HOSEA 4:7 - PATHIAN LEKHABU IRTHIANG C.L. Bible (BSI)

⁷ An hong rikip le ki chunga an sual sit sit saa, an roiinpuina kha mualinphoinaa inchangtir ki ti.

HOSEA 4:7 ပူးပေါင်းရင်းမြစ်များ

EZRA 9:7

Kin pi le puhai ata atûn ten hin theiloi kin ichang zoi a ni; kin inchâinahai sikin kin rênghai le kin ochaihai le ram danga rêng an ichela, khandaia thathai, sala intânghai, inrûknahai kin tonga, a vuanhaia kin iom ang hin.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.

HOSEA 10:6

Ama ngêt khom kha inlaltak Jareba kuanga pêk hrangin Assuria rama rotpui ni a ti. Efraima khan inzakna hmu a ta, Israel khan ama thu’nkung ngêt kha inzakpui a ti.

HOSEA 13:14

Seol kut ata anni kha ki irtan hrang ma ni? Thina ata ki isansuak hrang ma ni? O thina, ni hripuihai kha khôn mo a iom? O sual, ni thân kha khôn mo om? lung nang inkham viat no ning, irlet khomsian uksak no ning.

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 4:10

Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.

HOSEA 5:1

O nangni, ochaihaio, hi hi inhre unglân, nangni Israel sûngkuahaio, irngai unglân, o inlaltak sûngkuahaio, mikuar sung roi, roirêlna kha nin ta hrangin a nia; Mizpa châng le Tabor tânga lên inzar nin ni sikin.

HOSEA 6:9

Hrâtlâksong pâlin mi an irdîp ngai angin ochai pôlhai khan Sekem lampuia mi an that ngai a ni, thil sual an tho tâk a ni.

HOSEA 9:11

Efraima lak kha, a roiinpuina kha vâ angin vuangpat a ta. Nâi neihai, nâi vonghai, inrâihai om no nihai.

HABAKUKA 2:16

Roiinpuina hranga inzaknaa sip ni ni tâka, Nang khomin inin lân, silkai boiin om sa chian ro; Rengpa kut chang tiang khilât kha ni kuang zuang irlet a ta, Ni roiinpuina chunga porinche inzakna intirom kha om a ti.

MALAKIA 2:9

Khasikin kei khomin, ki lampui chu tukhomin a hro om mak chêia, Dân thua mi theibîk nin inei ang zêlin, mi murdi makunga hmusitom le irhniamin nangni siam ki ti.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

FILIPI 3:19

Khahai mongna hrang chu siatna a ni, fâk hrang hi Pathiana an bêa, an inzakpui hrang thilhai kha an song uala, rammual thil ringot an ingaitua a ni.

1 SAMUELA 2:30

Khasikin keima Rengpa Israelhai Pathian hin ni in sûngkuahai le ni pa sûngkuahai kha kumtuanga ki ochai changin ki makunga om mai nin ti, tiin ki len kunga. Khannisianlân atûn chu om viat ta no chin nih ki iti a ni. Ni chôiirsângtuhai chu chôiirsâng ki ta, a ni hmusithai chu hnuaisiahai ki ti.