HOSEA 7:8 - PATHIAN LEKHABU IRTHIANG C.L. Bible (BSI)

⁸ Efraima lak kha, nam danghai laia ar zêl saa, Efraima kha bai irlet loi a ni.

HOSEA 7:8 ပူးပေါင်းရင်းမြစ်များ

1 RÊNGHAI 18:21

Elija chu mipui lai ata a ngîra, an kuang, “Sirirkain i dôr ten mo nin iom hrang? Rengpa hi Pathian nin iti a ni’n chu biak unglân, Baal nin biakin chu biak sabak roi,” a tia. Mipuihai chu an ngûi chit tâka.

EZRA 9:1

Khahai kha a’rzoiin chu, mi lianhaiin, “Israel mihai le ochaihai, Levi irchihai chu hitaka mihai leh hin ite danglamna boiin, Kanaan hai, Hit hai, Periz hai, Jebus hai, Amon hai, Moab hai, Aigupta hai, Amor hai sintho intirom an itho angin an thoa.

EZRA 9:12

Khasikin nin nâinuhai khom an rêng nâipasalhai irneitirhai ta no roi, nin nâinuhai khom an nâipasalin nei ta nohai sian, an raifânna le a hoi an itihna ite bê’n bê ta no unglân, nin hrât sikin, kha rama thil kha nin fâka, kumtuanga nin nâihai leh nin irdîn suak theina hrangin.

INPÂKNA HLAHAI 106:35

Nam tinhai chu an irpôlpuia, An sinthohai chu an irchu lika.

HOSEA 5:13

Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni.

HOSEA 5:7

Rengpa chunga vâr irlet takin an ichai a ni, nam dang nâihai an neia; tha thar khan an loihai le ileh irhmangna tung a ti.

HOSEA 7:9

Mikhualhai khan a hrâtna an fâk zoi pea, ama khan inhre ma: mul chuakin a bôm tuai tâka, ama khan inhre mah.

HOSEA 9:3

Rengpa rama khan lêng no nihaia, Efraima kha Aigupta tiang kîr lik a ta, Assuria rama bu irthiang loi nêk an ti.

ZEFANIA 1:5

In chung sîpa irvân tiang thilhai kuanga kûn ngaihai, Rengpa kuang khomâksâma Malkama sâla insam saa kûn ngaihai,

MALAKIA 2:11

Juda khan mi a huanga, Israel ram le Jerusalem khuaa, thil intirom tho a nia; Rengpa’n lung a ithung ngai hmun irthiang kha Juda khan a porinchetir tâka, Ram dang pathian nâinu a nei tâk a ni.

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.