HOSEA 14:9 - PATHIAN LEKHABU IRTHIANG C.L. Bible (BSI)

⁹ Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

HOSEA 14:9 ပူးပေါင်းရင်းမြစ်များ

IRPHUTNA 18:25

nangma’n chu khaanga mi felhai mi suala an lût thei loina hrangin, mi felhai hi a sualhai le thathai hrangin chu tak nang sôn ma unga; irnêng chunga roirêltu’n fel takin a irêl ngai mo ni ma?” a tia.

JOBA 17:9

Mi dikin chu a om dân intha ngai ma, kut fâihai chu an idet ual ual ngai a ni.

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

INPÂKNA HLAHAI 119:128

Khasikin ni thupêkhai tiang kal ki phêta, Om dân dikloi tinrêng ki hnôl a ni.

INPÂKNA HLAHAI 119:75

O Rengpa, ni roirêlhai chu fel ti le, Nangma’n chu iamom takin a ni, ni ni sep a nih ti kin hriat tâka.

INPÂKNA HLAHAI 84:5

Nangmaa hrâtna nei mi chu a vân a sa e; A milunga Zion panna lamlianhai om kha.

INPÂKNA HLAHAI 84:7

Hrâtna ata hrât nôk ualnaa an fe ngaia, Zion-a Pathian makunga khan an inlang seng ngai.

THUVÂRHAI 10:29

Rengpa khan mi dikhai chu a hrung ngaia; thil sual sinhai chu ar hmangtir ngai.

THUVÂRHAI 16:21

Mi vâr puihling chu a vârna’n mi’n inhria an ta; a chongbâi thum dôr mi an hnê ngai.

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

ISAIA 1:28

Ama makunga tehel le mi sualhai chu vîk indarhai a ta, Rengpa irheisanhai chu irhmang zoi an ti.

ISAIA 17:8

Kut le an isin maichâmhai chu uksak ta no nihaia, anni isin Aseri le mirimhoi hâlna maichâmhai chu a en khom en nuam ta no nihai.

ISAIA 26:7

Mi dikhai lampui ni siam nuama, an fena hrang nin tûn pehai ngai.

JEREMIA 29:12

Khanchu ki’rhming irlam nin ta, ki kuanga hongin chongchai nin ta, nangni sâm ki ti.

JEREMIA 9:12

Keiin ki’rdona, “Rengpa i lo hranga ram insiatin, ramchâr anga ni inchâr, tûte inzin ta loi hranga siam a ini? A tu hi mo a vâr uala an hriatthiam hrang? Mi dang hril hrangin tu hi mo hi thilhai hrilinfel pehai hrang ni ipêk?,” ki tia.

EZEKIELA 11:18

Khatak ata hong an ta, thil intiromhai murdi le thil porinchehai murdi chu lâkpai an ti.

EZEKIELA 18:25

Khannisian, Rengpa sintho dân hi dik ma, nin ti ngaia. Israel insûngkuahaio, irngai roi, ki tho dân a idik loi mo? nin sintho dân hi a idik loi mo ni ma?

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

DANIELA 12:10

mi tamtak chu an irthiangin an ivâr nôk a nia, an isa a ni; khannisian mi siathaiin chu sualin an la om mai, mi siathaiin ar ngai dân inhre no nihai; mi vârhaiin chu a’rngailam inhria an ti.

ZEFANIA 3:5

A sûnga khan Rengpa kha mi dik a nia; siatna tho no ni; zîng tinin a roirêlna kha an langtira, lôipai ngai maka; aniachu mi felloi khan inzakna lam reng inhre mah.

ZAKARIA 10:6

Juda mihai chu inhrâttirhai ki ta, Israel mihai chu saninzôkhai ki ti. An chunga lungkhamna nei ki ta, an rama hong hruai kîrhai nôk ving ki ti. Anni chu ki lei ihnôl tâkhai angin om no nihaia, Kei Rengpa an Pathian hin an chongchainahai chu zuang sâm ki ti.

MATHAIA 11:19

Mihriam Nâipa chu a zuanga, a fâka, a ina, mi tinin, ‘Hi mi hi en u ta! Bu’n dupa, uain indupa, khâzana irfuangtuhai le mi sualhai rualpa so!’ an tia. Khannisian, Pathian vârna chu a dik ti a raa khan inlangin a iom a ni,” a tia.

LUKA 2:34

Simeona khan anni kha sat a vura, a nu Mari kuang, “Irngai roh, Israel laia mi tamtak siata tûk hrang le inngîr suakna hrangin, hi nâite hi inkung a ni, Pathian irsinsiana, mi tamtakin an isêl sup sup hrang ni a ti.

LUKA 7:23

Khan, tukhom ki chunga milung irlakna nei loi chu an vân a sa,” a tia.

JOHANA 15:24

Mi dang tûte la tho ngai loi thilhai an laia tho no inlân chu sual nei no nihai; atûn chu ki sinthohai an hmua, kei le Pa chu an ni ihnôl tâk a ni.

JOHANA 18:37

Pilata’n, “Khante, rêng mo ni ini?” a tia. Jisua’n a sâma, “Nangma’n rêng ni ni ti khate; kei chu thutak inhriattir hi ki isuakna san le rammuala ki izuangna san chu a ni; tukhom thutaka omhai chu ki’rhâi an irngai ngai,” a tia.

JOHANA 8:47

Pathian ata suak khan Pathian thu a’rngaitua ngaia; nangni’n chu ki thu irngaitua mak chêi, Pathian ata suak nin ni no sikin,” a tia.

JOHANA 9:39

Jisua’n, “Roirêl hrangin hi rammuala zuang ki ni, mitchohaiin an hong hmu theia, mit vârhaiin mitcho an hong ni theina hrangin,” a tia.

TÎRTÔNHAI SINTHO 13:10

“Diabola nâipa, satna tinrêng râlpa. Milak tinrêngin ni sipa, zoro tina Pathian thutak hi thu no inchang ni itum ngai a ni.

ROM KHUAA MIHAI KUANGA TÎRTÔN PAULA LEKHATHON 7:12

Dân kha chu a’rthiang kêng, thupêk khom a’rthianga, a fela, a isa a ni.

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.

THUPHUANG 15:3

Pathian suak Mosia hla le Belrate hla an saka, “Rengpa Pathian Itinrêngthothei, Ni sinthohai chu a roiinpuiin ar khêl tak tak! Nangma chu nam tinhai laia Inlaltak, Ni lampuihai chu a felin a dik tak tak!