HOSEA 9:7 - PATHIAN LEKHABU IRTHIANG C.L. Bible (BSI)

⁷ Raifânna nikhuahai kha a zuang tunga, thuanna nikhuahai kha a zuang tung e; Israel khan kha kha inhria a ti. Ni tho’nchâina kha a tamin an roi irsâi loina an ipêtsanna kha a’rkhêl sikin, Deipu kha an vêta, irtha nei mi kha a invêt a ni.

HOSEA 9:7 ပူးပေါင်းရင်းမြစ်များ

2 RÊNGHAI 9:11

Jehua chu a puhai lai ata a hong suaka, mi inkhatin, “I thurchi ma ni tâk? mi’ntopa kha i lo hranga ni hong ihruai mo?” a tia. Jehua’n, “A izong chu nin inhriat kha te,” a tia.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 34:8

Rengpa’n phuba a lâk zoro a chuk ta, Zion ta hranga thuan nôkna zoro a phâk ta.

ISAIA 44:25

Deipu dolhai thu hlochuk loiin tasân theihai mualinphoitirin, mi vârhai thu ki thuan paihaia, an inhriatna chanlamboi kin hriattirhaia,

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

JEREMIA 11:23

Anathot mihai chunga vânduaina intungtir hrang zoro ki rêl diam ta, a zuang tung tena chu tûte a dam suak om no nihai,” a tia.

JEREMIA 16:18

Ki ram chu millim pathian hringna boi le pathian dik loi porchein an siam sikin, an sualnahai le pualoinahai sika khan a bâk inhniin thuanhai ki ti,” a tia.

JEREMIA 23:13

Samari khan deipuhai sualna chu ki hmua; Baal irhmingin thu an inpuanga, ki mihai an ihruai insualhai tâk a ni.

JEREMIA 25:14

Babulon rama mihai chu an sin thôna ra leh thuanhai ki ta, nam tamtakhai le rêng roiinpuihaiin anni chu suakin siamhai an ti,’ ” a tia.

JEREMIA 29:26

Nang Zefania Rengpa’n ochai Jehoiada irthûlin nang an kung, Rengpa ina a tataka thu inpuanghai kha sâm ro, thîr khitna leh khit hranga inkung ni nia,

JEREMIA 46:21

Sipai a irhlotirhai lua khom sete anga ite tho thei loi an ni. Sirsan lâkin doi maka, hnung kîrin laizâm an tho vinga. An chunga intak nî a hong ni tâka, an siatchitna hrang zoro chu.

JEREMIA 6:14

Ki mihai sâbe tuang uksakhai loiin, ‘A dam ta,’ an tia, la dam loihai khom kha,

JEREMIA 8:11

Ki mihai sâbe tuang khom ngaituahai ok loiin, ‘A thathaia,’ an tia, an dam zoi no khomin.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

EZEKIELA 13:10

Irtharngamna om loia, ‘irtharngamna a ni e,’ tia ki mihai an hruai insuala, irngeina om maka, mi banghai an siama, khan deipuhai chu hongin a chung kha an hong nâl inngoi zuaka.

EZEKIELA 13:3

Rengpa pathian khan hiang hin a tia: Deipu invêt, mâni ngaidân zuia, ite hmu loihai chu an chung a rik e!

EZEKIELA 25:17

Anni chu a sân hremhai ki ta, an chunga phuba lâk hrang om dôr chu la ki ta, ki ningmurna chu an chunga chum a ti. Khanchu keima hi Rengpa ki nih ti inhresuak ta an ti,” a tia.

EZEKIELA 38:23

Khaang khan nam tinhai kuang ki sinthotheina le ki’rthiangna chu inlangtir ki ti. Kha tena chu Rengpa ki nih ti inhre thei ta an ti,” a tia.

EZEKIELA 9:10

Kei khomin irhmâi no ning, inrenhai viat no ning; an sintho ang takin thuanhai ki ti,” a tia.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 5:9

Efraima kha hremna nikhuaa khan inram ni a ta: thil hong ni ngêt hrang kha Israel irchihai laia kin hriattir tâk a ni.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HOSEA 9:8

Efraima râl enkoltu kha hi Pathian kuanga om a ni, deipu lak kha lamtuanin chângkamtu chânga a oma, a Pathian ina khom roi irbuloina a om.

AMOSA 8:2

Khan, ama’n, “Amosa, imo ni ihmu?” a tia. Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

MIKA 7:4

An laia mi satak kha buar ang a nia: mi dik tak kha sûl ilhling nei nêkin a siat ual: ni ivêngtuhai nikhua a fanga ni om nia ngei kha a hong tung ta, kha kha an lunginzîngna nikhua ni a ti.

ZEFANIA 3:4

A deipuhai khom kha mi huang hmang le mi hmangnaboi an nia, a ochaihai rêk khan hmun irthiang kha an porinchetir tâka, Pathian dân kha an nuam lam lamin an inkôktir ngai.

MARKA 3:21

A in sûng mihaiin an inhriatin chu ama hruai hrangin an irthoka, mipuihaiin, “An vêt tâk kêng!” an ti pehai sikin.

LUKA 21:22

Pathian thubua irziak a hong tung indik theina hrangin, kha nikhuaa chu ‘Phuba lâk nihai,’ ni a ti.

2 KORINTH 5:13

Kin into ta tak ma ni? Pathian hrang sika a ni. A ninole kin ivâr ma ni? Nangni hrang sika a ni.

THUPHUANG 16:19

Kho roiinpui kha hmun thumin a hong koia, ram tina khopuihai a chim tâka. Babulon kho roiinpui kha Pathianin an hriat chiana, a ningmurna khilât kha an intir tâka.