HOSEA 4:16 - PATHIAN LEKHABU IRTHIANG C.L. Bible (BSI)

¹⁶ Sehrât irla tukullian ang dênin Israelhai chu an tukul a liana; atûn chu Rengpa’n belrate angin sûla infa thei ning mo?

HOSEA 4:16 ပူးပေါင်းရင်းမြစ်များ

INPÂKNA HLAHAI 78:8

Le, an irchibulhai anga, Irlo tukullian le tehelzong; Irlo milung siam indik loi, Pathian ata lungrîl iamom hong irput an om loina hrangin.

ISAIA 22:18

Bôl angin nang hrût a ta, ram lianna taka nang dêngzuan a ti; kha khan ni isongtak ni tâli kôla thi ni ta, ni puhai inzak an irhmu ok hrang a ni.

ISAIA 30:23

Loia nin chimûhai chu rua inphâtir a ta, a ra satakin hong tam a ti.

ISAIA 5:17

Khanchu an lêngna hmuna belrahai an irhmang ngai angin, hmun ramna hmuna sûlhai chu kêlin fa an ti.

JEREMIA 14:7

Ki mihai keima tiang an khêka, ‘Kin sualna’n mualphoi ni sak khomsian, Rengpa ni chonginkung angin ni changpui ro, voi tamtak ni kuang ata kin rot tâka. Ni chunga kin isual a ni ta.

JEREMIA 3:11

Rengpa’n a hrila, “Israela’n ama hnung song ta sian khom, iamom loi Juda nêkin chu a sa ual iti a inlangtir a ni,” tiin.

JEREMIA 3:6

Josia rêng chang laiin Rengpa’n ki kuang, “Nupang iamom loi Israel sintho kha ni lei hmu mo? Ki kuang ata tâng irsâng tui chunga le thing hring kung hnuaihai khan notizuar sin ni itho ngai a ni.

JEREMIA 3:8

Kha Juda khom khan notizuar a chang tâk sika khan Israel kha ki mâka, ki irzûl dân kha a hmua. Khan, Israel zuarpuinu iamom loi Juda khan ki zui ngai chu ti maka. Ama kha notizuarin ar siama,

JEREMIA 31:18

Efraima inhrûm irhâi chu kin hriat maia, ‘Nangin sehrâtilla la sep ngai loi angin ni ni sepa, ni ni irchutir tâk hi. Ni’rheikîrtirin lân, hong kîr ki ta ni hruai roh. Nang chu ki Pathian Rengpa chu ni nia.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

JEREMIA 7:24

Khannisianlân zôm nuam loiin uksak ta maka. Kha nêkin an lungrîl insêtin tho loi hrang ti an tho nuam ual tâka, sa ual nêkin an isiat ual tâk a ni.

JEREMIA 8:5

Khaang khan a ni ngânin te, o ki mihai itho mo hong kîr ta loiin hnung nin ni isongsan mai tâk hi? Nin millim nin intûk mai tâka, keima tiang hong kîr nuam ta mak chêia.

HOSEA 10:11

Khan, Efraima kha sehrât irla irchûtir tâk, bu chîl irzuk tâk a nia; khannisian keima ngêtin a ring enhoi taka khan ringkol irbuntir ta ki ta, Efraima chunga mi inchuangtir ki ta, Juda khom khan irnêng choiirlet a ta, Jakoba khan a’rnêng tanghai kha indartir zit a ti.

HOSEA 11:6

A khopuihai khan khandai irlektir a ta, a kulhai kha ar hmangtira, inboipai a ta, anni thu lei irdon sik ngêtin.

HOSEA 11:7

Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.

LEVI DÂN 26:33

Irdoina hong tung a ta, nam dang rama nangni hruai indarh an ta, nin khopuihai kha chim remrum a ti.

ZAKARIA 7:11

Khannisian mihaiin chu an tukullian insua’n, irngai nuam loiin an oma; an milunghai khâr khapin,

1 SAMUELA 15:11

“Saula rêng ki lei inchang hi chu ki irsîr a ni; hnung a ni songsana, ki thupêkhai zôm maka,” a tia. Samuela chu a ning an mur pea, zân khovârin Rengpa an sama.