HOSEA 7:14 - PATHIAN LEKHABU IRTHIANG C.L. Bible (BSI)

¹⁴ An lungrîl takin ni koi mahai, an zâlhmuna an ichiar hnem hnum a ni: bu le uain hrangin an inkhôma, ki chunga lak tehel an zonga.

HOSEA 7:14 ပူးပေါင်းရင်းမြစ်များ

FESUAKNA 32:6

Zînga chu irbôlnahai a hâl hrang le irngeina thilinhlan fa hrangin sahai an hong chôia. Mipuihai chu hruaithe fa hrangin an toi tâka, kha kha uain inrui inhnâi le taksa irzukna sinin an inchangtira.

ISAIA 29:13

Rengpa’n hiang hin a ti: “Hi mihai hin an bâi vaiin an ni nâia, an hmûr vaiin an ni chôiindôma, an lungrîl chu hlatak a ni. Mihriamhai thupêk ang ringota an ni insâp a ni.

ISAIA 52:5

Atûn hin imo ki iti ta hrang? Rengpa thusuakin a ti. Ki mihai chu Babulon-a man boiin suaka an hruaia, an chunga roirêltuhaiin en nuam loiin, ti hi Rengpa thusuak a ni. Sûn so sôt ki’rhming an insiat ngai a ni.

ISAIA 65:14

Ki siahlohai lungrîl lôm a ta, nangni chu lungrîlnain chiar mai nin ta, milungdûk tongin khêk nin ti.

JEREMIA 12:2

Anni chu ni phuna, irzung an thâka; an hor sôna, ra an hong neia. An chongbâiin nang an inpâka, an lungrîl rêkin chu nang an ihla vit a ni.

JEREMIA 3:10

Hihai zoia hin Israel zuarpuinu, iamom loi Juda chu tumna diktakin ki kuang hong kîr tum loiin tumna milak thoa hong kîr tumin,” keima Rengpa’n ki iti a ni ta.

CHAP HLA 2:18

O, Jerusalem ni banghai khan Rengpa koi ta ri sehai, a sûn a zânin ni mitrithi chu tuipui angin luang ri se. Mong viat loiin chap mai ta roh.

HOSEA 13:16

Samaria ram ata a Pathian chunga tehel a zonga, khandaia intûktirin om an ta, an nâitesenhai kha pai inthek zit ni an ta, an nupang, nâivong laihai kha kaithêr ni an ti.

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 13:9

O Israel, nangma changpuitu ni doi hi ni siatna a ni e.

HOSEA 3:1

Khan, Rengpa khan ki kuang, “Fe nôk tan lân, nupang, mi dang indit lai, uirenu kha lung va thung roh, Israel irchihai khan Pathian dang kuang tiang irheiin grephai irngaiinhlu khomsian, Rengpa’n lung nangni a ithung mai ang hin,” a tia.

HOSEA 8:2

Ki Pathian keini Israelhaiin chu nang kin inhriat, tiin ki kuang khêk an ti.

AMOSA 2:8

Maichâm omna kipa puan siakhôm chunga an zâl ngaia, an pathian ina khan mi an inchôitir manhai khan uain an in ngai a ni.

AMOSA 8:3

Rengpa Pathian thu suak khan, “Kha nikhuaa khan biak in hlahai kha lusûn hlaa chang a ta; mithi ruak tam a ta, hmun tina dâihrekin pai suak an ti,” a tia.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

ZAKARIA 7:5

“Hi rama mipuihai le ochaihai kuang hin hiang hin hril ro, kum sômsari sûng tha ringana le tha sarina bu an inghei hi keima ta hranga an inghei ni mah.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

FILIPI 3:19

Khahai mongna hrang chu siatna a ni, fâk hrang hi Pathiana an bêa, an inzakpui hrang thilhai kha an song uala, rammual thil ringot an ingaitua a ni.

JAKOBA toc2 JAKOBA 4:3

Nin zong khomin nin zong dik no sikin hmu mak chêi, inhoina’n hmang nin tuma.

JAKOBA toc2 JAKOBA 5:1

Nangni mi irchonghaio, irngai u ta, nin chunga intak zuang tung hrang sikin chap unglân, khêkhroi ta roi.

ROIRÊLTUHAI 9:27

Khanchu, loihaia an fea, grep rahai an irhmala, kût an hmanga, an pathian ina an lûta, an fâkin an ina, Abimeleka chu khua an sâla.