HOSEA 3:2 - PATHIAN LEKHABU IRTHIANG C.L. Bible (BSI)

² Khanchu, tangka sômhlei ringa, le barli homer khat le homer a chimripin ama kha ki’rchôka:

HOSEA 3:2 ပူးပေါင်းရင်းမြစ်များ

EZEKIELA 45:11

Khanchu neinun tâng irkhîna epha chu neinun zôi irkhîna bath leh khan a keng dân ir-ang mai a ta. Epha khomin homer hmun sôma senin hmunkhat keng a ti. An ruaiin irtênahai kha homer dungzui ang takin ni a ti.

LEVI DÂN 27:16

Mi’n ama ram chimrip Rengpa hrangin pêk an kungin chu chîmu a isonga zirin a man chu inrît ni a ta; barli tîn sômminli suakna kha sumru sekel sômringa varh mânin tep ni a ti.

IRPHUTNA 34:12

Man le tui thilpêk chu nin inuam dôr ti roi nangni pe zel ki ti, i khom nisianlân nin farnu vai dôngma’n nin luatir ngêt roi,” a tia.

ISAIA 5:10

Grep irhuana a ra tîn sôm suakna hmuna, tîn hni vai a ra hmu ni ti, phur sôm suakna hmuna, phur khat vai ra suak a ti,” a ti.

1 SAMUELA 18:25

Khanchu Saula khan anni kha Davida kuang, “Reng khan a râlhai phuba lâkna’n Filistia mihai an servun irzakhat ti no chu a man ite la no ni,” va ti hrangin thu a pêka. (Khaang khan Saula khan Davida chu Filistia mihai kuta that hranga a insâp a ni.)

FESUAKNA 22:17

A pa khan an luatir nuam no’n chu, dôngmate irthiang moi chang thei dôr kha a pa kuang khan a ipêk ngêt hrang a ni.

IRPHUTNA 31:41

Kha kum sômhni sûng chu ni ina ki oma: ni nâinuhai ruai hlo hrangin kum sôm hleiminli samâk ki changa; ni kêlhai hlo hrangin kum ruk ni sin ki la tho nôka: ki hlo lak voisôm dên rakin nin danglamtira.

RUTHI 4:10

Khabana, mithi chu a’rhming a om maina hranga ar chon luatu siam pe hrang le mithi chu a urênghai laia le a omna mikota ar hming ar hmang loina hrangin, Moab meithâi, Mahlona dôngma chu ki dôngma ni hrangin ki nei ta; a vuan hin nangnihai hi an hriatpuituhai nin ni,” a tia.

HOSEA 3:3

Khan, a kuang, nikho tamtak sûng kha ki ta hrangin ni iom hrang a ni; noti ni izuar hrang ni ma, tûte dôngma ni ini hrang ni mah: khaang dên khan kei khom nangmaa om ki ti, ki tia.