HOSEA 14:5 - PATHIAN LEKHABU IRTHIANG C.L. Bible (BSI)

⁵ Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.

HOSEA 14:5 ပူးပေါင်းရင်းမြစ်များ

2 SAMUELA 23:4

Misa a hong suaka, sûm om viat loi kha, zîng irlen ving ang hi a nia, Rua tho zoia hloisûl inhartir ang hi ni a ti,” a tia.

2 RÊNGHAI 19:30

Judai rama la dam sunhai chu theikung, inthûk taka irzungthâka ra irkukhak ang la ni an ti.

JOBA 29:19

Ki’rzunghai chu tuia inchiain, ki ônhaia irdôtui duiin zân sôt a om ngai.

INPÂKNA HLAHAI 133:3

Hermon irdo’rfîm Zion tânghaia tâk ngai ang hi a ni: Kha khan Rengpa’n satvurna thu a pêka, Kumkhuaa hringna hrang chu.

INPÂKNA HLAHAI 72:16

Irnênga, tâng chunghaia hin, bu tamtak om a ta; A vûi chu Lebanon angin inhnîng siam siam a ta, Khuaa mihai chu irnêng hloisûl angin indôn nut nut an ti.

INPÂKNA HLAHAI 72:6

Ama chu hloisûl irnoi chunga rua angin tâk a ta: Irnêng infâtu ruatui ang dênin.

INPÂKNA HLAHAI 80:9

A maton nin fâi thiaia, Inthûk takin irzung a kaia, ram chu a lua zit tâka.

INPÂKNA HLAHAI 92:12

Mi fel chu tûm angin hong irsôn hlut hlut a ta: Lebanon tânga sidar thing angin irsôn duak duak a ti.

INPÂKNA HLAHAI 92:13

Rengpa ina phunhai chu kin Pathian biak in hualsûng kholâia khan irsôn hlut hlut an ti.

THUVÂRHAI 19:12

Reng ningmurna chu kâmkeibaknei inrung ang kha a nia, a ditsakna rêk chu satvur rua ang kha a ni.

HLAHAI HLA 2:16

Ki lungdi chu ki ta a nia, kei khom ama ta ki ni, a belra pâlhai chu lili pâr bila an lêngtirhai ngai.

HLAHAI HLA 4:5

Ni’rhnu inhnihai khom sakhite inphîr ang a nia, lili pâr bila fâk zong ang a ni.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 18:4

Rengpa’n hiang hin ki kuang a ti, “Om chian unglân, ki omna hin thîr mai ki ti; kholum laia sûm a irthiang ang hin, bu ât zoroa irdo sûmmizun ang hin”, tiin.

ISAIA 26:19

Ni mi lei thihai chu thoi nôk an ta, an takpumhai thoi nôk a ti. Nêngpila zâl tâkhai har nôk an ta, râifân takin zâi an ti. Hnâ chuai tâk, irdo’n a inhartir nôk ngai ang hin, a thi tâkhai khom Rengpa’n zuan harhai nôk a ti.

ISAIA 27:6

Itika mani chu, Jakoba irchihai hin irzung la tha nôk ngêt an ti, Israel chu incherin hong pâr nôk a tih. Irnêng chung hi an ra la sip a ti.

ISAIA 35:2

Rama pâr sahai angin pâr suak an ta, râifân takin zâi an ti, Lebanon tâng angin roiinpui a ti. Karmel le Saron phâi angin enhoi a ti. Rengpa roiinpuina chu hmu an ta, kin Pathian satnahai le.

ISAIA 44:3

Ramchârhai tui buak ki ta, ramna hmuna tui inluangtir ki ti. Ni’rchihai chunga ki’rtha sem ki ta, ni tû le ni nâihai satvur ki ti.

ISAIA 45:8

Irvân irsâng ata zoina rua zuang tho sianlân, ra insua ri se. Keima Rengpa hin annihai kha intungtir ki ti.

ISAIA 57:18

An omdân chu kin hriat vinga, khannisian an natnahai indam pehai ki ta, hruaihai ki ta, sanhai mai ki ti, lusûn tuanghai irtharngam sakhai ki ti.

ISAIA 57:19

Ram tin tâng tin hrangin irngeina, irngeina, ki mihai chu indamtirhai ki ti. Rengpa bâiin a ti.

JEREMIA 3:22

Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

JEREMIA 32:41

Thil sa an ta hranga tho chu raifân om sinin nei ki ta, hi rama hin det mai hrangin indinghai ki ti.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

MIKA 5:7

Jakoba-hai mi la omsunhai kha chi tamtakhai laia Rengpa ata irdo tâk ang le hloisûl chunga rotho angin om an ta; kha khan mihriam nghâk maka, mihriam nâipasalhai ngaisak ual ma.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

MATHAIA 6:28

Silkai thua ithoa mo lung nin inkâng? Rama tûktin pâr irsôn lamhai hi ngaitua u ta, sin tho mahaia, pat kai mahai,

LUKA 12:27

Tûktin pârhai hi en u ta, sin khom zong mahai, puan khom không mahai, khan, nangni ki hril, kha dôra irchong Solomona khom khan hi pârhai hi pha mah.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

DÂN INHNINA 32:2

Ki’rchutirna hi rua angin tho a ta, ki thu hi irdo angin tâ a ti. Hloisûl irnoi chunga rua ang le sûlhnâ chunga rua tui angin: