HOSEA 8:8 - PATHIAN LEKHABU IRTHIANG C.L. Bible (BSI)

⁸ Israelhai kha irlem zoiin an iom a ni: bêl, a sûnga lômna om loi angin atûn hin nam dang laia an iom a ni.

HOSEA 8:8 ပူးပေါင်းရင်းမြစ်များ

2 RÊNGHAI 18:11

Assuria rêngin Israelhai chu suaka an hruaihaia, Assuria rama an hruaihaia, Gozan ram Habor tui kôlhaia le Media khuahaia an inomtirhaia.

ISAIA 30:14

Irdîn viat loia pilbêl vuak inkhoi, mei irling thun theia indom ngai angin, tui thâlna hrang khom om loi raka, vîk indi ni hrang nin ni ta,” a tia.

JEREMIA 22:28

Khan keiin, “Reng Jehoiakina hi bêl koi, dêngzuanpaia om, mihai indit ta loi ang hi a ini tâk ma ni? Hi sik taka hin ram an la inhriat ngai loina hmuna ama le a nâihai chu salin an intâng a ni ta,” ki tia.

JEREMIA 25:34

Khasikin hruaituhai chap roi, nangni ki mi belrapuhai, chap inring roi! Beidongin pil kâra inhlum roi. Thata nin om hrang zoro chu a hong nâi ta, kêlbelrachalhai angin irchan ni ta nin ti.

JEREMIA 48:38

Moab mihai in chunga le vântâng mihai irbukkhômna hmuna chap inrung ti no chu ite a dang om ma, a san chu mi’n bêl an inpâm ta loi angin Moab chu kin khoi tâk sikin.

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

JEREMIA 51:34

Babulon ram rêngin Jerusalem ar chan india, a ifâk a ni. Khopui chu bêl angin a rongin an omtira, rûlpui angin a invol a ni. A inuam murdi a chôia, a danghai chu a ipai a ni.

CHAP HLA 2:16

Ni râlhaiin nang an innuisana, Irfûiin an ha nang an irialkhum a ni. “Kin hong hmu ta kin itum nikhua, kin hmu tâk,” an tia.

CHAP HLA 2:2

Rengpa’n ite indîn loiin, Judai ram khuahai chu an siatpaia, A ningmurin an irkulna banghai khom chim zoiin a om ta. An ram le an ulianhai khom a’rzaltirhai zoi ta.

CHAP HLA 2:5

Rengpa chu râl angin kêng a om ta, Israelhai an lempaihai tâka, an kulhai le an in roiinpuihai a siat zoi ta. Judai ram sûnga beidong irkhêl tak a tung ta.

CHAP HLA 4:2

Zion ruathartehai chu rângachak irthiang ang an nia, bêl vuaktu pil bêl ang mai an ni zoi ta.

CHAP HLA 5:2

Kin irchonhai khom nam danghai laia pêk a ni zoi ta. Kin inhai khom hmêl hriatloi kuta omin.

EZEKIELA 36:3

“Khasikin thu leihrilin lân, kei Rengpa Pathian hin hiang hin ki tih iti hi inpuang roh. Khan Israel tânghai chu a kôlvêla namhaiin lâkin an longindartira, Israel an hmusit tena chu,

LEVI DÂN 26:33

Irdoina hong tung a ta, nam dang rama nangni hruai indarh an ta, nin khopuihai kha chim remrum a ti.

ROM KHUAA MIHAI KUANGA TÎRTÔN PAULA LEKHATHON 9:22

Khaang khan Pathianin a tho ngai, a ninginmurna le a sinthotheina inlang nuam khomsian, a ninginmurna dongtu bêl irhmang zôi zâthai chu a tuang zâm zâma,

DÂN INHNINA 28:25

Rengpa khan nin râlhai kha inhnêtu ualin nangni inchangtir a ta, lam inkhata fe’n doi nin ta, kil tin panin rot nin ta, indarh nin ti. Rammuala mi murdi’n nin chunga thil tung kha a’rkhêl ti an ti.

DÂN INHNINA 28:64

Rengpa khan rammual pumpuia, nam tin laia nangni indartir a ta; kha khan thinga siam le lunga siam pathianhai chubai nin mûka, nin pi le puhai khomin an ibiak ngai loihai kha nin ibiak hrang a ni.