HOSEA 4:13 - PATHIAN LEKHABU IRTHIANG C.L. Bible (BSI)

¹³ Tâng sîphaia khan an irbôla, mualhaia khan mirimhoi an hâla, thing sesua le bero le tarpin thing hnuaihai khan a raifân a hoi sikin. Khasikin nin nâinuhai khan notizuar an uara, nin moihaiin uire an iuar a ni.

HOSEA 4:13 ပူးပေါင်းရင်းမြစ်များ

2 RÊNGHAI 17:7

Israelhaiin an Pathian Rengpa rengata thilsual an tho sikin, Samari khua chu a isiat a ni ta. Aigupta rêng kut ata a sensuaka, Aigupta rengata a hruai suaka; khannisian, pathian dang an biaksan ta.

2 RÊNGHAI 23:7

Tempila notizuarhai omna, Aseri biakna hranga, nuhaiin puan an ikhôngna hmun khom a set pehaia.

ISAIA 1:29

Sesua thinga siam Biak In khârnahai kha lan zak nin ti, Irhuan ser nin isiamhai khom inzakpui nin ta,

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

ISAIA 57:7

Tâng irsângna haia zâlsuam theina, zâlhmun nin doa, kha khan nin irbôl ngaia.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 3:6

Josia rêng chang laiin Rengpa’n ki kuang, “Nupang iamom loi Israel sintho kha ni lei hmu mo? Ki kuang ata tâng irsâng tui chunga le thing hring kung hnuaihai khan notizuar sin ni itho ngai a ni.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

EZEKIELA 16:16

Ni puan silhai chu ni khekin, irbôl hmunhai chu ze dang dangin ni’rvôtira; a chunga khan notizuarna thil chu ni tho tâka, khaang rêng rêng kha la ni ngai mah.

EZEKIELA 16:25

Lampui lian tina hmun inlârhai chu ni siama, ni satna chu intiromnaa ni siama, mi a hong murdi kuanga ni râi a fâna, ni hurna chu nin langtir ual tâka.

EZEKIELA 6:13

Khan, tâng irsânghai, tâng sîp murdia hai le thing hring tin hnuaia le seso thing buk tin hnuaia an millimhai kuanga mirimhoi an inhlanna hmuna, an maichâm vêla an millimhai bula an mithi ruakhai a om tika chu kei hi Rengpa ki nih ti inhriat an ti.

HOSEA 10:8

Israel sualna Aven hmun irsânghai khom kha insiat ni a ta. An maichâmhai khan sûl le hloi ilhlingnei hong mông a ta; tâng kuanga khan, nir khû roh, ti an ta, mual kuanga khan, ni del roh ti an ti.

HOSEA 11:2

Ki koi lia an ni hla liaa, Baalhai kuang an irbôl uala, Millim siam chophai kuang mirimhoi an ihâl a ni.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

AMOSA 7:17

Khasikin Rengpa khan hiang hin, ‘Ni dôngma kha khopuia notizuar ni a ta, ni nâipahai, ni nâinuhai kha khandaiin tûk an ta, ni ram kha irkhîna hruiin sem an ta; khan, nangma ngei kha ram irthiang loi sûnga khan thi ni ta, irlêkloiin Israel kha a ram ata sala hruai irhmang a ta,’ a ti,” tiin a sâma.