HOSEA 13:6 - PATHIAN LEKHABU IRTHIANG C.L. Bible (BSI)

⁶ An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 13:6 ပူးပေါင်းရင်းမြစ်များ

NEHEMIA 9:35

An chunga ni isa pehai hrai hi, an ram khom ram liantak le satak ni ipêk khan ni sintho loiin, an sintho indik loihai mâk nuam loiin.

INPÂKNA HLAHAI 10:4

Mi sia chu lârirpâk hmêl irputin, “Inphût no ni,” a ti ngai. A ngaituana murdi chu, “Pathian zel om mah,” ti inzen a ni.

THUVÂRHAI 30:9

khano’nchu ki nei hraiin nang ki phil itinin. A ninole kin riang hrai khomin mi ta kin rûkin ki Pathian mualphoi ki sak itinin.

ISAIA 17:10

Nangni saninhringtu Pathian nin irnghila, nin zôkna lungpui chu inhre nuam loiin. Enhoi takin irhuan nin sinhaia, nam dang pathian biak nin uara,

JEREMIA 5:7

Rengpa’n irdoina a siama, “I lo hrangin mo ki mihai sualna kin inzâhai hrang? Anni mâk raka pathian dang dik loihai chubai an mûk tâk sikin, ki mihai chu an khop mâka kin fâhaia, Khannisian an uire zoi tâka. Notizuarin an zoro an hmang inhek ta.

EZEKIELA 23:35

Atûn chu Rengpa Pathianin hiang hin a ti, “Keima chu ni’rnghilin, hnung ni ni songsan sikin ni taksa irzukna le ni notizuarna sika khan dengthei tuang ni ti,” a tia.

EZEKIELA 28:5

Vâr takin sum bepârhai tho pumin, irchon tamtak ni bûma, nir chonhai sika khan ni milung chu omlianna’n a sip zoi ta.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.

HOSEA 12:8

Efraima khan, ki’rchong ok ta, hlo ki chuk ta a ni: ki sintho murdihaia lak chu keimaa siatna thil sual an ihmu hrang om viat ta mah, a tia.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

HOSEA 2:7

Khan, a’rditpui irzûl a ta, irzûl pha no ni; annihai kha zong a ta, hmuhai no ni; khanchu, ki pasal masa kuang kîr nôk ki ta, atûnlai nêkin tianlai kha ki ta hrangin a sa ual ti a ti.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HOSEA 4:7

An hong rikip le ki chunga an sual sit sit saa, an roiinpuina kha mualinphoinaa inchangtir ki ti.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

HOSEA 7:14

An lungrîl takin ni koi mahai, an zâlhmuna an ichiar hnem hnum a ni: bu le uain hrangin an inkhôma, ki chunga lak tehel an zonga.

HOSEA 8:14

Israel khan a siamtu a’rnghil paia, in roiinpuihai a sina; Juda khan khopui kulhai an pungtira, khannisian a khopuihaia khan mei tîr ki ta, a in roiinpuihai kâng zoi a ti.

HOSEA 8:4

Ki itho ni loiin anni khan rêng an siama; kin hriat loiin hruaituhai an siama, an irhmangna hrangin an tangkarua le rângachakin millim an irsiama.

DÂN INHNINA 32:18

Anni neitu lungpui kha uksak mahai, annihai siamtu Pathian kha an rotsana.