HOSEA 9:13 - PATHIAN LEKHABU IRTHIANG C.L. Bible (BSI)

¹³ Tura ki ihmu ang dênin Efraima kha hmunhoi taka sia’n om a ti: khannisian, Efraima khan a nâihai kha thattu kuang la hruai suak a ti.

HOSEA 9:13 ပူးပေါင်းရင်းမြစ်များ

2 RÊNGHAI 15:16

Tirza rengata Menahema a hong hro lai khan Tapua khua chu ama thu hnuaia an om nuam no sikin, an siatpaia, a sûnga omhai le a ram vêla omhai chu a thathaia, nupang inrâi laihai khom an phîng vun a sunthêr pehai a ni.

JOBA 27:14

Mi ihnôlhai dongtum chu Itinrêngthotheitu’n a nei. An nâi le te an pungin chu, An rîla rahaiin fâk khop hmu zoi no nihai.

JEREMIA 7:15

Nin sûngsuak Israelhai ki inhnotsuak ang takin ki mithmu ata nangni inhnotsuak ki ti,” keima Rengpa’n ki iti a ni.

JEREMIA 9:21

Thinahai chu ei inkhâra a hong lûta, ei in roiinpui tak sûnga a hong lûta; Nâipanghai chu kotbâia a tuk inrîlhaia, kholaia ruatharhai khom a tuk inrîlhai ta.

CHAP HLA 2:22

Inkhômpui uara fe intam angin ni ningmur nia chu, hmun tina ni râlhai ni bukkhôma. Rengpa ningmurna sûn khêla zôk om loiin, kin nâi pom laihai, kin indit ngôi ngôi, râlhai ithat zoi.

EZEKIELA 27:3

kha khopui kha tuipui kôla omin, tuipui kôla om murdihai le sum bepâr tho puma omhai kha, Rengpa Pathianin hiang hin a tih ti pe ro: O, Tura enhoi irkip taka ni iom kha ni’rsorpuia.

HOSEA 10:14

Khasika khan ni mihai laia buai mur murna hong suak a ta, Salmona khan irdoi nikhuaa Beth-arbel a insiattir ang khan, ni kul murdihai kha insiat ni a ta; nu chu a nâihai le pai inthekin an iom a ni.

HOSEA 13:16

Samaria ram ata a Pathian chunga tehel a zonga, khandaia intûktirin om an ta, an nâitesenhai kha pai inthek zit ni an ta, an nupang, nâivong laihai kha kaithêr ni an ti.

HOSEA 13:8

Savomte inchân angin anni kha bei ki ta, an milung tuamtuhai kha kai thêr zit ki ta, kha hmuna khan kâmkeibaknei angin anni kha fa zoi ki ti; ramsahai khan an ikai darh zoi hrang a ni.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 9:16

Efraima kha zêmin a oma, an irzung kha a châr zoia, ra insua maka. A ni, suak khom sianlân, an sul ra inditom tak kha that lele ki ti.

AMOSA 7:17

Khasikin Rengpa khan hiang hin, ‘Ni dôngma kha khopuia notizuar ni a ta, ni nâipahai, ni nâinuhai kha khandaiin tûk an ta, ni ram kha irkhîna hruiin sem an ta; khan, nangma ngei kha ram irthiang loi sûnga khan thi ni ta, irlêkloiin Israel kha a ram ata sala hruai irhmang a ta,’ a ti,” tiin a sâma.