IRPHUTNA 1:16 - PATHIAN LEKHABU IRTHIANG C.L. Bible (BSI)

¹⁶ Khan Pathianin vâr roiinpuitak inhni khi a siama, vâr roiinpui ual kha sûn roirêltu hrangin a tia, vâr roiinpui loi ual kha zân roirêltu hrangin; ârsihai khom khi a siam sa.

IRPHUTNA 1:16 ပူးပေါင်းရင်းမြစ်များ

IRPHUTNA 1:15

irnêng invâr hrangin irvân boiruak lian taka khan vârhai om ri se,” a tia. Khanchu khaang tak khan a hong ni tâka.

JOBA 31:26

Misa khi a vâr hrai sika le tha khom a roiinpuina sika chubai lei mûk ngai ma ung.

JOBA 38:7

Irvâna ârsihai hla an saka, Pathian nâihai an khêk lai khan.

INPÂKNA HLAHAI 148:3

Misa le thahaio, ama chu inpâk unglân; Ârsi vâr murdihaio, ama chu inpâk roi.

INPÂKNA HLAHAI 148:5

Khahai murdi khan Rengpa irhming chu inpâk roi; Ama khan thu a pêka, siamin an hong om tâka.

INPÂKNA HLAHAI 19:6

A suakna kha kôlkung ata a nia, An tân kualna chu a kiang tiang kôlkung dênin a nia, A lum inhre loia thup rêng rêng om mah.

INPÂKNA HLAHAI 74:16

Sûn hi ni ta a nia, zân khom hi ni ta a ni; Nangma’n misa le tha ni siama.

INPÂKNA HLAHAI 8:3

Irvân, ni kut suakhai, Thâ le ârsi ni inkunghai khi, ki ngaitua zoro’n chu,

ISAIA 13:10

Irvâna ârsi le sikhovârhai khi, an vârna tôm a ta, misa suak khom inthim a ta, tha khom vâr ta no ni.

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 40:26

Irvân tiang khin nin mit inlêngtir unglân, nin ihmuhai khi tu isiam mo an ini? Sipai rualhai anga hruaisuak ngaitu, ar hminga koi thei vingtu isiam ving an ni; thil a thothei hraia, ite irhmang ngai mah.

ISAIA 45:7

A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

JEREMIA 31:35

Rengpa’n hiang hin a ti, sûn invârtir hrangin misa a sina, zân invârtir hrangin tha le ârsihai ar fûktira, irhâi tam hrangin tuikhanglian chu an ri dur dura, ar hming chu itinrêng thothei Rengpa a ni.

HABAKUKA 3:11

Misa le tha chu an omnaa khan an ngîr maia, Ni thalhai kâp suaka om ivâr le, Ni ufei irtêk zor zor vâra khan.

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

MATHAIA 27:45

Khan, sûn dâr sômhleihni ata khohloi dâr thum ten chu rammual a zîng khak tâka.

1 KORINTH 15:41

Misa roiinpuina a danga, tha roiinpuina a danga, ârsihai roiinpuina khom a dang a ni, ârsi le ârsi khom roiinpuinaa chu irang mah.

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.