HOSEA 9:1 - PATHIAN LEKHABU IRTHIANG C.L. Bible (BSI)

¹ O Israel, nam danghai angin raiinfân lûk lûk dôrin lôm no ro, ni Pathian kha nôti ni zuarsana, hruizôl tina a man kha nir ngai inhlua.

HOSEA 9:1 ပူးပေါင်းရင်းမြစ်များ

INPÂKNA HLAHAI 73:27

Irngai ta, nangma ata hlataka omhai chu an irhmang hrang a ni: A uiresantu murdi chu nir hmangtir ta.

ISAIA 17:11

Nin iphun thei dôrhai phunin hong pâr khomsian, a ra irhmal hrang om no ni, buaina le a na hek ta loi nikhua a hong tung ni tena chu.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 44:17

Tho hranga kin iti kai chu tho hrang a ni. Irvân rêngnu kin pathiannu kuang irbôlna inhlan kin ta, uain thilinhlan a ta hrangin bunthuan kin ti, keini le kin irchibulhai kin rênghai le kin hruaituhaiin Judai ram khopuihai le Jerusalem kotsuahaia kin itho ngai ang khan. Kha laia khan bu nêk hrang kin nei hluka, vâng kin saka, ite buaina tong ngai ma ung.

CHAP HLA 4:21

Uz rama omhai le Edom mi le sahaio, nin thei lai hin raiinfân unglân lôm roi, nin chunga khom siatna nikhua la tung a ti. Inrui nin ta, silkai boiin om nin ti.

EZEKIELA 16:15

“Khannisian ni hmêl satna chu ni’riampui hraia, ni’rhming inthangna sika khan ni hura, notizuara ni hong om tâka, mi tukhom ni kuanga hong tâk murdihai chunga khan ni hrâtna chu ni phala; ama ta ni inih tâk a ni.

EZEKIELA 16:30

Ni lungrîla inzakna nei viat mak chea, ni nunzia chu nupang tukullian sual tak thil ni thoa, ti hi Rengpa pathian thusuak a ni.

EZEKIELA 20:32

Nam dang, hi rama chi dang dang omhai tho dân angin thing le lung biak nin tum ngit tâka; khannisian, kha kha ni thei viat no ni.

EZEKIELA 21:10

Mi sâtna’n intât inngaih a nia, Vâr anga irtêk lop lop hranga innôt infâi a nia, Raifânna zel om thei mah. Ki mihai hin irchûna rêng rêng uksak viat mahai.

HOSEA 10:5

Samari rama lênghai kha Bethaven sehrâtte sika khan chardongin om an ta. Ama ata a irhmang tâk angin khataka mihai kha an chardong a ta, khataka ochaihai a roiinpuina chunga la lôm ngaihai khom.

HOSEA 2:12

A grep hrui le a theipui kung, hi hi ki irditpuihai ni ipêk ki ihlo kha a ni, A ichitna ngai kha inramtir ki ti: Ram hnuaia siam ki ta, ram sahaiin fa an ti.

HOSEA 4:12

Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka.

HOSEA 5:4

An Pathian tiang irheitir hrangin, an thilthohai kha masan mahaia, notizuar lungrîl an laia a iom a ni, Rengpa kha an inhriat thei loi a ni.

HOSEA 5:7

Rengpa chunga vâr irlet takin an ichai a ni, nam dang nâihai an neia; tha thar khan an loihai le ileh irhmangna tung a ti.

AMOSA 3:2

“Nangni vai hi rammuala sûngkua murdihai laia nangni ki inhriat nin nia; khasikin nin itho’nsualna murdihaia khan nangni hrem ki ti,” tiin.

AMOSA 4:5

Khan, chol kop loi lômthu hril irbôlna kha inhlan unglân, mâni nuamlama inhlanhai kha hril unglân, inpuang roi: O Israel nâihaio, hi hi nin nuamlam tak a ni, Rengpa pathianin a tia.

AMOSA 6:13

nangni thil mâkana chunga lôma, eini hrâtna’n a ini loi ma ni, irkihai ei ilâk? tihaio.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

JAKOBA toc2 JAKOBA 4:16

Atûn hin chu lârirpâk takin nin irsora. Khaanga lârirpâk taka om kha sual a ni.

JAKOBA toc2 JAKOBA 5:1

Nangni mi irchonghaio, irngai u ta, nin chunga intak zuang tung hrang sikin chap unglân, khêkhroi ta roi.