HOSEA 14:2 - PATHIAN LEKHABU IRTHIANG C.L. Bible (BSI)

² Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

HOSEA 14:2 ပူးပေါင်းရင်းမြစ်များ

2 SAMUELA 12:13

Davida khan Nathana kuang, “Rengpa chunga thil ki tho insual tâk a ni,” a tia. Nathana’n, “Rengpa khomin nang an za ta, thi no chi ni.

2 SAMUELA 24:10

Khannisian mihriam a hong tep zoi tena chu Davida lungrîl kha a na pe oka. Davida khan Rengpa kuang, “Ki thil thoa hin a satêrengin ki lei insual tâk a ni. Nikhomsianlân atûn hin o Rengpa, mi sual pualoina hi nin za hrangin nang ki ingên a ni. Invêt chângin ki lei châng tâk a ni,” a tia.

JOBA 7:21

Ithoa mo ki sinsiatna ni ni ingaidam thei loi, ki dikloinahai ni ilâkpai loi hi? kei chu thi duai hrang ki ni tâka, Ni zong khomin lân, ki iom loi hrang a ni ta.

INPÂKNA HLAHAI 119:108

O Rengpa, nang ki chôiindômna thilpêk hi pom ro, Ni thupêkhai chu nir chûtir roh.

INPÂKNA HLAHAI 50:14

Pathian kuang lômthu insîr irbôlna kha inhlanin lân; Ni thu’nkung khom Anchungtaka kuang intung roh.

INPÂKNA HLAHAI 51:16

Irbôlna chunga lômna nei mak chea; Khaang kha ni no sianlân chu nang pe ki ti: Hâlirvôm thilinhlan chunga lungchukna zel nei mak che.

INPÂKNA HLAHAI 51:17

Pathian nuamlam irbôlnahai chu irtha milung koi hi a ni. O Pathian milung insiat le irsîr ngôi ngôi hi hmusit ngai mak chea.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

ISAIA 6:7

ki hmûr a hon tôna, “Hi hin ni hmûr a tôn tâka, ni sualna lâkpai a ni ta, ni porinchena infâi a ni zoi ta,” a tia.

JEREMIA 3:12

Israel kuang fe hrangin a nin hrila, keima kuang, “Iamom loi Israel ki kuang hong kîr nôk roh. Kei chu khonzâna sip ki nia, ki ninginmur no ni, kumtuangin ninginmurtir mai no ning.

HOSEA 12:7

Kanaan-hai angin Israel khan vârna dik loi an leka, ihuang ringot a irzuk ngai a ni.

HOSEA 5:5

Israel kôkpoploihai khan a makunga an inhriattira, khanchu Israel le Efraima kha an pualoinaa tûk an ta, Juda khom an kuang tûk sa a ti.

HOSEA 6:6

Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.

JOELA 2:17

Ochai, Rengpa sinthotuhai kha, bokrop le maichâm kâra khan chaphai sianlân; “O Rengpa, ni mihai hôiin lân, nir chonhai hi hrilsiata oma namhaiin an chunga roirêl pehai hrangin pe no roh: ‘An pathian kha khôn mo a om tâk’, tiin mipuihai laia khan ithoa mo an iti hrang?” ti ri se.

JONA 2:9

Kei rêkin chu lômthu insîrna irhâi leh ni kuang irbôlna inhlan ki ta; Thu ki inkung tak kha hlensua ki ti. Saninhringna kha Rengpa ta a ni,” tiin.

ZAKARIA 3:4

Khan, a makunga ngîrhai kha a hong chongpuia, “A sil le kai porinche kha hlîk pe roi,” tiin. Khan, ama kuang khan, “Irngai ta, ni tho’nsualnahai kha kin boipai tâka; khanchu silkai hlutakin nang irbeltir ki ti,” a tia.

MATHAIA 7:11

Khanchu, nangni mi sualhai luan nin nâihai thil sa pêkna châng nin inhriatin te, nin Pa irvâna mi khan a nghituhai kha thil sa a ipêk intam ual hrang mo ni ma!

LUKA 11:13

Khasikin, nangni mi sualhai luan nin nâihai thil sa pêkna châng nin inhriatin te nin pa irvâna mi khan a nghituhai kha Irtha Irthiang a ipêk hrang mo ni mah!” a tia.

LUKA 18:13

“Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

ROM KHUAA MIHAI KUANGA TÎRTÔN PAULA LEKHATHON 11:27

Ama kha an kuanga ki thuthung hrang chu a ni. An sualhai ki lâkpai tika chu,” ti irziak ang khan.

2 TIMOTHEA toc2 2 TIMOTHEA 1:9

Ei sintho sika ni loiin ama tum dân a ni ual sikin lungkhamna’n a ni saninhringa, irthiang taka hring hrangin a ni ikoi a ni. Krista Jisuaa khan irnêng irsiang mân daiha a lungkhamna kha a ni pêk tâka.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

HEBRAI toc2 HEBRAI 10:4

Sechalhai le kêlhai thisenin sualhai kha inboi zât ni mah.

HEBRAI toc2 HEBRAI 13:15

Khaang khan, Jisua zâra ei irbôlna’n Pathian kuang inpâkna inhlan mai ei ti; ama kha hmûrin irbôlna an inhlan, “Rengpa a ni,” tia an ithopna a ni.

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

1 JOHANA 3:5

Ama kha sualhai lapai hrangin a hong inlanga, amaa khan sual om mah ti nin inhriat.