HOSEA 14:3 - PATHIAN LEKHABU IRTHIANG C.L. Bible (BSI)

³ Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 14:3 ပူးပေါင်းရင်းမြစ်များ

2 THURCHI SUINA 16:7

Kha laia khan deipu Hanania chu rêng Asa kuang a honga, a kuang, “Pathian Rengpa iam loiin Suria rêng iampumin ni oma; khasikin, Israel rêng sipaihai chu nin suahai tâka.

INPÂKNA HLAHAI 10:14

Hmu chu ni hmu chian tâka; ni kuta thuan hrangin thil tho’nsual le nuarna ni ien mai: Ite tho theiloi mi chu ni kuang an koltir ngaia: Pa nei loi changpuitu ni ni ngai.

INPÂKNA HLAHAI 146:3

Mi lianhai chunga irnghat no unglân, Mihriam rêng rêngin nangni saninhring thei no ni.

INPÂKNA HLAHAI 146:9

Rengpa khan mikhualhai chu a enkol ngaia, Pa nei loi le meithâihai chu a changpui ngaia; Mi siahai thiltum rêk chu an siat pe ngai.

INPÂKNA HLAHAI 33:17

Zôkna hrangin sakor hi ite ni mah. A sân a hrât sikin tukhom saninzôk sa no ni.

INPÂKNA HLAHAI 68:5

Pathian a omna irthianga om kha, Pa nei loihai Pa le meithâihai ngaituatu a ni.

ISAIA 1:29

Sesua thinga siam Biak In khârnahai kha lan zak nin ti, Irhuan ser nin isiamhai khom inzakpui nin ta,

ISAIA 2:20

Kha nikhua kha a hong tungin chu, an ibiak tangkaruaa siam millim le rângachak millim, an isiamhai chu a bong a bûiin pai suakhai an ti.

ISAIA 27:9

Nam dang maichâm lunghai chu, chinai lung angin an suk khoia, Aseri irlim le lung danghai an pai ving zoi hnunga, Israelhai sualna chu ngaidam ni a ti.

ISAIA 30:16

Nuam ma ung, sakor chunga chuang kin ti,” nin tia, chuang ta unglân rot ta roi, Sakor intân hrât chunga chuang kin ti, nin tia. Kha nêka hrâtin nangni irzûl an ti.

ISAIA 30:2

Ni’rdon loiin Aigupta rama an fea, Faroa chu an zôkna hrangin an delnghaa, Aigupta lômna irfûkin an fea, mualphoi irla an ti.

ISAIA 31:1

Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 31:3

Aigupta mihai hi chu mihriam pai pai an ni, Pathian ni mahai. An sakorhai khom hi sâ mai mai an ni, irtha ni mahai, Rengpa’n a kut an sumin chu changpuitu nei no nihai, an ichangpui khom irtet sa ta a ti. An ruaiin irtet that an ti.

ISAIA 36:8

Ka pu Assuria rêng kuang chonginkung roh, atûn khom hin keima’n chu a chuang hrang mi ni hmu photin chu sakor sânghni nang pe ki ti;

JEREMIA 49:11

Nin nâi farahai chu ki kuta siahaiin lân, anni chu enkolhai ki ti. Nin meithâihai khomin keimaa hin irnghat thei an ti.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

EZEKIELA 37:23

Anni chu millim leh ite porinche ta no nihaia, sualhai tho’n mani le mâni porinchein om ta no nihai. An lei sualna lampui murdihai ata le an lei ihnôlnahai ata kha insuahai ki ta, anni chu ki mihai ni an ta, kei chu an Pathian ni ki ti.

HOSEA 12:1

Efraima khan phâivua a iama, nisua phâivua khan a zui ngaia; milak thu le irsen indarna thu an pungtir sit sita, Assuria leh thu an inkunga, Aigupta tiang khan hriak a pêl lûta.

HOSEA 13:2

Atûn khom hin an sualtir ual ual tâka, an tangkarua’n millim sûnna’n an irsiam chopa, anni ngaidân angzia zêla millim kha; khahai murdi kha kut theithiamhai kut suak a ni pumin, irbôlna inhlantu murdihai khan sehrât têhai kha tum ri se, an ti ngai.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

HOSEA 2:17

A bâia irthokin Baal irhminghai hi ki’rhmangtir pe hrang a nia: an irhming hi sâm viat viat ta no ni.

HOSEA 4:12

Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka.

HOSEA 5:13

Efraima khan a natna a hmua, Juda khan a pop a hmua. Kha khan Efraima kha Assuria kuang a fea, inlaltak Jareba kuanga khan mi a tîra: khannisianlân ama khan nangni indamtir thei maka, nin ipop kha nangni a indamtir thei sa loi a ni.

HOSEA 7:11

Efraima kha vasu milung chô, inhriat thiamna nei loi ang a lei nia; Aigupta tiang an khêk mura, Assuria tiang an fe mura,

HOSEA 8:6

Israel kut theithiamhai millim siam kha, Pathian ni ma. A ni, Samaria sehrâtte irlim kha inkhoipai zit ni a ti;

HOSEA 8:9

Ram sakuartung inkhât tak angin Assuria rama an kâia, Efraima khan arditpuihai ar hloppui e.

JONA 2:10

Khan, Rengpa khan nga kha thu a pêka, Jona kha muanga a hong insuak tâka.

ZAKARIA 13:2

Kha tena chu keiin hi ram sûng ata hi millimhai irhming chu inboipai ta ki ta, tukhomin anni chu inhre mai ta no nihai. Deipua irtipu kai chu sâtthâkhai ki ta, millim biak nuamnahai chu lapai pehai ta ki ti.

JOHANA 14:18

Fara’n nangni masan no ning, nin kuang zuang nôk ki ti.

DÂN INHNINA 17:16

Reng khan a sipaihai hrangin sakor a inei intam hrang ni ma, Aigupta rama sakor la’nsap hrangin mi a itîr hrang ni ma; Rengpa khan ‘Kha tiang khan nin ikîr nôk hrang ni ma,’ a tia.