belra, sehrât, sakuartunghai, suaknu suakpa le saringseihai a neipui tâka.

IRPHUTNA 12:16 ပူးပေါင်းရင်းမြစ်များ

IRPHUTNA 13:2

Khan Abrama chu sahai, sum le puan, rângachakhai a nei intamin a sân a’rchonga.

IRPHUTNA 13:6

Khan hmunkhata omsuam hrangin chu a ram a chîn tâk sikin; an neinunhai lak an pung pehai sikin, om suam thei ta mahaia.

IRPHUTNA 16:1

Khan Abrama dôngma Saraii khan chu nâi a neipui no sikin: Saraii khan Aigupta mi suaknu inkhat an idôn a oma, a’rhming chu Hagari a ni.

IRPHUTNA 20:14

Khan Abimeleka’n belrahai, sehrâthai le suaknu le suakpahai a hruaihaia, Abrahama kha a pêka, a dôngma Sari khom a pêk kîr nôka.

IRPHUTNA 24:35

khan Rengpa’n ka pu chu a sate zelin sat a vura, mi irchongtak a nia: Rengpa’n a kuang belra rual, sehrât rual, sum tamtak, rângachak hai, siahlonu le siahlopahai, saringseihai tamtak a pêka.

IRPHUTNA 26:14

Belra le sehrât a hong neia; insûng mi khom tamtak an hong punga; khanchu Filistian-haiin an hong hnarsa tâka.

IRPHUTNA 30:43

Khanchu Jakoba kêl chu a sate zelin an pung pea, kêl rual, satak tak hai, suaknu, suakpa, saringsei le sakuartunghai a nei tâk a ni.

IRPHUTNA 32:5

ki sial, ki sakuartung le ki belrahai, ki suaknu le suakpahai khom neiin ki om ta; khanchu ni mit ki tung theina hrangin, nang ki rêngpa hril hrangin mi ki hong itîrhai an ni,” tiin.

JOBA 1:3

A’rchong lam dân chu hiang hin a ni: kêlbelra sângsari, saringsei sângthum, sehrâtchal a bopin irzaringa, sakuartung a pui irzaringa le siahlo tamtak a neia. Nisua tiang rama khan chu irchongtak a ni.

JOBA 42:12

Rengpa’n Joba zoro hnungkhôn chu matona nêkin sat a vura. Belra sîng minli, saringsei sângruk, sehrât bop sângkhat, sakuartung a pui sângkhat a neia.

LUKA 12:45

Khannisian siahlo khan, ‘Ka pu hong kîr lat no ni,’ tiin nupang pasal zêm sianlân, lei fâk lei nêkin len rui sianlân,