HOSEA 9:17 - PATHIAN LEKHABU IRTHIANG C.L. Bible (BSI)

¹⁷ Ki Pathian khan anni kha pai irhmang a ti, ama an uksak no sikin. Khanchu, nam danghai laia chaninvâiin om an ti.

HOSEA 9:17 ပူးပေါင်းရင်းမြစ်များ

HOSEA 7:13

An chung a rik e! ki kuanga irthokin an fe irhmang tâka, irhmangna an chunga a tung e! ki chunga tehel an zong tâka, keima’n chu ki saninhring nuama, anni rêkin chu milak an ni tho khuma.

TÎRTÔNHAI SINTHO 3:23

Kha deipu thu irngai loi murdi chu ‘Pathian mihai lai ata inhnotsuakin that irhmang hrang a ni’ a iti kha.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

AMOSA 9:9

“Irngai u ta, thu nangni ki ipêk hrang a nia, khan, mâikachaia bu an insolpai angin, Israel sûngkuahai kha nam tin tin laia khan insol thapai ki ta; khannisianlân, ar mal chîntak khom irnêng chunga ta no ni.

HOSEA 4:10

Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.

ISAIA 7:13

Isaia’n, “Davida irchihaio, irngai roi, mi danghai insôltir a ruk la ti loiin, kin Pathian a le tianga nin insôltir nuam ma ni?

THUVÂRHAI 29:1

Mi’n an hril intam dôr a tukullian chu voikhat rengin lan rîl a ta, thoi nôk thei viat ta no ni.

INPÂKNA HLAHAI 31:14

Khannisianlân, O Rengpa, nang ki iama: “Ki Pathian ni ni,” ki tia.

NEHEMIA 5:19

O ki Pathian, hi mihai hranga ki sintho murdi hi, ki sa theina hrangin inhre mai roh.

2 THURCHI SUINA 36:16

Khannisian Pathian mi tîrhai chu an lei manêphaia, an thu lak ite la pehai mahaia. Deipuhai chu innuisanhaiin, inhnung tiang chu Rengpa kha a sate’n a ning an mur pea.

2 THURCHI SUINA 18:13

Mikaia’n, “Rengpa mihring irhming sâmin ki hril, ki Pathianin hril hranga a ni inhril chu ti ki ti,” tiin a sâma.

DÂN INHNINA 32:26

Tûte inhriat ta loi hrangin ki’rhmangtir chit hrang mani ki ti lik tâk a ni.

JAKOBA toc2 JAKOBA 1:1

Pathian le Rengpa Jisua Krista suak Jakoba khan nam sômhleihni rammuala inthek indarhai kha chubai ki mûk.

FILIPI 4:19

Ki Pathian khan Krista Jisuaa ar chongna roiinpui tak ata nin innang tinrêng nangni pe a ti.

JOHANA 20:28

Thoma’n a sâma, “Ki Rengpa le ki Pathian,” a tia.

JOHANA 20:17

Jisua’n a kuang, “Ni tôn no roh, Pa kuang khom la hong fe ma ung; khannisianlân, ki urênghai kuang va fe’n lân, an kuang, ‘Ka Pa, nin Pa, Ki Pathian, nin Pathian kuang kâi hrang ki ni’ a ti, ti roh,” a tia.

JOHANA 7:35

Juda thuneituhai khan, “Khôn mo a fea, ei ihmu ta loi hrang? Ei mihai Grik khopuia fea, Grikhai irchutir a itum ma ni?

AMOSA 8:2

Khan, ama’n, “Amosa, imo ni ihmu?” a tia. Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia.

JEREMIA 6:30

Anni chu lûtna nei loi, thîr êk tia bê ni an ti. Keima Rengpa ngêtin anni chu ki ihnôlhai tâk a ni sikin,” a tia.

DÂN INHNINA 4:25

Nin ram hranga khan sôt tak nin om hnungin, nâi le te neia tubora, irlo hni irlo thum nin nei tika khom millim rêng rêng i anga irlim khom, nin siama, Rengpa nin Pathian nuam loi lam nin tho tâkin chu, irnêng le irvân sâlin ki insîr a ni,

DÂN INHNINA 4:27

Rengpa khan nam tin laia nangni indartir a ta, kha khan tômte chu hring suak chu om vi viat nin ti.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

JEREMIA 7:15

Nin sûngsuak Israelhai ki inhnotsuak ang takin ki mithmu ata nangni inhnotsuak ki ti,” keima Rengpa’n ki iti a ni.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.