HOSEA 9:9 - PATHIAN LEKHABU IRTHIANG C.L. Bible (BSI)

⁹ Gibea khuaa om lai nikhuahai ang khan a sate’n anni kha an tho’nsuala. An pualoina kha inhre mai a ta, an sualnahai kha thuan a ti.

HOSEA 9:9 ပူးပေါင်းရင်းမြစ်များ

FESUAKNA 32:7

Rengpa khan Mosia kuang a ti pea, “Zu kîr nôk zel ta roh, mipui Aigupta ram ata ni hong ihruaisuakhai khan, sualin an ni ihnôl zoi tâk kêng.

ISAIA 24:5

A sûnga omhaiin irnêng hi an porinchetira, dân zôm loiin thupêk khom pom nuam mahai, kumkhua Thuthung ite bêa bê loiin.

ISAIA 31:6

O Israel mihaio, “A sân tehel pe khom unglân hong kîr nôk ta roi.

JEREMIA 14:10

Hi mihai chungthu hin Rengpa’n a ti, “Keima kuang ata rot hi an inuam a nia, khaang khan an bingin dan thei no ni. Khasikin an chunga ki milung a ichuk loi a ni. An thil tho’nsualhai chu inhre mai ki ta, an sual sikin anni chu dûk thohai ki ti,” a tia.

EZEKIELA 21:28

“Nang mihring nâipa, thu inpuangin lân, hiang hin ti ro: Rengpa pathianin Amon nâihai chungchânga le an hrilsiatna thua hiang hin a ti: khandai, khandai irlek a ni ta, mi sât thatna’n le mi inboipaina’n kôlirtêk anga irtêk khandai chu irlek a ni ta.

HOSEA 10:9

O Israel, Gibea nikhua ata kha ni isual ni isual a ni: khataka khan nin la sunzoma; tho’nsualna nâihai chunga doina khan Gibea ngêta khan nang a irzûl phâk loi hrang mo?

HOSEA 4:9

a mipui a ochaiin hmunkhata hrem ni an ta, an lampuihai sika khan anni kha hremhai ki ta, an thil thohai thuan ki ti.

HOSEA 5:8

Gibia khuaa bekul tum unglân, Rama khuaa bekul mût roi; Bethaven-a khêk mur mur roi, o, Benjamina, ni hnung tiang kha, tiin.

HOSEA 7:2

An sualna murdi kin hrât mai ti an milungin ngaitua mahai: atûn chu an thilthohai ngeiin a ngîm khak tâka. ki hmâi makunga an iom a ni.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HOSEA 9:8

Efraima râl enkoltu kha hi Pathian kuanga om a ni, deipu lak kha lamtuanin chângkamtu chânga a oma, a Pathian ina khom roi irbuloina a om.

ZEFANIA 3:7

Nangin ni chi photin lân, halirchûna hi lei pomin lân; khanchu ama chungchânga ki inkung murdihai ang khan a omna kha inboipai pat ni no nia, ki tia. Khannisian zînga an thoia, an thiltho murdi an tho’nchâi zit tâka.

ROIRÊLTUHAI 19:12

A pu’n, “Israel mi ni loi, nam dang khuaa ei iriak hrang ni mah. Gibea khua pan ei ti,” a tia.

ROIRÊLTUHAI 19:16

Kha lai taka khan, khohloia tar inkhat a loia fe hi a honga; ama chu Efraima tâng ram mi a nia, Gibea khuaa om mai ngai a ni; Gibea mihai chu Benjamina irchihai an ni.

ROIRÊLTUHAI 19:22

Râifân le lômtaka bu an fâk laiin khopuia mi sual pôlin in kha an hong irhuala, mikot chu an hong suk tuk tuka, in neipu tarpa kuang, “Ni ina mikhual tunghai kha hong hruaisuak ta, lei irpôlpuihai ro ung,” an tia.

ROIRÊLTUHAI 20:43

Israel mihaiin an râlhai chu an irhualhaia, misa suakna tiang Gibea tiang an intâna, an irzûlhai pata, an that zêla.