HOSEA 13:14 - PATHIAN LEKHABU IRTHIANG C.L. Bible (BSI)

¹⁴ Seol kut ata anni kha ki irtan hrang ma ni? Thina ata ki isansuak hrang ma ni? O thina, ni hripuihai kha khôn mo a iom? O sual, ni thân kha khôn mo om? lung nang inkham viat no ning, irlet khomsian uksak no ning.

HOSEA 13:14 ပူးပေါင်းရင်းမြစ်များ

JOBA 33:24

Khanchu kha mi khan, “Lungkham takin, Ama chu mithi khua lan fetir loiin saninzôk ro; Irtanna ki hmu ta,” ti sian.

JOBA 41:22

A ringa hrâtna a neia, Ama irtongpui murdi an inthing ngai.

INPÂKNA HLAHAI 16:10

ki’rtha chu Seol kuang khan masan rak no chi nia; ni mi irthiang hmon hmu kha phal no chi ni.

INPÂKNA HLAHAI 30:3

O Rengpa nangin ki hringna hi Seol ata chu ni hruai suaka: Khurpadopa ki chum loina hrangin nangin ki hringna ni saninzôk mai tâka.

INPÂKNA HLAHAI 49:15

Ki hringna rêk chu Pathianin Seol kut ata irtansuak a ti; Ama’n chu a ni ilôm hrang a ni.

INPÂKNA HLAHAI 49:16

Ni’rchongtira a hong oma, A sûngkua roiinpuina chu a hong irkhêl sit sit khomin, chi no ro:

INPÂKNA HLAHAI 71:20

Nang, charindongna tamtak le irkhêltak ni nin hmutirin chu, Nin hringtir nôk a ti, Irnêng inthûk ata ni hruai suak nôk a ti.

INPÂKNA HLAHAI 86:13

Ki chunga ni lungkhamna chu ar khêlin; Ki hringna hi khurpadop inthûk tak ata ni saninzôk tâka.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

ISAIA 26:19

Ni mi lei thihai chu thoi nôk an ta, an takpumhai thoi nôk a ti. Nêngpila zâl tâkhai har nôk an ta, râifân takin zâi an ti. Hnâ chuai tâk, irdo’n a inhartir nôk ngai ang hin, a thi tâkhai khom Rengpa’n zuan harhai nôk a ti.

JEREMIA 15:6

Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 20:16

Rengpa’n khonzâna nei viat loia khopui a insiat ang khan anni chu om ri sehai. Zînga in sûnga chapa khêk inhre sianlân, sûn laitaka irdoina khêk irhâi inhre ri se.

JEREMIA 31:35

Rengpa’n hiang hin a ti, sûn invârtir hrangin misa a sina, zân invârtir hrangin tha le ârsihai ar fûktira, irhâi tam hrangin tuikhanglian chu an ri dur dura, ar hming chu itinrêng thothei Rengpa a ni.

EZEKIELA 37:9

Khan Pathianin ki kuang, “Mihriam nâipa, phâivuahai kuang thu hrilin lân, an kuang khan Rengpa Pathianin kil tin ata honga, hi mithihai sûnga hin phûk pehaia, inhringtirhai nôk hrangin thu nangni a pêk ti hrilhai ro,” tiin a hrila.

HOSEA 6:2

Sûn hni tena nin hringtir a ta; sûn thum nia ni kaithoi a ta, a makunga om ei ti.

HOSEA 7:10

Israel roiinpuina khan a hmâi makunga an hriattir ngaia, khannisianlân, hihai murdi khom hin, Rengpa an Pathian tiang khan irhei mahai, ama kha zong ual mahai.

MALAKIA 3:6

Kei Rengpa hi danglam ngai ma unga, khasikin nangni, O Jakoba irchihaio, ar hmang ni mak chêi.

NAMBAR 23:19

Pathian chu mihriam minlak ang hi ni maka, Ama chu mihriam milung irletkochok ngai ang hi ni ma; chong a inkung tâk chu a tho ngêt ngai. Thu a hrila, a’rzoi zel ngai.

ROM KHUAA MIHAI KUANGA TÎRTÔN PAULA LEKHATHON 11:15

Anni pai thâkna lua rammual hi Pathian ruala siam nôkna a ni’n chu, anni lômlût nôkna chu thina ata hring nôkna ni no ni mo?

ROM KHUAA MIHAI KUANGA TÎRTÔN PAULA LEKHATHON 11:29

Pathianin mi, sat a ivur tâk le a inthang tâk chu sut nôk thei ni ta mah.

2 KORINTH 5:4

Hi irnêng ina ei om laia hin puak rikin ei inrung tak taka, silkai boia om ei nuam sika ni maka, silkai thua om ei nuam sika a ni, thi thei hi hringna inlem zoiin a om theina hrangin.

FILIPI 3:21

Itinrêng ar cham hnuaia sia theitu khan, ei taksa intem tak hi ama taksa roiinpui anga om hrangin a sinthotheina khan a ni indanglamtir hrang a ni.

1 THESALONIKA 4:14

Jisua a thia, a thoi nôk ti ei iama, khaang dênin Jisua sika a thi tâkhai khom Pathianin ama leh hruai sa a ti.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

THUPHUANG 20:13

Khanchu, tuikhanglian khan a sûnga mithi omhai kha an suaktira, thina le mithi khua khan an sûnga mithi omhai an insua saa, an rêngin an sintho ang sengin roirêl pêkin an om tâka.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.

THUPHUANG 6:8

Ki hong ena, sakor dâng ki hmua. A chunga chuangtu irhming kha Thina a nia, mithi khua’na zui sa. Khandai hai, châm hai, hri hai, ram sahrâng hai hmanga that hrangin irnêng hi hmun minlia sena hmunkhat chunga irchamneina an pêka.

1 SAMUELA 15:29

Israelhai roiinpuina Pathian kha irsîr no nia, a lungrîl khom thûl no ni. Ama chu mihriam anga lungrîl irthûl ngai ni ma,” a tia.