HOSEA 8:7 - PATHIAN LEKHABU IRTHIANG C.L. Bible (BSI)

⁷ phâivua an songa, phâivua saloi an i-ât hrang a ni: a kung inding nei maka, a’rzîk khan ra insua no ni; a ra insuak khom sianlân, mikhualhaiin fa zoi an ti.

HOSEA 8:7 ပူးပေါင်းရင်းမြစ်များ

IRPHUTNA 41:23

kha zoiin chu, khaang dênin buvûi sari chîn tete phâivua isêm insiatpai hlet dôr an hong suak nôka.

2 RÊNGHAI 15:19

Reng Tiglat Pilesera’n Israel ram a doia, Menahema’n tangka sumru her sîngthum sângminli a lei pêka, ni nuampui a tih iti sabeiin.

2 RÊNGHAI 15:29

Pekahia inlal zoro hin Assuria rêng Tiglat Pilesera hin Ijon khua, Abela Bethmaka, Janoa, Kades le Hazor khua hai lâkin, Gilead ram, Galili ram le Naftalia ramhai a lâk saa, mipuihai chu Suria rama a thonhaia.

JOBA 4:8

ki lei hong ihmu dânin chu tukhom a dik loina, âlkai anga inrang taka buaina chi inthekin, a pangai an hmu ngai.

THUVÂRHAI 22:8

Dikloina chi tûtu’n chu siatna ât a ta, a ningmurna hnukirhâi chu hlosam a ti.

THUHRILTU 5:16

Khan hi khom hi thil saloi tak chu a ni, mihriam chu a zuang isuak lam ang takin, a kîr nôka, a korongboi ta hrang ngota lei sôl a ni sikin imo an lâpna?

ISAIA 17:11

Nin iphun thei dôrhai phunin hong pâr khomsian, a ra irhmal hrang om no ni, buaina le a na hek ta loi nikhua a hong tung ni tena chu.

ISAIA 55:2

Khop liama om loi hrangin, nin sum nin inchêk ngaia! khopna ni loi hrangin nin irnak nin paia, ki thu hi irngai roi, thil sa tui zât murdi nin inuam tak nin fâk theina hrangin.

ISAIA 66:15

Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

JEREMIA 12:13

Ki mihai chu bu an inrîtin, hloisûl an irtika; an sinsôl bâk ngaia, khannisian ite an ra om ngai mah. Ki ningmur irkhêl tak sika khan, an chîmuhaiin ra an insua thei loi a ni,” a tia.

CHAP HLA 5:2

Kin irchonhai khom nam danghai laia pêk a ni zoi ta. Kin inhai khom hmêl hriatloi kuta omin.

HOSEA 2:9

Khasikin, ki bu kha a ât zoroa, ki uain khom kha a sôm zoroa la kîr nôk ki ti. ki samul le ki pat, a bomboina irkhûna hrang kha, lapai pe ki ti.

HOSEA 7:9

Mikhualhai khan a hrâtna an fâk zoi pea, ama khan inhre ma: mul chuakin a bôm tuai tâka, ama khan inhre mah.

HOSEA 9:16

Efraima kha zêmin a oma, an irzung kha a châr zoia, ra insua maka. A ni, suak khom sianlân, an sul ra inditom tak kha that lele ki ti.

NAHUMA 1:3

Rengpa chu a milung ar uaia, a satêrenga thil thothei a nia, mi sual chu thiam inchangtir zel no ni; Rengpa khan kêllaiher le phâivopuia lampui a nei, sûmhai chu a ke vâiphin a ni.

HAGAIA 1:6

Tamtak nin songa, tômte nin inlût ngaia; nin fâka, khop ual mak chêi; nin ina, khop mak chêi; nin sila, lum ual hliak mak chêi; irhlo fâk khan zêp cheta tha hrang piala a ihlo a ni.

GALATIA 6:7

Ihuangin om no roi, Pathian chu hmusit zât ni mah. Mi’n a itû chu, a i-ât nôk ngêt hrang a ni.

GALATIA 6:8

Mâni taksa tianga tûtu chu taksaa siatna ât a ti. Irtha tianga tûtu chu Irthaa hringna ât a ti.

DÂN INHNINA 28:33

Sôl taka nin itho suak kha nin inhriat ngai loi nam dangin nangni hong lapai pe an ta; kha nin dengintheina le opbêna no chu ite hlo no chin ni.