HOSEA 7:13 - PATHIAN LEKHABU IRTHIANG C.L. Bible (BSI)

¹³ An chung a rik e! ki kuanga irthokin an fe irhmang tâka, irhmangna an chunga a tung e! ki chunga tehel an zong tâka, keima’n chu ki saninhring nuama, anni rêkin chu milak an ni tho khuma.

HOSEA 7:13 ပူးပေါင်းရင်းမြစ်များ

NEHEMIA 1:10

“Khan hihai hi ni siahlohai le ni mihai, ni sintho theina irkhêltak le kut hrât taka ni irtansuakhai an nia.

JOBA 22:17

Pathian kuanga khan, “Ni masan ro, Itinrêngthotheiin imo a ni ilo hrang?” tituhai chu.

INPÂKNA HLAHAI 106:10

Anni khôkmâktuhai kut ata a sansuak tâka; An râlhai irchamneina ata a sansuakhai tâka.

ISAIA 30:1

Rengpa thusuakin hiang hin a ti: “Tehelzong nuam nâihai hi chu na! ki inuam loi lamin sin an thoa, keima thu ni loiin an chonga an sual chunga sualna an irbel zoi ta.

ISAIA 30:2

Ni’rdon loiin Aigupta rama an fea, Faroa chu an zôkna hrangin an delnghaa, Aigupta lômna irfûkin an fea, mualphoi irla an ti.

ISAIA 31:1

Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

ISAIA 43:1

Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.

ISAIA 59:13

Rengpa hnôlin kin nuarsana, kin Pathian irnghilin, thu chanlamboiin tehel kin zong pea, irphialna zongin minlak kin thoa.

ISAIA 63:8

“Ki mihai an nia, ni huang viat no nihai,” Rengpa’n a ti. “An hrangin mi’ndamtu a chang tâka.

JEREMIA 14:10

Hi mihai chungthu hin Rengpa’n a ti, “Keima kuang ata rot hi an inuam a nia, khaang khan an bingin dan thei no ni. Khasikin an chunga ki milung a ichuk loi a ni. An thil tho’nsualhai chu inhre mai ki ta, an sual sikin anni chu dûk thohai ki ti,” a tia.

JEREMIA 42:20

Thipui thei rak hranga sualna lian nin itho a ni ta. Nin ta hrangin Rengpa ei Pathian kuang chongchai hrangin chong nin inkung a ni.

JEREMIA 51:9

Ram dang mi khataka omhaiin, ‘Babulon ram chu changpui hrang ei nuama, khannisian an hnung hrai tâk. Tho ama chu masan ei ta, in sûng tiang lei fe ta rei. Pathianin ar nakhrât murdi’n Babulon chu a insiatchit a ni tâk hi,’ ti an ti,” a tia.

JEREMIA 7:15

Nin sûngsuak Israelhai ki inhnotsuak ang takin ki mithmu ata nangni inhnotsuak ki ti,” keima Rengpa’n ki iti a ni.

CHAP HLA 5:16

Ki lu ata rênglukhum a tâka; kin chung a rik, kin lei tho insual tâka.

EZEKIELA 16:23

Khan, hi ni sualna murdi hnunga khom, hi hi a hong nia, (ni chung a rik e! a rik e! Rengpa pathian khan a ti).

EZEKIELA 18:2

“Israel ram chungchânga hi thuvâr tôi an ihmang, pahaiin grep thûr an fâka, an nâihai ha a kim, ti hi itina mo a ini?

EZEKIELA 18:25

Khannisian, Rengpa sintho dân hi dik ma, nin ti ngaia. Israel insûngkuahaio, irngai roi, ki tho dân a idik loi mo? nin sintho dân hi a idik loi mo ni ma?

EZEKIELA 34:6

Khasikin belrahai chu tâng irsânghai le mualhaia an lêng indara, irnêng chung murdia hin irthekindarin an oma, tukhomin anni chu enin zongsuak khom tum mahai.

HOSEA 11:12

Efraima khan milak thu’n a nir hual vêla, Israel sûnghai khan huangna’n; Juda khomin Pathian tiang ngaisak maka, mi irthiang chunga khan iam a iom loi a ni.

HOSEA 11:2

Ki koi lia an ni hla liaa, Baalhai kuang an irbôl uala, Millim siam chophai kuang mirimhoi an ihâl a ni.

HOSEA 5:7

Rengpa chunga vâr irlet takin an ichai a ni, nam dang nâihai an neia; tha thar khan an loihai le ileh irhmangna tung a ti.

HOSEA 7:1

Israel indam ki tumin Efraima sualna a hong inlanga, Samari sualna le huang an uara, sûng tiang inru a hong lûta, pên tiang hrâtlâksong pâlin an roka.

HOSEA 7:3

An sualna’n inlaltak an lômtira, an milak thu khan mi lianhai an lômtira.

HOSEA 9:12

An nâihai puihling khomhai sian pasal reng om loi hrangin insûntir ngêt ki ti. A ni, anni kha ki’rheisan tika chu, an chung kha rik ual a ti.

HOSEA 9:17

Ki Pathian khan anni kha pai irhmang a ti, ama an uksak no sikin. Khanchu, nam danghai laia chaninvâiin om an ti.

JONA 1:10

Khan, mihai khan an chi tak taka, a kuanga khan, “Khante, imo ni itho tâk”? an tia; a hril tâk sikin, mihai khan Rengpa makung ata a irot irhmang a nih ti an inhriat tâka.

JONA 1:3

Khannisianlân, Jona kha Rengpa makung ata Tarsis-a a rot hrangin a thoi tâka; khan, Jopa khuaa a zu fea, Tarsis pan hrang irkuang a hmua: khanchu, a fena man a pêka, Rengpa makung ata kha Tarsis pan hranghai leh fe hrangin irkuanga khan a lût tâka.

MIKA 6:12

khataka mi irchonghai kha manêpnain an sipa, khataka omhai khan milak an thoa, an bâi sûnga an milei kha huangna’n an ihmang a ni.

MIKA 6:4

Aigupta ram ata kha nangni ki hruai suaka, suak ata nangni ki’rtansuaka; nin mân tiang Mosia, Arona-hai le Miriami hai ki zuang itîr kha.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

DÂN INHNINA 15:15

Aigupta rama khan suak nin nih ti kha inhre mai roi; Rengpa nin Pathianin suak nangni a insua a ni.

1 JOHANA 1:10

Thilsual tho ma ung ei ti’n chu, Ama kha milak ei inchangtira, a thu khom ei nia a iom loi a ni.

THUPHUANG 8:13

Khan, ki hong ena, irmupui vânlaizôla vuangin hnukirhai inring takin, “Vântîrtôn inthumhai bekul la tum hranga irhai hong om hrang sika khan irnênga omhai chung a rik e! a rik e! a rik e! a ti kin hriata.