HOSEA 8:13 - PATHIAN LEKHABU IRTHIANG C.L. Bible (BSI)

¹³ Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HOSEA 8:13 ပူးပေါင်းရင်းမြစ်များ

FESUAKNA 20:3

Keima ti no chu Pathian dang reng nei no roi.

FESUAKNA 32:34

Atûn hin fe’n lân, nang ki ihrilna hmuna khan ni mihai hi hruaihai roh. Ki vântirtônin nang a ihruai hrang a nih ti hi inhre mai ro, hi mihai an sual sika dûk ki ithohaina hrang nikhua khom anâi teng ta,” a tia.

THUVÂRHAI 21:27

Rengpa’n mi siahai irbôlna thilpêk chu a hnôla, a bîkin lungrîl sual irputa an hong inhlana ni’n chu a hnôl ual ngai.

ISAIA 1:11

Rengpa’n hiang hin a ti: “Nin irbôlnahai hi keima hrangin i ma nia? Nin belra pum hâlhai hi kin hnê theia, Sâ a mar nin irhlanhai hi nuam ma unga Sehrât, belra, le kêlchal thisenhai hi, lôm ual ma ung.

JEREMIA 14:10

Hi mihai chungthu hin Rengpa’n a ti, “Keima kuang ata rot hi an inuam a nia, khaang khan an bingin dan thei no ni. Khasikin an chunga ki milung a ichuk loi a ni. An thil tho’nsualhai chu inhre mai ki ta, an sual sikin anni chu dûk thohai ki ti,” a tia.

JEREMIA 6:20

Seba ram ata irthokin bero mirimhoihai mo, ram hlataka thil namhoitak an ni hong ichôi pehai hi, keima hrangin imo a hlutna om? An thilinhlanhai pom pehai no ninga, an irbôlnahai khom lôm ual no ning.

EZEKIELA 29:16

Israel khom changpuina zongin irhnêl ta ngai no nihai, Aigupta ngîrhmun siatzia khan Israelhaiin anni lei irhnêl kha a dik loizia inhriattir ni tah a ti. Khanchu Israela’n Rengpa Pathian chu ki nih ti inhre ta an ti,” a tia.

HOSEA 11:5

Khannisian an irlet nuam no sikin, Aigupta rama tîr nôk ki ti, Assuria kha an rêng ni a ti.

HOSEA 12:11

Gilead kha pualoina a ini loi ma ni? ite ni loi chian an ini kêng; Gilgal-a khan sehrâtchal an inhlan ngaia; a ni, an maichâmhai kha irnêng tuk irlet châng kuanga lung dêng khôm ang chian an ni.

HOSEA 4:9

a mipui a ochaiin hmunkhata hrem ni an ta, an lampuihai sika khan anni kha hremhai ki ta, an thil thohai thuan ki ti.

HOSEA 5:6

An belra pâlhai le an sehrât pâlhai le Rengpa zong hrangin fe an ta, khannisianlân ama kha chu hmu no nihai, anni ata a irkiang tâk a ni.

HOSEA 6:6

Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.

HOSEA 7:11

Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

HOSEA 7:16

An irheikîra, anchung taka kuang ni loiin; thal ngul mirûl ang an ni, an milianhai kha an chong per pur sikin, khandaiin tûk an ti. Hi hi Aigupta rama innuisan an inina ni a ti.

HOSEA 7:2

An sualna murdi kin hrât mai ti an milungin ngaitua mahai: atûn chu an thilthohai ngeiin a ngîm khak tâka. ki hmâi makunga an iom a ni.

HOSEA 9:6

Irngai roi, siatna zuang tung a ta, indarh an ta, Aigupta khan anni kha hong irkhôm ual a ta, Memfis khan lei phûm a ti; an tangkarua thil inditomhai kha kâng irkholin bôm a ta. An puan inhai khan hloi ilhlingnei om a ti.

HOSEA 9:7

Raifânna nikhuahai kha a zuang tunga, thuanna nikhuahai kha a zuang tung e; Israel khan kha kha inhria a ti. Ni tho’nchâina kha a tamin an roi irsâi loina an ipêtsanna kha a’rkhêl sikin, Deipu kha an vêta, irtha nei mi kha a invêt a ni.

HOSEA 9:9

Gibea khuaa om lai nikhuahai ang khan a sate’n anni kha an tho’nsuala. An pualoina kha inhre mai a ta, an sualnahai kha thuan a ti.

AMOSA 3:2

“Nangni vai hi rammuala sûngkua murdihai laia nangni ki inhriat nin nia; khasikin nin itho’nsualna murdihaia khan nangni hrem ki ti,” tiin.

AMOSA 5:22

A ni, nin hâlirvôm thilinhlan le nin bu inhlan, nin hlan khom unglân, pom no ning, nin sâ mar irngeina inhlanhai khom uksak ual no ning.

AMOSA 8:7

Rengpa khan, Jakoba roiinpuina sâlin khomâk a’rsâma, irlêkloiin an sintho rêng rêng irnghil viat no ning, tiin.

LUKA 12:2

Ite thupsua thei ni mah, an lang nôk zel ngai, ite inhriat loi hranga ip om mah, inhriat suak a ni nôk ngai.

1 KORINTH 11:20

Nin irbûm zoroa nin ifâk ngai kha Rengpa zânbu ni mah.

1 KORINTH 11:29

Bai fâktu le khilâta uain intu khan Rengpa takpum a nih ti an hriat no’n chu mâni chunga roirêlna tung hrangin a ifâkin a i-in a ni.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

DÂN INHNINA 28:68

Rengpa khan Aigupta rama irkuangin nangni tôl thâk a ta, nin ichum nôk hrang ni mah ti a ta; khannisian chum nin ta, nin râlhai la hrangin suakpa mani, suaknu hrang mani, zuar nin ta, khannisian, tûte’n nangni la nuam no nihai.

THUPHUANG 16:19

Kho roiinpui kha hmun thumin a hong koia, ram tina khopuihai a chim tâka. Babulon kho roiinpui kha Pathianin an hriat chiana, a ningmurna khilât kha an intir tâka.

1 SAMUELA 15:22

Samuela’n, “Rengpa khan thuzôm a inuam ang khan hâlirvôm thilinhlanhai le irbôlnahai hi a ilôm ngai ma ni? Irngai ro, irbôlna nêkin thuzôm hi a sa uala, kêlbelrachal satak nêkin, a thuzôm hi a sa ual a ni.