HOSEA 7:11 - PATHIAN LEKHABU IRTHIANG C.L. Bible (BSI)

¹¹ Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

HOSEA 7:11 ပူးပေါင်းရင်းမြစ်များ

2 RÊNGHAI 15:19

Reng Tiglat Pilesera’n Israel ram a doia, Menahema’n tangka sumru her sîngthum sângminli a lei pêka, ni nuampui a tih iti sabeiin.

2 RÊNGHAI 16:7

Ahaza’n Assuria rêng Tiglat Pilesera kuang palai a tîra, “Ni siahlo, ni nâi ki ni, Suria rêng le Israel rêngin an ni doia, khasikin anni kut ata hi ni sansuak ta ro,” a tia.

THUVÂRHAI 15:32

Irchûna nuam loi chu mâni irhmusit a nia, irchutirna pom rêk chu hong vâr a ti.

THUVÂRHAI 17:16

Intô thiamna neina hranga sum inthâm hi ite ar fêna om ma, mânia inhriatna a nei no sikin.

THUVÂRHAI 6:32

Mi dôngma irchûpuitu chu inhriatna nei ma. Ama le ama a insiat a nih ti inhre suak ngai mah.

JEREMIA 2:18

Aigupta rama fein imo ni isapuina hrang ni ihmua, ni isabei tui in hrangin ma ni? Assuria fe’n imo ni isapui ual hranga ni irtûng, Eufrates-a irthoka tui in hrangin mo?

JEREMIA 2:36

Nam dang pathianhai tiang ni’rnghat tâk sikin, ni hlutna ni inboitir ok a ni ta. Assuria ni’rhnêla nin imualinphoi ang khan. Aigupta chunga ni’rnghat khomin mualinphoi nôk ni ti.

HOSEA 11:11

Aigupta irthokin chongzong angin, Assuria irthok khan vasu angin mitha zâp lop lopin hong an ti: khan, an in lum inluatir ki ta, ti hi Rengpa thusuak a ni.

HOSEA 12:1

Efraima khan phâivua a iama, nisua phâivua khan a zui ngaia; milak thu le irsen indarna thu an pungtir sit sita, Assuria leh thu an inkunga, Aigupta tiang khan hriak a pêl lûta.

HOSEA 12:2

Rengpa khan Juda chunga khom hnôlna hrang a nei saa, Jakoba chu a omdân zia ang dênin hrem a ti; a thiltho ang zia dênin thuanin.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 4:11

Notizuarhai, uainhai, uain tharhai khan, milung a lâkpai ngai.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HOSEA 5:13

Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni.

HOSEA 5:4

An Pathian tiang irheitir hrangin, an thilthohai kha masan mahaia, notizuar lungrîl an laia a iom a ni, Rengpa kha an inhriat thei loi a ni.

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

HOSEA 9:3

Rengpa rama khan lêng no nihaia, Efraima kha Aigupta tiang kîr lik a ta, Assuria rama bu irthiang loi nêk an ti.

HOSEA 9:6

Irngai roi, siatna zuang tung a ta, indarh an ta, Aigupta khan anni kha hong irkhôm ual a ta, Memfis khan lei phûm a ti; an tangkarua thil inditomhai kha kâng irkholin bôm a ta. An puan inhai khan hloi ilhlingnei om a ti.

OBADIA 1:7

Nangma tianga kophai murdi’n ramri dênin nang an hong intunga; mi irngei taka ni iompuihai khan nang an hmanga, nang an inhnê tâk a ni! ni bai fâktuhai khan ni hnuaia châng an kama; amaa khan inhriat thiamna zel a iom loi a ni.

MATHAIA 10:16

“Irngai u ta! Inê kâra belra lût angin nangni ki itîr a ni. Mirûl anga vârin, vasu anga nunirnêmin om roi.