HOSEA 4:12 - PATHIAN LEKHABU IRTHIANG C.L. Bible (BSI)

¹² Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka.

HOSEA 4:12 ပူးပေါင်းရင်းမြစ်များ

2 RÊNGHAI 17:7

Israelhaiin an Pathian Rengpa rengata thilsual an tho sikin, Samari khua chu a isiat a ni ta. Aigupta rêng kut ata a sensuaka, Aigupta rengata a hruai suaka; khannisian, pathian dang an biaksan ta.

2 THURCHI SUINA 21:13

Israel rênghai omdân angin ni om tâk sikin, Ahaba’n Israel mihai pathian danghai kuang a uirepui ang khan nang khomin Judai rama mi le Jerusalema mihai chu ni uirepuia. Nangma nêka sa, ni sanghai lak ni thatpaihaia.

INPÂKNA HLAHAI 106:39

Khaang khan an sinthohaia porinchetirin an oma, An sinthohai khan an hong uire tâka.

INPÂKNA HLAHAI 73:27

Irngai ta, nangma ata hlataka omhai chu an irhmang hrang a ni: A uiresantu murdi chu nir hmangtir ta.

JEREMIA 10:8

An rêngin an invêtin an into a ni, thing millima irthokin imo an irchu thei hrang?

JEREMIA 2:27

Thing chu nin pa a nia, lung chu nin nu a ni, nangni a tituhai nin rêngin nin hmâimôk a ti.

JEREMIA 23:13

Samari khan deipuhai sualna chu ki hmua; Baal irhmingin thu an inpuanga, ki mihai an ihruai insualhai tâk a ni.

EZEKIELA 20:32

Nam dang, hi rama chi dang dang omhai tho dân angin thing le lung biak nin tum ngit tâka; khannisian, kha kha ni thei viat no ni.

EZEKIELA 21:21

Babulon rêng chu lampui irsenna lai, lampui inhnihai irchunna taka khan, a fena lampui inhriatna’n dôi hmangin tâ a sâna, hnung tiang mân tiang thalhai chu a pêla, millim chu chong ar dona, irbôlna sa mithin chu a en vong vonga.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 5:4

An Pathian tiang irheitir hrangin, an thilthohai kha masan mahaia, notizuar lungrîl an laia a iom a ni, Rengpa kha an inhriat thei loi a ni.

HOSEA 6:10

Israel sûngkuaa khan thil irkhêl tak ki hmu, Efraima khan nôtizuarna a oma, Israel kha porinchetirin a iom a ni.

HOSEA 9:1

O Israel, nam danghai angin raiinfân lûk lûk dôrin lôm no ro, ni Pathian kha nôti ni zuarsana, hruizôl tina a man kha nir ngai inhlua.

LEVI DÂN 17:7

Kêl lu nei ramilhli an ibiak hrang ni ta ma; khaang biak chu Rengpa ata an iuire a ni. Hi dân hi Israel mihaiin kumkhua’n an izôm hrang a ni.

LEVI DÂN 20:5

keima ngeiin kha mi chunga le a in sûng mihai chunga insum ki ta, Moleka biaka keimaa iamom loihai murdi chu ki mihai laia inkhop ta no ning.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

HABAKUKA 2:19

Thing kuanga khan, “Har roh,” tia lung chong theiloi kuang, “Thoi ro,” titu kha, A chung a rik e! Hi hin nangni a irchutir hrang ma ni? En ta, rângachak le tangkaruaa inluan a nia, A sûnga phûk zel om viat ma.

NAMBAR 15:39

Hi puan hmorhai hi nin en rikipa, ki thupêkhai nin inhriat suaka nin zômna hrangin le nin nuamlam anga thil tho ta loia, keima nin ni la iamzoina hrangin.

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

ROIRÊLTUHAI 18:5

Anni’n a kuang, “Kin fena hrang hi hlo kin ichuk hrang mo, chukloi hrang? Pathian ni zong pe ro,” an tia.