HOSEA 2:7 - PATHIAN LEKHABU IRTHIANG C.L. Bible (BSI)

⁷ Khan, a’rditpui irzûl a ta, irzûl pha no ni; annihai kha zong a ta, hmuhai no ni; khanchu, ki pasal masa kuang kîr nôk ki ta, atûnlai nêkin tianlai kha ki ta hrangin a sa ual ti a ti.

HOSEA 2:7 ပူးပေါင်းရင်းမြစ်များ

2 THURCHI SUINA 28:23

Ama inhnêtu Suriahai pathianhai chu chubai a mûkhaia, Suria pathianhai hin Suria rêng an changpuia, khasikin an kuang thilinhlan hrangin ni changpui ngêt a ti, iti a ni. Kha kha a mihai leh an isiatpui nôkna chu a ni.

INPÂKNA HLAHAI 116:7

O ki hringna, ni’rngamnaa khan kîr nôk roh, Rengpa khan ni chunga satakin a tho tâk sikin.

ISAIA 30:16

Nuam ma ung, sakor chunga chuang kin ti,” nin tia, chuang ta unglân rot ta roi, Sakor intân hrât chunga chuang kin ti, nin tia. Kha nêka hrâtin nangni irzûl an ti.

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

JEREMIA 2:2

“Fe’n lân, Jerusalem mihai inhriat hrangin thu insîr roh. Dôngmate ni chang laia ni iamomzia, ei irnei zoia lung ni ni thungzia, chîmu ite song loina hmun ramchâra ni ni izui dânhai kha ki inhriat mai a ni.

JEREMIA 2:28

Nin isiam pathianhai kha khôn mo an om? Intakna nin phâk zoroa, an thei ngânin teh nangni san ri sehai. O Juda, ni khopui nei dôr chu pathianhai khom ni inei a ni ta hi te.

JEREMIA 2:36

Nam dang pathianhai tiang ni’rnghat tâk sikin, ni hlutna ni inboitir ok a ni ta. Assuria ni’rhnêla nin imualinphoi ang khan. Aigupta chunga ni’rnghat khomin mualinphoi nôk ni ti.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

JEREMIA 31:18

Efraima inhrûm irhâi chu kin hriat maia, ‘Nangin sehrâtilla la sep ngai loi angin ni ni sepa, ni ni irchutir tâk hi. Ni’rheikîrtirin lân, hong kîr ki ta ni hruai roh. Nang chu ki Pathian Rengpa chu ni nia.

JEREMIA 31:32

An irchibulhai Aigupta ram ata hruaisuak hranga an kuta ki chelhai laia ki thuthung ang kha ni ta no ni. Anni hrangin hruaitu ki ni sûng chu ki thuthung kha zui nuam loiin ti hi Rengpa thu suak a ni.

JEREMIA 44:17

Tho hranga kin iti kai chu tho hrang a ni. Irvân rêngnu kin pathiannu kuang irbôlna inhlan kin ta, uain thilinhlan a ta hrangin bunthuan kin ti, keini le kin irchibulhai kin rênghai le kin hruaituhaiin Judai ram khopuihai le Jerusalem kotsuahaia kin itho ngai ang khan. Kha laia khan bu nêk hrang kin nei hluka, vâng kin saka, ite buaina tong ngai ma ung.

EZEKIELA 16:18

Ni puan sil insui satak takhai chu ni lâka, anni ni tuama, ki sahriakhai le mirimhoi chu millim makunga ni dara.

EZEKIELA 16:8

Khan, ni kuanga ki honga nang ki ena, irngai ta, inditom ni ni tâka, ki puan ki lâka, ni korongboi chu ki’rkhû tâka: khanchu ni kuang irkhâmna ki siama, thuthunga ki lûtpui tâka, ki ta tak ni ni tâka, ti hi Rengpa pathian thusuak a ni.

EZEKIELA 20:32

Nam dang, hi rama chi dang dang omhai tho dân angin thing le lung biak nin tum ngit tâka; khannisian, kha kha ni thei viat no ni.

EZEKIELA 23:12

Ama khomin Assuria mi lianhai, roirêltu irsâng takhai, sipai silkai cheka irvôhai sakor chungchuang mihai, ruatharte hmêlsa murdihai irzukin an dithaia.

EZEKIELA 23:22

“Khasikin Oholiba, kei Rengpa Pathianin hiang hin nang ki ti. Kha ni irditpuihai kha ni hnônghai tâka, khannisian ni chunga an ninginmurtirhai ki ta, nang irhual hrangin zuang tuanghai ki ti.

EZEKIELA 23:4

Ulian ualnu irhming chu Oholai a nia, (khanu khan Samari an entira) a sangnu irhming chu Oholiba a ni, (khanu khan Jerusalem chu an entira). Khan, an ruaiin ki luahaia, nâi le tehai an ni nei pea.

DANIELA 4:17

Hi thu hlu hi a entuhai thu a nia, thil inphût hi mi irthianghai thua tho a nia, anchungtakpu’n mihriamhai inlalna rama hin thu a neia, a inuam takhai a pêka, mi irhnuai takhai khom an luatirhai ngai a nih ti mihriamin an inhriatna hrangin,” tia khêkin.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 5:21

mihriam nâihai lai ata inhnotsuakin a oma, a lungrîl khom ramsahai angin, a omna khom rama sakuartunghai laia a nia; sehrât angin hloisûl fâkin, a taksa chu irdo irsilin a oma: Pathian inchungtakin mihriamhai inlalna rama thu a neia, a inuam tak an luatir thei ti ar hriatsuak mâka chu.

HOSEA 1:2

Rengpa’n Hosea irhminga Israelhai kuang thu an sîr irphut lai khan hiang hin Hosea kuang an sîr: “Fe’n lân, dôngma’n notizuar neiin lân; notizuar ata nâi nei ro: hiang hin ki mihai khan ni rotsana, an ni iuiresan tâk a ni,”

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 2:16

Khan, Rengpa thu suak khan hiang hin a ti: Kha nikhuaa khan hiang hin ni a ti, ki pasal ni ti a ta, Baal ni ti ta no ni.

HOSEA 5:13

Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni.

HOSEA 5:15

An thiam loina an irhriata, ki hmêl an zong mâka chu, fe ki ta, ki hmun tiang kîr ki ta, an tuangna khan ni zong an ta, hiang hin ti an ti.