IRPHUTNA 1:28 - PATHIAN LEKHABU IRTHIANG C.L. Bible (BSI)

²⁸ Khanchu Pathianin sat a vurhaia, Pathian ngêtin an kuang khan, “Irchi tamtak sema pung hrangin, irnêng chung hi lua sipin, nin ircham takin inomtir roi, tuipui sûnga ngahai chunga, chunglêng vahai chunga khom, thilhring irnêng chunga bokvâka fe murdihai chunga ircham nei roi,” a tia.

IRPHUTNA 1:28 ပူးပေါင်းရင်းမြစ်များ

IRPHUTNA 1:22

Khan Pathianin, “Irchi tamtak nin irchi ata hong pung unglân, tuipuihaia hong sip roi, vâhai khom irnênga pung ri sehai,” tiin sat a vura.

IRPHUTNA 17:16

Khan ama khom satvur ki ta, ama rengata nâipa nang ki ipêk hrang a ni, ama chu satvur ki ta, nam chi tin irchinu ni ta a ti; ama ata nam chi tin le rêng khom la suak an ti,” a ti nôka.

IRPHUTNA 17:20

Ismaela chungthu khom irngaitua ki ti: irngai ro, ama chu sat ki vur ta, irchi tamtak inpung a ta; ama’n chu rêng sômkhat inhni nei a ta, ama khom chi inpungtu lian takin siam ki ti.

IRPHUTNA 24:60

Khan, Rebeki chu bor a pêka, a kuang khan, “Kin farnu nang chu a sîng a sâng tamtak nu hong ni’n lân, nir chihai khom a doituhai ram khom lua zit ri sehai,” an tia.

IRPHUTNA 26:24

kha ni zân khan Rengpa’n a kuang an lâr pea, “Kei hi ni pa Abrahama Pathian kha ki ni; chi no ro, ni kuang ki om, sat nang vur ki ta, ki sinthotu Abrahama sikin, nir chi la pung an ti,” a tia.

IRPHUTNA 33:5

Khan Esaua’n a en vêla nupang le nâipanghai a hmuhaia; “So ni hong ihruaihai so tuhai mo an ini?” a tia. Khan ama’n “Pathianin lungkham taka ni sinthotu nâi ni pêkhai an ni so te,” a tia.

IRPHUTNA 49:25

Ni pa Pathian, nangma nang changpui hranga Itinrêngthotheiin, chung tianga vân satvurnahai, hnuai tianga satvurnahai, dûttui le rîla ra satvurnahai, Nangma satvur hranga inhrâtin a oma.

IRPHUTNA 5:2

Thu ringotin pasal le nupang kha a isiamhai a ni. Thu ringota siam an ni lai khan sat a vurhaia, an irhming khom “Mihriam” a tihai ta.

IRPHUTNA 6:1

Khanchu irnêng chunga mihriam an hong punga, nâilete an hong tamin chu,

IRPHUTNA 8:17

Taksa nei murdi le thilhring ni iompuihai khom, sahai, ramsahai irnênga bokvâka fehai le vâhai khom hmunkhatin hruai suakhai vingin lân, irnênga hin nâilete nei intamin, irchi tamtak neia an hong pung theina hrangin,” tiin a hrila.

IRPHUTNA 9:1

Khan Pathianin, Nova le a nâihai kha bor a pêkhaia, an kuang khan, “Irchi tamtak thâka hong pungin irnêng chung lua insip roi.

IRPHUTNA 9:7

Khan, nangni chu irchi suanpâr tam takin hong pung unglân; irnênga hin nâi tamtak nei unglân; irnêng hong sip roi,” a tia.

1 THURCHI SUINA 26:5

Amiela, Isakara, Peulethaia hai,

1 THURCHI SUINA 4:10

Israel hai Pathian kuang Jabeza chu a chongchaia, “O Pathian, sat ni vurin lân, ram irzat tak ni pe’n lân, nâ ki tuang loina hrangin thil saloihai ata ni hrungin lân, ni ompui mai ro,” a tia. Khanchu Pathianin a izong angin a ompui a ni.

JOBA 39:11

A hrât sikin, a hrâtna hmangin ni sin intak nang thopui le mo ni iam?

JOBA 42:12

Rengpa’n Joba zoro hnungkhôn chu matona nêkin sat a vura. Belra sîng minli, saringsei sângruk, sehrât bop sângkhat, sakuartung a pui sângkhat a neia.

INPÂKNA HLAHAI 107:38

Anni chu sat a vur ngaia, khanchu a sate’n inpungtirin an oma; An sahai kha a iram phal ngai mah.

INPÂKNA HLAHAI 115:16

Irvânhai khi Rengpa irvânhai a nia, Irnêng rêk hi chu mihriam nâihai a ipêk a ni.

INPÂKNA HLAHAI 69:34

Irnêng le irvânin ama kha inpâk ri sehai, Tuikhanglianhai le a sûnga thil chângthei murdihai leh.

INPÂKNA HLAHAI 8:6

Ni kut suakhai chunga hin ircham nin neitira; A ke hnuaia itinrêng ni siaa:

INPÂKNA HLAHAI 8:7

Belra le sehrât murdihai le, A ni, ram sâhai leh khom;

ISAIA 45:18

Irvân siamtu chu Pathian a ni, Irnêng khom a siama, dettakin an ngîrtira. Siat remrum khomin siam maka, om hmun satakin a isiam a ni. Ama thotu Rengpa’n hiang hin a ti: “Kei hi Rengpa chu ki ni, tûte a dang om mahai,”

LEVI DÂN 26:9

Sat nangni vur ki ta, nâi le te nangni pe nghek ki ta; ki thuthung angin keiin ki itho hrang chu nangni tho pe thiai ki ti.

1 TIMOTHEA toc2 1 TIMOTHEA 4:3

Mi senkhatin innei le thil senkhat fâk hi dik mah tiin mi an khapa. Khannisianlân, Thutak inhre tâk, iamtuhai chu lômthu insîr puma fâk hrangin Pathian isiam a nih ti an inhriat.