IRPHUTNA 1:3 - PATHIAN LEKHABU IRTHIANG C.L. Bible (BSI)

³ Khan Pathianin, “Vâr hong om ri se” a tia; khanchu vâr a hong om ta.

IRPHUTNA 1:3 ပူးပေါင်းရင်းမြစ်များ

IRPHUTNA 2:4

Irnêng le irvân siam dân chu hiang hin a ni, Rengpa Pathianin irnêng le irvân a siam lai khan.

JOBA 36:30

Irngai ro, chung tiang kôl a’rtêktir zor zora, Tuikhanglian chunghai chu an thimtira,

JOBA 38:19

An ramrî nin hriat theina hrang le, An in lampui nin hriat theina hrangin.

INPÂKNA HLAHAI 104:2

Nangma’n chu vâr kha puan angin nir bela; Irvânhai khi puan in chung angin ni kaiphara:

INPÂKNA HLAHAI 118:27

Rengpa chu Pathian a ni, ama khan vâr a ni pêka: Nin kuta thing ôn chu chôiin hruaithe chu phut unglân, Maichâm irkî irhîla khan.

INPÂKNA HLAHAI 148:5

Khahai murdi khan Rengpa irhming chu inpâk roi; Ama khan thu a pêka, siamin an hong om tâka.

INPÂKNA HLAHAI 33:6

Rengpa irchamin irvânhai chu siam a nia; Khaanga omhai murdi khom kha a bâia phûk khan siam an ni sa.

INPÂKNA HLAHAI 33:9

Ama khan chongin a tia, a hong om indet tâka; Thu a pêka a hong om indet tâka.

INPÂKNA HLAHAI 97:11

Mi felhai hrangin khua a zuang vâra, Milung dikhai hrangin lômna a zuang tung ta.

ISAIA 45:7

A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

ISAIA 60:19

Sûna misa chu ni vârna ni ta no nia, Zâna tha khom ni meiser ni no nia, Rengpa kha kumtuanga vâr nang ni pe ta a ti, Pathian roiinpuina khan nan vârtir pe ta a ti.

MATHAIA 8:3

Jisua’n a hong inbana, a tôna, “Ki nuam e, hong irthiang ta ni ti,” a tia, a phâr kha a hong irthiang zôi zel ta.

JOHANA 1:5

Vâr kha inthima a zuang vâra, inthimin kha kha inhre mah.

JOHANA 1:9

Kha vâr kha vâr dik tak, rammuala zuanga mi tin zuang invârtu chu a ni.

JOHANA 11:43

Kha kha an sîr zoiin chu hnukirhai inring takin a khêka, “Lazar, hong suak roh,” a tia.

JOHANA 3:19

Thiamno an chang dân kha hiang hin a ni; vâr kha rammuala a zuanga, khannisianlân, mihaiin vâr nêkin chu inthim kha an nuam ual, thil sual an tho sikin.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

EFESI 5:14

Khasikin Pathian thua khom: “Nang inmusu, harin lân, Mithi lai ata thoi roh, Krista khan nang êl invâr a ti,” ti a ni kha.

EFESI 5:8

Tiana khan chu inthim nin nia, atûn chu Rengpaa vâr nin hong ni ta, ivâra omhai angin nin iom ngêt hrang a ni.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

1 JOHANA 1:5

A Nâipa ata thu kin inhriat nin kuanga kin inpuang chu hi hi a ni: Pathian chu vâr a nia, amaa inthim zel om mah.

1 JOHANA 2:8

Khannisian atûna nin kuanga thupêk ki irziak hi a thar a ni, kha thutak kha Kristaa leh nangnia an lang; inthim kha a hong irkiang thiaia, vâr tak tak a hong vâr tâk sikin.