HOSEA 4:10 - PATHIAN LEKHABU IRTHIANG C.L. Bible (BSI)

¹⁰ Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.

HOSEA 4:10 ပူးပေါင်းရင်းမြစ်များ

2 THURCHI SUINA 24:17

Jehoiada a thi zoiin chu Judai rama mipui hruaituhaiin an thu irngai ual hrangin rêng kha an inthêma.

INPÂKNA HLAHAI 125:5

Mi siahai deng nin theitir tikin, Ni lampui hnung songhai khom hi denginthei sa roh. Israelhai chunga khan irtharngamna om ri se!

INPÂKNA HLAHAI 36:3

A bâia thu suakhai chu sualna le huangna thu’n zen a ni ngaia: vârna le thil sa thôna kha a mâk tâka.

THUVÂRHAI 13:25

Mi felhai chu an rukdôr fâk an neia, khannisian mi siahai chu irsamin khop ni nei no nihai.

JEREMIA 34:15

Zoro sôtloite sûnga hin nin lungrîl indanglamin ki thil nuam lam nin thoa. Nin rêngin nin urêng Israelhai inzalêntir hrangin nin irruala, keima inhriatin chubai mûka ki omna ngai, ki tempila thuthungna nin nei a ni.

JEREMIA 9:12

Keiin ki’rdona, “Rengpa i lo hranga ram insiatin, ramchâr anga ni inchâr, tûte inzin ta loi hranga siam a ini? A tu hi mo a vâr uala an hriatthiam hrang? Mi dang hril hrangin tu hi mo hi thilhai hrilinfel pehai hrang ni ipêk?,” ki tia.

EZEKIELA 18:24

Mi sa khomin thil sa mâksanin thil sual a thoa, mi sualhai itho anga thil porinche tinrêng a tho hin a ihring hrang ma ni? A sin sa thohai chu inhriat mai ni ta no nia, a thilsual thôna le a inchâina sika khan thi zel a ti.

EZEKIELA 22:9

Ni mi senkhathaiin mi an that theina hrangin minlak an thoa, senkhatin millim kuanga thilinhlanhai an fâka, senkhat lakin mâni taksa irzuknahai ngot an ngaituaa.

HOSEA 4:14

Nin nâinuhaiin noti an zuara, nin moihai an uire’n hrem no ning: anni ngei khom notizuarhai le an bingin an fe sikin. Notizuarhai leh hmunkhatin irbôl suama; inhre thiam loi mipuihai kha tûk siat an ti.

HOSEA 7:4

An rêngin uire an nia, bai siamtu’n irtap a ur inluma, baidi a inhmet inpok a thoi inranga, meisom a lei irngamsan ang hi an ni.

LEVI DÂN 26:26

Nin fâk irvaina inpingtir ki ta, lungthu sôm hmanga fâk le nêk suang nuhai khan lungthu inkhat vai hmangin fâk le nêk suang ta an ti. Sem viviat a ta, an dongtum an fâk zoi hnung khom an phîng la châm dên a ti.

MIKA 6:14

Fâk kha fa ni ta, khannisian khop no chi ni, ni phîng hong châm mai a ti, thilsia insa ni ta, inzôk ual thei no chi ni, ni inzôk sun khom irdoinaa siat a ti.

ZEFANIA 1:6

Rengpa irheisantuhai leh Rengpa zong loia ama irdon loituhai kha inboipaihai pat ki ti.

HAGAIA 1:6

Tamtak nin songa, tômte nin inlût ngaia; nin fâka, khop ual mak chêi; nin ina, khop mak chêi; nin sila, lum ual hliak mak chêi; irhlo fâk khan zêp cheta tha hrang piala a ihlo a ni.