HOSEA 3:5 - PATHIAN LEKHABU IRTHIANG C.L. Bible (BSI)

⁵ Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

HOSEA 3:5 ပူးပေါင်းရင်းမြစ်များ

1 RÊNGHAI 12:16

Israel mihai khan rêngin an thu irngai pehai mah ti an inhriatin chu rêng kha an irdona. “Davida rama imo kin dongtum hrang? Jesaia irchihai laia imo kin dongtum nei hrang? Davida irchihai chu an om balamin om ri sehai,” an tia. Israel mihaiin chu an in tiang an rotsana.

ISAIA 17:7

Kha ni tena chu mihaiin a siamtu hon hria an ta, Israel mi irthiang chu thîr an ti.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

ISAIA 60:5

Ni hmu tena chu râifân hmêl irput ni ta, râifân hraiin a omna lam inhre no chi ni. Nam tin sum le pâi chu tuipui chunga hong chôi an ti.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

JEREMIA 23:5

Khan Rengpa’n, “Davida irchia mi fel, rêng chang hranga kin thang zoro a hong itung thiai a ni. Rengin vâr takin sintho a ta.

JEREMIA 30:24

a thiltumhai a tunga, a tho zoi mâka chu Rengpa ningmur irkhêl tak chu hek no ni, zoro hnunga chu hihai hi la hong inhre suak nin ti.

JEREMIA 30:9

an Pathian Rengpa le an rêng hrangin indingtir ki ti, Davida irchi laia mihai sin chu tho ta an ti.

JEREMIA 33:17

Keima, Rengpa ngêtin chonginkungin Davida irchia mi Israelhai rêng hrangin om mai a ta,

JEREMIA 33:9

Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

EZEKIELA 38:8

Kum tamtak zoia ama chu ram inkhat, kha rama omhai kha nam tamtakhai lai ata hruaisuak an nia, irdoina rêng rêng chi ngai loia om an ni, khahai kha irdoitir ki ta. Khanchu Israel tânghai, kha ten sûnga mâksana lei ramchita omhai, khannisian atûn chu lungthi taka mihai omna so doi sa an ti.

DANIELA 10:14

Sûnmaton tianga ni mihai chunga thil hong tung hrang inhriat theina nei hranga zuang ki ni: inlârna chu sûnmaton tiang a la ini hrang a ni,” a tia.

DANIELA 2:28

khannisian thil irthup inpuangtu Pathian chu irvâna a oma, rêng Nebukadnezara hi thil la hong om hrang a inhriattir nuam a ni hi te. Ni’rmang le ni zâlhmuna inlârna omzia chu hiang hin a ni.

HOSEA 1:11

Khan, Juda nâihai le Israel nâihai kha pung khôm an ta, an lu hrang inkung an ta, kha rama irthokin hong fe an ta, kha rama irthokin hong fe an ta, Jezreel nikhua kha a iroiinpui hrang a ni.

HOSEA 11:10

Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

HOSEA 5:15

An thiam loina an irhriata, ki hmêl an zong mâka chu, fe ki ta, ki hmun tiang kîr ki ta, an tuangna khan ni zong an ta, hiang hin ti an ti.

HOSEA 5:6

An belra pâlhai le an sehrât pâlhai le Rengpa zong hrangin fe an ta, khannisianlân ama kha chu hmu no nihai, anni ata a irkiang tâk a ni.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

AMOSA 9:11

Hi thil thotu Rengpa thu suak khan hiang hin a ti, “Kha nikhuaa khan Davida kairêng chim kha indingtir ki ta, a pophai kha tuam ki ta; a siathai kha irfûktir nôk ki ta, tianlaia a iom angin sin nôk ki ti.

MIKA 4:1

Khannisianlân, nikhua hnungkhônhaia chu hiang hin ni a ta, Rengpa nin omna tâng kha tâng lian chunghaia khan indetin om a ta, tâng tehai chunga khan chôiirsângin om sa ti; kha khan chi tinrênghai kha fe mur mur an ti.

NAMBAR 24:14

Khan Balaama’n Balaka kuang, “Irngai ro, atûn chu ki mihai kuang kîr nôk hrang ki ni ta, khannisian ki kîr nôk mân hin, sûnmatona ni mihai chunga an itho hrang lam hi nang la irhmutir ki ti,” a tia.

ROM KHUAA MIHAI KUANGA TÎRTÔN PAULA LEKHATHON 11:25

Urênghaio, hi thu’rthup hi nin inhriat loi nuam ma ung; khano’nchu ki vâr dên lei irtina nin ti; Jentailhai an kop irkip mâka chu Israel mi senkhathai chunga hnangrakna la zuang tung bak a ti, ti hi.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

DÂN INHNINA 4:30

Nikhua hnungkhônhaia chu intak tuang nin ta, a thu zôm ta nin ti.