HOSEA 4:18 - PATHIAN LEKHABU IRTHIANG C.L. Bible (BSI)

¹⁸ An zu in kha an chîna, nôtizuara an irsiama, an roiinpuina nêkin inzakpuiom kha an irngaiinhlu uala.

HOSEA 4:18 ပူးပေါင်းရင်းမြစ်များ

IRPHUTNA 38:24

Khanchu tha thum zoia chu mihaiin Juda kha, “Ni moinu Tamari khan pasal a zonga, khakhêla pa irdang loiin nâi a vong,” tiin an hrila; khanchu Juda’n, “Hruaisuak unglân hâl thatpai roi,” a tia.

INPÂKNA HLAHAI 47:9

Abrahama Pathian mihai ni hrangin, Mi tin laia mi lianhai chu an om khôma: Irnêng phôhai chu Pathian ta a nia; Ama chu a satêna chôiindômin a om.

FESUAKNA 23:8

Inthâmna rêng rêng ni ilâk hrang ni ma; inthâmna hin thil dika irthokin mit an chotir ngai. Tho’nchâina nei mihai chu chanlamboiin a siam ngai.

JEREMIA 2:21

A chi diktak, grep ra sa zât angin nang ki phuna, khan en ro, imo ni hong ichang tâk? A thua hmanghmunboi grep hrui angin kêng ni om ta.

EZEKIELA 16:15

“Khannisian ni hmêl satna chu ni’riampui hraia, ni’rhming inthangna sika khan ni hura, notizuara ni hong om tâka, mi tukhom ni kuanga hong tâk murdihai chunga khan ni hrâtna chu ni phala; ama ta ni inih tâk a ni.

HOSEA 4:10

Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.

HOSEA 4:2

Khomâksâm, irhuang, irthat, inrûk, uire uarhai a punga, thisen kha thisenin a zui mai.

HOSEA 9:10

Israel kha ramchâra grep ra ang maiin ki hmua. Nin pahai kha theipui, zoro masaa a ihmin masa angin ki hmu; khannisian anni kha peor tânga Baal chu an pana, thil inzakom taka khan an irpumpêk tâka, an irngaiinhlu tak millimhai ang dên khan an iporinche a ni.

AMOSA 5:12

Nin sualnahai a tamzia le nin sualnahai a’rkhêlzia kin hriata; mi felhai dengintheitira, fâkinrûkna lâka, kul mikota mi irsamhai dongtum ngei khom pêk phal loihai.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 7:3

thil saloi thôna hrangin an kut kha a theithiama, hruaituhaiin inphût an neia, roirêltuhaiin fâkinrûkna an ngêna, mi lianhaiin an inuam tak sual an hrila, an inthurual irhlôm a ni.

DÂN INHNINA 16:19

Dik takin roirêl an ta, thiarthâk an inei hrang ni ma, fâkinrûkna hin mi vârhai mit an chotir ngaia, mi dikhai chungthu khom dik loi takin a rêl ngai.

1 SAMUELA 8:3

Khannisianlân, anni khan an pa omdân zui loiin, sum le puan tiang an huatirhama, khasikin fâk inrûkhai an hmanga, dik loi takin roi an rêl ngaia.