HOSEA 5:15 - PATHIAN LEKHABU IRTHIANG C.L. Bible (BSI)

¹⁵ An thiam loina an irhriata, ki hmêl an zong mâka chu, fe ki ta, ki hmun tiang kîr ki ta, an tuangna khan ni zong an ta, hiang hin ti an ti.

HOSEA 5:15 ပူးပေါင်းရင်းမြစ်များ

ISAIA 26:16

Rengpa hi an chardong zoro’n nang an pana, anni chu ni hrema, khannisian anni’n nang an koi mai ngaia.

INPÂKNA HLAHAI 78:34

A thathai rikipin ama an zong ngaia. An kîr nôka, zîng taka Pathian an zong ngaia.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 2:27

Thing chu nin pa a nia, lung chu nin nu a ni, nangni a tituhai nin rêngin nin hmâimôk a ti.

LUKA 13:25

In neitupa a thoia mikot a kal tâkin chu, nangni’n pên tiang ngîrin, ‘Ka pu, mikot nin hong roh,’ tiin van tôk khom unglân ama khan, ‘Kho tianga mi mo nin ini nangni inhre ma ung,’ tiin nangni lei sâm a ti.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

EZEKIELA 36:31

Nin omdân pualoihai le nin sin siat thohai kha inhre suak nin ta, khanchu nin porinchenahai le nin sualnahai sikin nin mithmu ngêta khan nin bingin irtir irhlôm nin ti.

EZEKIELA 6:9

Nin laia khaanga thi loihai chu sala man ni an ta, ram tina hruai indarh zit an ti. Nam dang laia an irthekindarh hnunga chu nin hresuak an ti, an millim tianga a ni irheisanna ki insiat penahai kha inhriat an ti, khan an thil porinche tho insual murdi, an mâni mithmu ngêta an lei itho tâk thua khan intirom an ti.

ISAIA 26:9

Zân a hong ni’n, nang kin nang ual uala, a ni ki’rtha hin nang a irzuk a ni, irnêng chunga ni roirêl hrang hi, a sûnga omhaiin roirêlna dik inhre ta an ti.

MIKA 1:3

Irngai u ta, Rengpa kha a hmun ata zuang suakin zuang chum a ta, irnêng hmun irsânghai kha a ichîl hrang a ni.

HOSEA 5:6

An belra pâlhai le an sehrât pâlhai le Rengpa zong hrangin fe an ta, khannisianlân ama kha chu hmu no nihai, anni ata a irkiang tâk a ni.

EZEKIELA 20:43

Khataka khan nin omdânhai le nin sinthohai, nin thil tho porinchena murdihai chu inhresuak ta nin ti; khanchu nin thil tho insual murdihai sikin nangni mithmu ngeia nangni le nangni chu irtheimâk irhlôm ta nin ti.

EZEKIELA 11:23

Khan, Rengpa roiinpuina chu khopui lai rengata a hong suaka, khopui nisua tiang sîra om, tâng chunga khan a hong ngîr tâka.

EZEKIELA 10:4

Khan, cherubhai rengata Rengpa roiinpuina chu a hong suaka; biak in mikot bula khan a ngîr tâka, in chu sûmin a sipa, tuallai chu Rengpa roiinpuina vâr khan a hong sip tâka.

EZEKIELA 8:6

Ama’n ki kuang, “Mihriam nâipa, an sintho hi ni hmu mo? Israel in sûngkuahaiin thil porinche liantak tak an itho hi ni hmu mo? ki hmun irthiang rengata hlataka ki fe irhmang pat theina hrangin. Hi nêka thil porinche ual la hmu nôk zêl ni ti,” a tia.

ISAIA 26:21

A omna irvân ata Rengpa chu zuang a ta. an sual sikin hnuai mihriamhai hremhai a ti. Inrûka mi thathai irphuang an ta, an ruakhai khom pil irkhu zoi ta no nihai.

INPÂKNA HLAHAI 132:14

Hi hi kumkhuaa ki omna hrang hmun a nia; Hi hin om mai ki ta, ki nuam lam tak a ni.

INPÂKNA HLAHAI 83:16

O Rengpa, nir hming an zong theina hrangin, An hmêl chu inzakna’n insip roh.

JOBA 33:27

“Thil dik tho loiin thil dik loi ki lei tho ta hi te, Khannisian, ki irphu angin chu la tuang ma ung,” ti’n vântâng laia hla sak a ti.

2 THURCHI SUINA 7:14

ki’rhming irputin ki mihai thuhnuairôl taka ki kuang an hong chongchaia, an ni hong pana, an sualna ata an irleta irvân ata len hria ki ta, an sualnahai ngaidamhai ki ta, an ramhai khom indingpuihai ki ti.

THUVÂRHAI 8:17

Lung ni thunghai ka chu lung ki thunga; Takirtâi taka ni zongtuhai khan ni hmu thei an ti.

ROIRÊLTUHAI 4:3

Jabina’n thîr sakortali irzakuak a neia, kum sômhni sûng chu Israelhai deng an theitirhai tak taka, Israelhaiin Rengpa an koia.

IRPHUTNA 42:21

Khanchu an sangpa chunga an sinsiat tho kha an inhriat suaka, “Lungkham taka sansuak hrangin a ni ngên tih ei inhriat khoma ei idonsui loihai kha, khasikin kêng eini khom hianga thil ei itong a ni ta,” an irtia.

NAMBAR 21:7

Khanchu mipuihai kha Mosia kuang an fea, “Rengpa le nangma doia kin lei iom hi kin lei itho’nsual a ni ta, kin laia mirûlhai hi nin boi pe hrangin Rengpa kuang chongchai ro,” an tia. Khanchu mipuihai hrangin Mosia’n a chongchai pehaia.

ISAIA 18:4

Rengpa’n hiang hin ki kuang a ti, “Om chian unglân, ki omna hin thîr mai ki ti; kholum laia sûm a irthiang ang hin, bu ât zoroa irdo sûmmizun ang hin”, tiin.

JEREMIA 3:14

Iamom loi mihai hong kîr roi, ki nuchahai kêng nin ni, khopui tina irthokin inkhat lua, nam tina irthokin inhni lua nangni inthang suak ki ta, Zion tânga nangni hruai intung ki ti.

INPÂKNA HLAHAI 107:6

Kha zoi le an buainaa khan Rengpa kha an insama, Ama khan an lunginzîngnahaia a saninzôka.

INPÂKNA HLAHAI 107:13

Kha zoi le an buainaa khan Rengpa kha an insama, Ama khan an lunginzîngnahai ata a saninhringa.

INPÂKNA HLAHAI 107:19

Khanchu an buainaa khan Rengpa kha an insama, Ama khan an lungzîngnahaia khan a saninhring ngai.

INPÂKNA HLAHAI 107:28

Kha zoi le an buaina khan Rengpa kha an insama, Ama khan an lungzîngnahai ata a hruai suak ngai.

CHAP HLA 3:40

Ei omdân hi sûtin ir-enfel ei ta, Rengpa tiang kîr ei ti.