IRPHUTNA 1:27 - PATHIAN LEKHABU IRTHIANG C.L. Bible (BSI)

²⁷ Khanchu Pathianin ama irangpuiin mihriam a siama, ama ang zekin pasal le nupang a siama.

IRPHUTNA 1:27 ပူးပေါင်းရင်းမြစ်များ

IRPHUTNA 2:18

Khan Rengpa Pathianin, “Mihriam a bing doka om chu a sa ti maka, ama chanpui hrangin, a’rhloppui thei hrang irhoi mi siam pe ki ti,” a tia.

IRPHUTNA 2:7

Khan Rengpa Pathianin irnêng pilin mihriam a siama, a hnâra hringna phûk a mût inlûta, khanchu mihriam kha mihriam hring a hong ni tâka.

IRPHUTNA 9:6

Mi tukhom mihriam thisen insuaktu chu, mihriam ngêtin ama thisen an insuaktir hrang a ni. Pathian irangpuia siam an ni sikin.

INPÂKNA HLAHAI 139:14

Ni kuang lômthu hril ki ti; ichiom tak le irkhêl taka siam ki nia: Ni sinthohai hi a irkhêl a ni. Ama kha ki hringna hin an hriat infel zit a ni.

THUHRILTU 7:29

Khanchu hi vai hi ki hmusuaka, Pathianin chu mihriam hi dik hrangin a siama, khannisian mihriamhai chu lampui kôi tamtaka an pêt tâka,” a tia.

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

JEREMIA 29:6

Nin nâipasalhai hrang dôngma zong pehai unglân, nin nâinuhai hrang khom pasal inneitirhai roi, khan kêng anni khomin nâipasalhai le nâinupanghai an inei thei hrang. A tôm tiang ni loiin nin inpung ngêt hrang a ni.

MALAKIA 2:15

Khan hringna chi kha a nei sikin, ama khan inkhata a isiam loi ma ni? Itho sika inkhata siam mo a ini? Pathian chi kha a izong a ni. Khasika khan nin irtha khan irdîn unglân mi tukhom a thoibop dôngma kha porinche takin lo no ri sehai.

MATHAIA 19:4

Khan ama’n, “A phut ata hi thu hi tep ngai mak chêi mo? a phut ata siamtu khan nupang le pasal a siama,

MARKA 10:6

Khannisianlân, rammual irsiang ata Pathian thubu’n a iti angin, ‘Pathianin pasal le nupang a siam a ni’.

EFESI 2:10

Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

EFESI 4:24

thutaka suak, felna le irthiangnaa Pathian anga siam, mihriam thar khan, irbel roi.

DÂN INHNINA 4:32

Tianlai nin suak mân, Pathianin irnênga mihriam a siam ata kha sui u ta; rammual pumpui hi irdon suak unglân, nin thil hmu ang le nin thil inhriat ang hi an inhriat ngai mo irdonhai u ta.

KOLOSA 1:15

Krista kha hmu theiloi Pathian angpui, thil siam murdi mahruaitu a ni.

KOLOSA 1:26

Mi murdi ata kumkhuaa a lei ithup ngai, thu’rthup kha, atûn a mi irthianghai kuang an langtir ta.

KOLOSA 3:10

Mihriam thar khan nin irbel tâk sikin; Pathian inhriat infel hrangin kha mihriam thar kha a siamtu anga om hranga siam thar mai a ni.

ROIRÊLTUHAI 21:22

An pahai mani an nuchahaiin mani nangni an hong inbuai khomin, “Lungkham takin inneitirhai mai roi, râl anga irdoiin dôngmaa an ichelhai khom ni maka; nangni lakin nin nuam sika nin ipêk khom ni ual loia, nin chonginkung khom nin insiat ual mani, lei ti kin ti,” an tia.