HOSEA 8:6 - PATHIAN LEKHABU IRTHIANG C.L. Bible (BSI)

⁶ Israel kut theithiamhai millim siam kha, Pathian ni ma. A ni, Samaria sehrâtte irlim kha inkhoipai zit ni a ti;

HOSEA 8:6 ပူးပေါင်းရင်းမြစ်များ

2 RÊNGHAI 23:15

Israelhai hruai insualtu Nebata nâipa Jeroboama’n bethel khuaa Pathian biakna hranga maichâm a isiamhai khom Josia’n an siatpaia, a lunghai an khoihaia. Aseri irlim khom a hâlpaia.

2 RÊNGHAI 23:19

Israel ram hmun tina Israel rênghaiin nam dang pathian biakna hmun siamhai an siata, kha rênghai khan kêng Rengpa milung an inchuktir loi a ni. Bethel khuaa maichâm a insiat ang khan an siatpaia.

2 THURCHI SUINA 13:8

Davida irchihai kuang rêng thuneina Rengpa ipêk khôkmâkin nin sipai tam le Jeroboama sehrât irlim, nin pathian hranga a isiam songin nin hong pûta.

2 THURCHI SUINA 31:1

Kût an chînin chu Israel mihai chu Judai ram kho tina an fe irtheka, an lungphunhai, an pathiannu Aseri irlim an iphunhai an naminrîla, maichâmhai le hmun irsâng, nam dang pathian an biakna hmunhai an insiata, Judai ram khêla Benjamina hai, Efraima hai le Manasea biala mihai khom an insiata, mâni in tiang an kîr nôk tâka.

JEREMIA 10:14

Hi hi an hmu’n chu mihriamhai chu inmôl le inhriatna nei loiin an irbe ngai; millim siamhai chu an inzak tâka, an pathianhai kha a dol le hringna nei loi an ni sikin.

JEREMIA 48:13

Kha tena chu Moab mihaiin an pathian Khemosa chu iamzoi ta no nihai, an irnghatna pathian chu, Israelhaiin Bethel chunga an irnghat zoi loi ang khan.

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

HOSEA 10:2

A sûngril kha irsentirin a oma, atûn chu thiamloi changin om ta an ti. An maichâmhai kha Rengpa’n zêm insim a ta, an lung incher phunhai kha insiat a ti.

HOSEA 13:2

Atûn khom hin an sualtir ual ual tâka, an tangkarua’n millim sûnna’n an irsiam chopa, anni ngaidân angzia zêla millim kha; khahai murdi kha kut theithiamhai kut suak a ni pumin, irbôlna inhlantu murdihai khan sehrât têhai kha tum ri se, an ti ngai.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

MIKA 1:7

A millim siam chop murdihai kha inkhoi irnôi chit ni a ta, a notizuar hlohai kha meia hâlpai zit ni a ta, notizuar mana a ilâk khôm a nia, a notizuar mana pe nôk an ti.

HABAKUKA 2:18

Millim siam chop a siamtu’n a isin khan, imo inlâpna a inei hrang? Millim siam chop, milak irchutirtu ma mai a siamtu’n ama kut suak a iiam nôk hi, Millim chongtheiloi hong siam hi imo a’rfêna?

TÎRTÔNHAI SINTHO 17:29

Khanchu, Pathian irchihai ei ni’n chu, Pathian chu rângachak mani, sumin mani, lung mani, mihriam thiamthei le inkunga songhai ang mani hi niin ei ibe hrang ni mah.

TÎRTÔNHAI SINTHO 19:26

Khannisianlân, hi Paula sintho hi nangni khomin nin hmu, nin inhriat, Efesi khuaa vai khom ni loiin Asia ram pumpuia ti hrang dôrin hi mi hin, ‘kuta siam pathianhai hi pathian ni viat mahai,’ tiin mi tamtak an thêm inhnê zoi tâka.