HOSEA 4:6 - PATHIAN LEKHABU IRTHIANG C.L. Bible (BSI)

⁶ Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HOSEA 4:6 ပူးပေါင်းရင်းမြစ်များ

2 THURCHI SUINA 15:3

Israelhaiin chu Pathian tak biak loiin zoro sôttak an oma, ar chutir hrang ochai khom nei mahaia, dân khom inhre mahai.

JOBA 36:12

An irngai no’n chu khandaia that ni an ti, Tûte hmêlhriat nei loiin thi an ti.

INPÂKNA HLAHAI 119:139

Ki sathnem irngaina hin a ni fâk zoi ta, A ni doituhaiin ni dân mahrip an tho no sikin.

INPÂKNA HLAHAI 119:153

Ki dengtheizia hi enin lân, ni saninzôk ro, Ni dân chu ki’rnghil ngai no sikin.

INPÂKNA HLAHAI 119:61

Mi siahai chângin nir kul khomsian, Ni dân chu irnghil ngai ma ung.

INPÂKNA HLAHAI 18:27

Intak tuang mihai chu ni isaninhring hrang a nia; Mi lârirpâkhai chu irhniamtir ni ti.

THUVÂRHAI 10:21

Mi sa chonghai khan mi tamtak a siam insatir ngaia, invêtna rêkin chu mâni thina an tungtir ngai.

THUVÂRHAI 19:2

Inhriatna boia nuamna ringot khom hi sa ma; milung inrang hrai mi chu buaina a tong ngai.

ISAIA 1:3

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

ISAIA 17:10

Nangni saninhringtu Pathian nin irnghila, nin zôkna lungpui chu inhre nuam loiin. Enhoi takin irhuan nin sinhaia, nam dang pathian biak nin uara,

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 28:7

Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 29:12

Lekha tep thei loi kuanga, hong tep zâm hi ro, an hong ti lakin, lekha tep thei ngai ma ung, a lei ti ngaia.

ISAIA 3:12

Ki mihai hrungtu chu nâipang an nia, nupanghaiin an chunga roi an rêla; an ihruai irhmangtir a ni, fena hrang lampui inhre loiin, nin ibuai a ni ta.

ISAIA 45:20

Siatna ata zôkhai, nam tinrênghaio, Hong unglân, hong irbuk roi, tûte châng thei ngai loi thingtum millim, pathiana biakhai hin ite thil inhriatna nei mahai.

ISAIA 5:13

Ki mihaiin an inhriat nuam no sikin, sala intâng ngêt an ti. An milianhai phîngchâmin thi an ta, mipui vântânghai khom tui inhrâlin thi an ti.

JEREMIA 2:8

Ochaihaiin Rengpa kha kho tiang mo a iom? Chong irdon siam loiin, ki ochaihaiin an ni inhriat loi a ni. Roirêltuhai ki chunga tehel an zonga; deipuhaiin Baal irhmingin thu an inpuanga, Hlutna nei loi millim chubai an imûk a ni.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

JEREMIA 5:21

Nangni mi’ntohai le inhriatthiamna nei loihai, hi hi irngai roi, mit neia hmu thei loi, mikuar nei chaka inhre thei loihai.

EZEKIELA 44:23

Ochaihai khan ki mipuihai chu thil irthiang le irthiang loi danglam dânhai le Pathian dâna irthianghai le irthiang loihai chu irchutir an ti.

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

HOSEA 4:1

Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei.

HOSEA 4:12

Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka.

HOSEA 4:14

Nin nâinuhaiin noti an zuara, nin moihai an uire’n hrem no ning: anni ngei khom notizuarhai le an bingin an fe sikin. Notizuarhai leh hmunkhatin irbôl suama; inhre thiam loi mipuihai kha tûk siat an ti.

HOSEA 5:4

An Pathian tiang irheitir hrangin, an thilthohai kha masan mahaia, notizuar lungrîl an laia a iom a ni, Rengpa kha an inhriat thei loi a ni.

HOSEA 6:6

Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.

HOSEA 7:11

Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

HOSEA 7:9

Mikhualhai khan a hrâtna an fâk zoi pea, ama khan inhre ma: mul chuakin a bôm tuai tâka, ama khan inhre mah.

HOSEA 8:1

Bekul kha ni hmûra irsuntir ro, Rengpa sûngkuahai chunga irmupui angin a zuang e, ki thuthung an tho’nchâia, ki dân an lôipai sikin.

HOSEA 8:12

Ki dân chu ki’rziak pe tu tuaia, khannisian thil dangin an ibe a ni.

HOSEA 8:14

Israel khan a siamtu a’rnghil paia, in roiinpuihai a sina; Juda khan khopui kulhai an pungtira, khannisian a khopuihaia khan mei tîr ki ta, a in roiinpuihai kâng zoi a ti.

HOSEA 9:17

Ki Pathian khan anni kha pai irhmang a ti, ama an uksak no sikin. Khanchu, nam danghai laia chaninvâiin om an ti.

MATHAIA 1:6

Jesaia’n rêng Davida a nei. Davida’n Uria dôngma ata Solomona a neia.

MATHAIA 15:14

An chungchânga nin milung inbuai no roi! Anni kha mitchohai hruaitu mitcho an nia; mitcho khan mitcho dên a hruaiin chu an ruaiin khurpadopa tâk an ti,” tiin a sâma.

MATHAIA 15:8

‘Hi mihai hin an bâiin an nin pâka, Khannisian, an lungrîlin chu an ni hla.

1 SAMUELA 2:12

Elia nâipasalhai kha mi chanlamboi an nia, Rengpa khom mahrip tho loi